|
دعووه للفتيات فقط <<معا لحياة افضل ضد البطاله والكسل
السلام عليكم ورحمة الله وبركاته
يابنات ماتحسوووووووووون بالقهر من البطاله انا هالاياام طاااايشه مرره ادورر لي افكار مشااريع تعبت وانا افكرر وادور شي له فاايده:Looking: وربي ابي اتوظف باللي هي به قلت مدام ماجت الوظيفه خل نشوووف انفسنا وندووور ع شي نظمن به مستقبلنا:court: بس الارزاق بيد الله والله يرزقنا عاجلا غير اجل يارب:o يلا بناات وش رايك نسووي اجتماع نواسي بعض ونستفيد من خبراتنتا وتجاربنا يعني اي وحده تدخل تسولف وتشكي وتقول الي بخاطرها الدعوه مناقشه وتبادل خبرات وايجاد الحلول واقامة المشارريع >> هذي متعووب عليها:cool: انا والله راسي مليان افكاااااااااااااااار وبخاطري اسوي لي مشرووع بالصيف لكن كل ماقررت اسوي شي يطلع لي شي عاارض:( اقول لعله خيرره بس ياااااااااااااااااااارب ياكرريم ترزقني وخواتي العاطلين بالرزق الحلال وبالوظايف:ash: يلا اي وحده تدخل تدلو بدلووها بجميع شتى الحيااة..:Thumbs::cool::Thumbs: بانتظااركم ياحبووبات يلا ابي همتكم وسووالفكم وخبرااتكم وتجاربكم>> ترا كلها ع وززن وااحد:yaa: |
بدل ماتعبي نفسك وتعملي مشروع وفي النهاية ممكن تخسري كل شيء
عندي لك حل بسيط ( اذا كنت تعرفي موظفات أجنبيات في اي مدرسة او شركة او........ وكانوا داخلين السعودية بنية الاقامة فقط في هاذي الحالة حرضي عليهم الحملات التفتيشية وهم مابيلاقوا أنفسهم الا في الترحيل وحتكون الجهات اللي موظفتهم تحت المراقبة فيظطروا رغماً عنهم بتوظيف السعوديات عن تجربة نولة :اعتذر لكل شخص أسأت اليه في المنتدى |
|
اقتباس:
أختي الله بيرزقنا من غير مانكيد بغيرنا ، بالنهاية الرزق عند الله مب عند المدارس الأهليّة ، لاتحسسوا نفسكم إنكم محتاجين للخلق دايماً لازم نفكّر إنه حاجتنا عند الله فقط ، ووالله لو الله كاتب لنا نتوظّف أو نقعد عاطلين محد يقدر يمنع عنّا قدره . |
اقتباس:
والله أختي مدري وش أقولك ، لله المشتكى ..!!! أحس كل ماقلت أبسوّي الشغلة الفلانية ألاقي مصدّات قدّامي ، الأغلبية يقولون كلامك غير منطقي .. أنا فكرتي إنه دايم لازم نفكّر وش الهدف من وراء إقامة المشروع . يعني عندي بعض الشروط لازم تتوفّر في مشروعي فيما لو :Looking:كنت بأسوّي مشروع .. 1-يكون فيه فائدة ونفع للمجتمع اللي أنا أعيش به ، يعني أقول مثلاً وش احتياجات البنات بحيّنا أو وش احتياجات أهل الحي بشكل عام ، وش ينقصهم ؟؟ وأسوّيه .(إذا كان مناسب لقدراتي طبعاً). 2-لازم يكون فيه دعم من الأهل لك مب شرط المال ، الأهم الدعم النفسي ، لأنه البنت بتحتاج مواصلات أوّلاً ودايماً هذي أكبر عائق أشوفه يقف في طريق البنات ، أيضاً تحتاج من يراجع لها في الدوائر الحكومية ويتابع لها معاملة معيّنة ، يعني إذا الأهل مو مقتنعين بمشروعك،صعب إنك تسيرين فيه بسهولة . 3-أحتاج أعمل دراسة جدوى لمشروعي ،لأنه ممكن الشي اللي معتقدته يكون غير عملي واقعيّاً. تقريباً هذي أهم الأشياء. كمشروع محدد حاليّاً مافيه في راسي ، أشوف الوظائف أفضل . سبق إني فكّرت بمشاريع في بالي وبعد فترة لقيت أخوات نفّذوها فاستبعدتها .. فقلت خلّيني أكمّل دراساتي العليا أفضل لأنه بالنهاية مافيه أزين من العلم ، لكن إن جت الوظيفة ماراح أردّها .. الله ييسّر .:) |
وعليكم السلام ورحمة الله وبركاته
يالبى لقليبك اله يسعدك ويرزقنا من اوسع ابواب الرزق الحلااااال الوفير بناات وش رايك نسووي اجتماع نواسي بعض ونستفيد من خبراتنتا وتجاربنا... هئ للأسف من ناحية الخبرات مااااش:eek: ما عندي الا خبرة تنظيف المنزل وعندي خبرة تربية البزارين أخذتها من مدرسة ابناء أخواتي وأخواني :cool:(مومتزوجه) طموحي كبير لاكن الثانويه حطمته لابارك الله بالشيطان :( والكليات ما قبلتنا :mad: بث فيه حاجه حلوة ودخلت مخيخي :Thumbs: مرة من المرات في جلسه من الجلسات في سالفه من السواالف <<:ash:طولتها وحدة قريبه لي عطتني فكرة روووعه مشروع ولا أحلى بس يبيله وحدة ذوووق وتعرف أذواق الناس وتعرف بالخياطة والتطريز هوو مثل أعادة تصنيع >>خخخ معرف كيف اجيبه المووهيم يعني اذا كان فيه جاكيت او شنطة او جزمه او اي شي مستعمل الوك بتاعه قديم او تبي البنت تغيره لنفسها او تغيره و تبيعه مثلا الجزمه اذا كانت سادة تغيرها بالفصوص او الورود على حسب طلب الزبونه او اذا كان الجاكيت او الشنطة قديمة بلمساات ذووق تطلع جونان وممكن اذا كانت صاحبة المشروع موهوبه تصلح اكسسوار على الملابس بطرق حلوة وغريبه فهمتوووو بس يبغاله تخطييط وترى البنت ماجابت هذي الفكرة الا انها شافت كثير بنات يحبون هالأشياء والسوق بها مممممممممماشي وممتاز >>تعرفون الحريم يحبون التغغير والتكشخ:p هااا عجبكم المشروع والا فاشل:ash: والي عجبها وتبي تصلحة لاتنساني من الدعاء والهديه :ash: خخخ هاذي حصيلتي :ash: لكم وديي |
فديتكم يابنااااااااااات
والله من جد معاناااااااااااااااااااات يالله يارب ترزقنا بالرزق الحلال ولا تحوجنا لاحد من خلقك ان الله يرزق من يشاء بغير حسااب يالله بانتظار الصبابا كلن يدلو بدلووه نبي نستفيد ونسووووووولف |
هلا سراااب قصدك نسوي مشروع مع بعض قداااااااام انا ماعندي مانع بس انت وين ساكنه:confused: |
| الساعة الآن 01:42 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين