دراسة جدوى لمشروع سيارات اجرة عامة؟؟
 

اهلين
صباحكم او مساءكم ورد وعسل وجوري

ابغى اي احد عنده خبرة في مجال مؤسسة سيارات اجرة عامة
ابغى دراسة جدوى او اي معلومات تفيديني بهذا بالخصوص
ممكن؟؟

الله يعطيكم العافية

للاسف يالغالي ماعندي خبره بهالموضوع

الله ييسر لك انشالله ويفتح لك ابواب رزقه

مرحبا ..اقدر افيدك بهالمعلومات من سائق اجرة
مشاريع النقل مربحة وتعتمد على منطقة المشروع بشكل أساسي .. وكأقتراح ابدأ بسيارة وحده و شوي شوي يكبر المشروع بدون خسارة ( إن شاء الله )

في مشاريع سيارات كأنها خاصة بس تقوم بعمل التوصيل و هي مفضلة للموظفات و الطالبات أكثر من الاجرة و الباصات وهي شركات لها اعلانات بس السيارة عادية تتصل عليهم في أي وقت 24 ساعة و التوصيل بالساعة و المشوار و الشهر بس اهم شي الثقة و الاحترام سواء للاشخاص أو المواعيد .... و بالتوفيق

السلام عليكم

نهايو عاطل انا عندي نفس الفكرة

وحاب احصل على معلومات اكثر .. عن المشروع

بارك الله فيكم

بالتـووفـيق لـكـ اخـووي ...

بارك الله فيك اخوي وجزاك الله خير على هالدعوة المباركة

هلا اخوي
بالنسبة للمنطقة الخبر والدمام
انا حاولت اعرف معلومات من سائق اجرة بس اتوقع ماعنده المعلومات الادارية الكافية لادارة المشروع يعني الادارة تقولة خذ السيارة وجيب لنا في اليوم مثلا 120 ريال.. هذي طريقتهم
مشروع السيارات الخاصة اللي تقصدة صعبة متابعتها ولا تقدر تسيطر على السواق.. اتوقع لو طريقتهم مثل سيارات الاجرة يعني يشرطون مبلغ معين في اليوم والباقي حلال على السائق.. يمكن تكون مناسبة..
يعطيك العافية اخوي على المعلومات


هلا اخوي
اذا ما عندك مانع نتشارك في الافكار او حتى في رأس المال
الله يعطيك العافية اخوي

الله يوفق الجميع اخوي

اخي السائل بعد السلام والتحيه
مشروع الليموزين مشروع يعتمد على قوة الاداره والمتابعه مع قوه براسالمال
يجب عليك ان تضع في الحسبان انك بحاجه الى اثنين مليون ريال كبدايه
1-تحتاج الى رخصة من وزارة المواصلات وهذي متوقفه منذ مبطي لذا عليك شراؤها من السوق وسعرها الان حوال 500 الف ريال
2- لايمكن نقل الرخصه باسمك الا اذا كنت وفرت العدد المطلوب من السيارات وعددها خمسون كحد ادنى وتكلفة الخمسون سياره حوال ثلاث مليون الى ثلاث مليون ونصف ولكن ممكن تاخذها بالتقسيط بنظام الايجار منتهي بالتملك ( المستفيد هنا وكالة السيارات لانها بتاخذ عليك ارباح )
3-محتاج الى سائقون والفيز لشركات الليموزين متوقفه لاجل نظام السعوده والشاب السعودي مارح يشتغل على ليموزين ويحقق لك المستهدف فالنفرض 100 ريال يوميا عدا الخميس والجمعه يعني السياره بتدخل عليك الفين رياال شهريا بيكون قصطها 1600 يتوفر معك 400 ريال شهريا من السياره الواحده
4- تحتاج الى فتح سجل مقاولات فرع من سجلك الاصلي وذلك لتنقل كفالة السائقين عليه وتكلفة السائق الواحد اذا حصلته بيكلف 13 الف ريال وبتواجه مشكله في نقلهم بالجوازات ومكتتب العمل وبيطالبونك بالسعوده والله يعينك على التامينات للسيارات والعماله والموظفين
يشترط ان يكون عندك حوش كبير على شارع رئيسي مبني حسب المواصفات وذا بيكلفك حوالي 200الف ريال تقريبا كتاسيس وايجار وبناء مكاتب
وتحتاج ورشة بنفس الموقع لغيار الزيوت والبنشر والصيانه الخفيفه وان شاء الله توافق البلديه
تحتاج لمديير ومحاسب ومعقب واثنين فني كهرباء ومكانيكي وعاملين نظافه
اولا وليس اخيرا التوكل على الله
وبالتوفيق
ملاحظه ( ارباح المشروع ذهب وتتحقق بعد سنتين او ثلاث حسب مدة التقسيط فاذا تحررة السيارات سوف يكون دخلها لك لمدة سنتين او سنه حسب خطتك وفي النهايه تبيعها ومبلغ البيع هو الربح فانصحك ان تكون سياراتك على دفعات حيث تشتري كل سنه من عشرين الى ثلاثين سياره فسوف تحس بطعم المشروع وارباحه من تحرير او دفعه من السيارات المشتراه )

الله يوفقك ويسهل لك امورك..

groop1
وربي ضحكت على نفسي لين انفقع بطني
كل هذا مطلوب
انا افكر المسألة بسيطة
كلها رخصة ومكتب وخمس سيارات سوناتا وخسمة بنقالية وانتهى الموضوع

الله يعطيك العافية على المعلومات
وشكلي بهون عن الفكرة نهااااااااائي

جزاك الله خير

عندي نفس الفكرة وتكون بشراء سيارات خاصة وحسب الطلب
والسواقين يكونون موجودين البيت إلين يجيهم طلب يعني توفر بنزين ومشاكل السيارة
لكن إجراءاتها صارت صعبة بس ما توقعت مثل ما ذكر groop1

بشوف لي مشروع ثاني ، والله يوفقنا وياك والجميع إن شاء الله

اخي العزيز لاتضحك على نفسك بالعكس المفروض تسعد بطموحك كلنا كونا تجاره من لاشي
المهم التوكل على الله والصدق بالمعامله
ليس صعب تحقيق هذا المشروع
هل فعلا انت جاد ولك رغبه فيه ؟
ارسمه وسجله هدف لك وسوف يتحقق باذن الله
فالنبداء
-----------
اذا امكانياتك 100 الف ريال والا اقولك ابداء ب 50 الف ريال او تدري ابسطها لك ابداء ب 5 الاف ريال شرايك ؟ هل لديك العزيمه والاصرار ؟
؟
؟
؟
؟
توكل على الله سياره صغيره سوناتا او ايكيا او او بنظام منتهي بالتاجير وبدون مقدم ---- طبعا الى الان ماخسرت شي
بروشورات عدد الف بتكلفة 500 ريال
جوال بتكلفة 500 ريال
مصاريف بنزين لمدة 3 شهور 1000 ريال
باقي من 5000 باقي منها ثلاث الاف ريال وهذي راتب العامل لمدة 3 شهور شهور
---------
الان راس مالك الحقيقي موجود عندك ماصرفت منه سوى خمسة الاف ريال فقط
خطة العمل
ارسل السواق يوزع البروشورات على البيوت اللي حولك بحارتكم
موضوع الاعلان
خدمات مشاوير خاصه سيارات موديل 2009 جديده
لاداعي لاستقدام سائق ( نحن بخدمتكم )
يوجد لدينا خدمة عملاؤنا فقط نؤمن لهم احتياجاتهم وطلباتهم من الاسواق المجاوره باسرع وقت
من
السوبرماركت-- المغسله -- المطعم -- البوفيه
يوجد لدينا سيارات للمناسبات الخاصه ( سيارات فاخره حسب الطلب ) السياره بسائق او بدون سائق
كما نؤمن لكم سيارات حسب الطلب للاجار الشهري او اليومي بسائق او بدون سائق
---------------
تلاحظ الاعلان طبعا لازم تصيغه صياغه احلا من كذا وتحط فيها صورة بعض السيارات الفاخره والعاديه
ولاتنسى رقم جوالك وصورة السائق بلباس مرتب وبدله حلوه
-------------
طبعا بستغرب انت ماعندك الا سياره وحده شلون تؤمن لهم كل هالطلبات ؟ صعبه صح ؟
لا انا اقول لك سهله وانا ممكن ادعمك بالسيارات الباقيه
العمليه سهله تتفق مع مكتب تاجير سيارات بان لك خصم خاص على كل عميل تجيبه له ولك على عقد نسبه معينه هي ارباحك وكن حذر العقد لابد يكون بين العميل وبين شركة التاجير انت خلك بعيد

-------------
طبعا لاتبداء كل الخطوات باعلان واحد يجب عليك ان تبداء بالمرحله الاولى لمدة ثلاث شهور اللي هي خدمة توصيل الطلبات وخذ 3 ريال على طلب خدمه تضاف للفاتوره واعرف عملاؤك وسجل عناونهم وبعد ثلاث شهور ادخل نظام اشتراك شهري 100 ريال مثلا
---------------
بعد كذا اذا كونت قاعدة عملاء اشتر سياره صغيره بنظام التقسيط وادخل للمرحله الثانيه ( مشاوير خاصه )
---------
واذا نجحت ادخل بالمرحله الاخيره تاجير وسيارات متعدده حسب الطلب بالتنسيق مع مكتب تاجير وافتح لك مكتب صغير على الشارع العام
-
-

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ماعليك من الناس المثبطين ؛ لأنهم في نفس المجال يخافون من المنافسين ، لكن ابدأ في المناطق الي يشترط فيها عدد سيارات أقل يعني فيه مناطق كبرى محدده على أنها ماتقل عن (50) سيارة والمناطق الثانية (15) سيارة ويشترطون عليك تعهد سعودة ، ماعندك مشكله وقع التعهد ثم بعد ذلك افتح شركة مقاولات انقل عليها كفالة الأجانب ثم انقلهم على المؤسسة ولا يلحقك شي ، وحط سعودة صوريه لربعك .
باختصار : (يعني ابدأ في المناطق الصغيرة ثم انتقل للمناطق الكبيرة الي يشترط فيها عدد سيارات أكثر) .

^

طيب إذا حط اجانب بيلحقه التفتيش ويمكن ينمسكون الاجانب من المرور وهم يسقون السيارات

اخوي قروب ١ صعبته انت وخفت انا
لكن اخونا مسووول سهله انا من القصيم
وماعندا شركات واجد يعني ما اتوقع انهم يطلبون عدد كبير للسيارات والسيارات امرهن بسيط اجار منتهي بالتمليك

المشكلة في الترخيص من عندهم اذا هو متوقف ولا لا
والشرط الثاني الحوش
والثالث كهربائي ومكانيكي

بالتوفيق