لطلاب الجويه =دورة 16=
 

السلام عليكم ورحمة الله وبركاته

اول شي ابارك للمقبولين مبدئيا والله يوفقكم جميعا....

المهم انا طالب من دورة 15 الي للحين مازلت في الدوره
انا صراحه ودي اريحكم من عناء الاشاعات والاسئله الي مالها نهايه والتفكير وكل واحد يقول كلام على كيفه من ناحية الدوره ومدتها وطريقتها والرواتب لاني مريت في هذي المرحله وارتفع ضغطي المهم "
انا قدمت على الجويه في دورة 15 تحديدا على قاعدة الامير سلطا في الخرج وتم قبولي مبدئيا وخلصت الاوراق الي طلبوها مني وسويت مقابله شخصيه ورحت للمستشفى وخلاصت اموري كلها ملاحضه..الاجرائات والمراجعات خاصه في التقديمات العسكريه تطول وبعض الاحيان تورح وترجع بدون فايده يعني لا تتحطم ولا تنقهر ولاتوسوس وتقول انهم يصرفوني هم اذا ما يبونك بعطونك اياها على بلاطه.. في المقابله الشخصيه لا ترتبك وخلك طبيعي ولا تنسى ارفع صوتك وخلك واثق جاوب على اي سؤال وانشالله لو غلط هم ما يبون الي يتردد....
المهم"خلصت الاوراق وكل شي قالو ان دورتنا تبدا 1\1\1430
وبعدها قالو ان الدوره تاجلت الى 13\1
ومرت الايام وقرب الموعد وعطونا الاوراق والطلبات الي يبونها وسويت كل شي وجهزت كل وتكلت على الله ورحت للطايف وكان موعد التحضير الساعه 6 اذا ماني ناسي جيناهم ودخلونا المركز وصفونا ووزعونا على اربع سريا..
وجلسنا عندهمالى يوم الخميس العصر والوضع عاادي وطبيعي وناسه وجمعة شباب وسوالف المهم قالو بنطلعكم وتجون تحضرون يوم الجمعه عشان فيه طلاب ما كملوا اغراضهم طلعنا وجيناهم الجمعه وما سوو تفتيش ولا سوو شي وبدينا با45 الي يسمونها النفسيه
جدولهم يصحونك الساعه 4 او 3 ونص الفجر تتوضا وتصلي وبعدها تروح للميز الي هو المطعم وتفطر وبعدها تنزل للميدان ويسوون تمام يعني ياخذون عدد الطلاب ومن الساعه 6ونص تبدا الحصص يعلمونك على الحركات العسكريه =ثابت وراحه واستعد هذا اول شي يعلومنك عليه فيها تعب بس بسيط المهم على الساعه 9 يعطونك راحه نص ساعه وبعدها ترجع عشان الحصه الثانيه وبعدها راحه وبعده حصه ثالثه وبعده يصرفونكم عشان تتوضون وتصلون الضهر وبعد الصلاه يصفون عند الميز وياخذون التمام..العدد.. وبعدها تغدون ثم يصرفونكم للسريا يعني المكان الي فيه السراير والشناط وقبل صلاة العصر بنص ساعه يصحونكم عشان الصلاه تصلون وبعدها تنزلون الميدان تاخذون حصه اوحصتين من التدريبات العسكريه وبعدها يصرفونكم للبوفيه لمدة ساعه الاربع وبعدها صلات المغرب وبين المغرب والعشا اما عشا ولا محاضره وبعده صلات العشا وبعدها عشا وبعدت العشا ياخذون تمام ..العدد.. وبعدها يصرفونكم للمون على الساعه 9 او 9ونص هذا جدولهم ما عدا الخميس والجمعه ما فيه حصص عسكريه ولا تدريبات هذا الجدول الي يمشون عليه طول الدوره....
المهم انا عن نفسي ما جتني النفسيه الا في الاسبوع الثالث بسبب الاشاعت وراح تسمعون من الاشاعات لين ما تشبعوووووووووووون.!
المهم المعروف ان ال45الاولى ما فيها الا زياره وحده بس دورتنا جت فيه 3زيارات متتابعه ورا بعض وعلى فكره ورب الكون اني ما انقطعت من الدخان ولا يوووووم ولا من الجوالالمهم مرت ال45 الولى وتخرجها ماكان فيه حفل صرفو لنا البدل العسكريه يوم التخرج وطلعنا الساعه 11 النهار وعطونا 10 ايام ورجعنا لل45 الثانيه والي راح يكون فيها خروج كل اربعا وتجيهم الجمعه يطلوعنا الاربعا العصر ونجيهم الجمعه الساعه 8 باليل برضو كانت نفس الطريقه ونفس الجدول اللي تغير علينا الحركات و السلاح والرمايه بس لانها 44حركه عسكريه واخر 3 اسابيع من ال45 كانت بروفات تخرج مشاة بالسلاح وتخرجنا من الفرد الاساسي الي هي الثلاث الشهور الاولى على فكره""الخدمات الي هم سائق مراسل كاتب تمريض دورتهم ثلالث شهور بس"""
المهم تخرجنا من الفرد الاساسي الثلاث شهور الاولى وارحو اخوانا اهل الخدمات وياشينه من يوم مناحه اشين يوم مر علي ذاك اليوم بعد التخرج من الفرد الاساسي يعطونك عشرة ايام اجازه وبعدها تبدا دورة التأهيل الامني الي راح تكون لطلاب الامن والحمايه والرصد الجوي ومدتها شهرين
راح تكون كلها تعليم يعني الصباح تاخذلك كم لفه هلى الميدان هروله ومشاة لمدة 45دقيقه وبعدها تروح على التعليم الين الضهر والعصر عندك حصة هروله لمدة 45 دقيقه وتجلسون في التعليم شهر والشهر الثاني يكون بروفات التخيرج النهائي الي بيحضره سمو الفريق عبدالرحمن الفيصل هذي هي الدوره
نصيحتي لكم========
اذا تبي تبزوطبزوط واستهبل في ال45الاولى عشان ال45 الثانيه في خميس وجمعه وطبعا الخميس والجمعه تسوا الدنيا كلها ال45 الثانيه انضبط اما الشهرين الباقيه راح يعاملونك معاملة عسكري يعني الغلطه محسوبه عليك هذا الي قدرت اقوله لكم يالربع واسف على القصورررر
لحضه انتبهو من
1:النقيب بليهد حمد البليهد تراه وسخ ونذل واذا ضحك في وجهك اعرف انك متجازي ومحجوز خميس وجمعه وعلى فكره النقيب ذا هو قايد السريه الثانيه
2:العريف عايض الربيعي انذل ما خلق ربي بالكون كله حسبي الله عليه ونعم الوكيل
3:الجندي الدلخ برجس البقمي نشبه
4: الجندي اول فهد سعود العتيبي يرفع الضغط
وعلى فكره ترا الوضع سهلات لا كبرون الموضوع والله العضيم ان الدوره مشت كنها يوم والوضع عااادي الدخان سهلات انا وربي ما ادخل الا ومعي خمس بكتات لا وازيدكم الشعر بيت ندخل معنا فطاير لوزين وكيك وعصرات وببسي وفصفص وتونه وشطه عشان الغدا يعني الوضع عااااا ادي فري فري لابعد درجه وعلى فكره انا طالعين اليوم معطينا يوم طالب يقولن الدوره هذي منضبطه تستاهلون وباقي على تخرجنا 3 اسابيع انا الحين نسوي بروفات التخرج النهائي وابشركم عندكم عقيد اسمه مناور المطيري عسى الله يطول بعمره والله العضيم ما شفت اطيب منه ولا ارجل منه بيض الله وجهه.....
على كل حـال انا كان ودي افيدكم واتمنا اني نفعتكم والله يوفقكم ويوفقنا ومثل ما قلت لكم ترا الوضع سهلااااااااااااااااات لابعد حد ورب الكون دلع في دلع حتا المباريات نشوفها هناك على اي ار تي

موفقين خير انشالله انا والله ما سجلت بالنتدى الا عشان اعلكم بالدوره ونضامها وهذي اول مشاركه لي

دعواتك لي....
انا من السريه الثانيه سامحوني على القصور واذ1ا فيه غلطات مطبعيه والله انكسرت يدي وانا اكتب

وعليكم السلام ورحمة الله وبركاته
مشكووور اخوووي انت ايش تخصصك ؟
ماجاء منك اقصووور

انا ياطويل العمر امن وحمايه

يعطيك العافيه ما حصل قصور ... بيض الله وجهك

الله يعطيك العافيه

الله يسعدك وييسر امرك يارب

مشكور اخوي عسى عمرك طويل

حبيبي بغيت استفسر انت التحقت بالدوره بعد الثانويه ولا الجامعه

ايش طبيعة العمل؟

بالثانويه

العماح يكون خفارات على بوابه او على مخابئ او ابراج او مطارات يعني استلم 24ساعه واسلم48 ساعه وترا هذي تختلف من قاعده الى قاعده انا انصح بالمطارات لانها فله يعني ما حولك احد

انا التحقت بالدوره ومعي الشهاده الثانويه واذكر كان معنا طلاب معهم شاهده جامعيه تخصص تمريض وعطوهم رتبة عريف يعني رواتبهم تقريبا 5800ريال

الله يوفقك

السلام عليكم..
مشكور ياطويل العمر ماقصرت..
وانا نفس تخصصك:)
بسالك يالغالى كم الراتب بعد التخرج وكم الراتب اثناء الدوره؟
الدوره تقريبا 6 شهور صح؟
طيب يالغالى بداية الدوره فيها جرى وهروله شديده ولا شوي >>>ماعندي لياقه :(
حنا قدمنا على المدينه هل لما يجي التعيين باذن الله 99% بنفس المدينه الى قدمت عليها ولا يمكن يرموني مكان ثاني؟
دوام حراسات امنيه 24 ساعه وراحه 48 ساعه؟
معيش طولت عليك بس ودي اعرف كل شي لانه في ناس يقولون لى لاتخشها وتراها تعبانه صراحه خوفوني :(
بسالك اخر سوال يقولون دورتنا شهر 7 هل صحيح اذا دخلنا برمضان راح يعطونا اجازه ولا كيف؟
ومشكور يالغالى

الدوره 5شهور فقط وبداية الدوره ما فيها هروله يعني نادرا يمكن في الاسبوع مره بس مشاة عسكريه في اخر الفرد الاساسي يعني في الشهر الثالث اما التعين راح يكون على القاعده الي قدمت عليها والجويه معروفه المكان الي تقدم علي تاكد ان دوامك فيه ميه بالميه انشالله اما دوام الحراسات اذا كنت على بوابه تستلم 24 وتسلم 48 وترا هذي تختلف من قاعده الى قاعده يعني مثلا في خميس مشيط يستلمون 24ويسلمون 24 بالنسبه لدورتكم يوم الاثنين امس الصباح طلع العقيد مناور المطيري وقل ان دوره الجايه يالي هي دوره 16 راح تكون في شهر 7 واما رمضان في دورة 14 الدوره الي قبلنا عطوهم شهر بس ترا العميد الي كان مستلم المركز تقاعد يوم السبت الي راح يعني الحين فيه واحد غيره وانشالله انه بيعطيكم رمضان كل لانه طيب واجودي واطيب من العميد الي قبله واي سؤال انا تحت امرك

يعطيك العافيه ماقصرت بتوفيق للجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
الحمدالله تم قبولي في معهد الدراسات للقوات الجوية الدفعه الثانيه وتاريخ المرجعه 15/11/1430

مشكور اخوي دوره ماقصرت الله يعطيك العافيه...
بس ياليت لو عندك خلفيه عن دوام قاعدة المدينه المنورة المنورة تخبرني..
وبالنسبه للراتب بعد التخرج ماعندك خلفيه عنها ؟ وبعد ماخلص الدوره كم يعطوني حق ال 5شهور الدوره ؟

حياه العاطلين على البركه
ان شاء الله وانا تم قبولي في 12/11/1430
الدفعه الثانيه اتمنى لك التوفيق

ههههههههههههههههههههه وصف خيــآلي للضآبط والجنود

مامن قصووووووووووور يآلغالي

اسـأل الله يتمم عليكم بخيـــــــــــــــــــــــــــــــر يآرب

جزاك الله خير وبيض الله وجهك
أنا عندي أستفسار لو تكرمت،،،،،،،،،،
أنا قدمت على قاعدة الملك عبدالعزيز الجوية بالظهران والحمد لله سويت الفحص الطبي بس ناطر النتيجة ، وقبلوني مشغل إتصالات
ودي أعرف كيف الدوام إذا عندك علم والراتب ومتى الدوره وكم مدتها وهل أقدر أحول من قاعدة إلى قاعدة أخرى:eek:
ومشكورر وبيض الله وجهك وبالتوفيق

مشكور اخوي على التوضيح وبيض الله وجهك بس لنل عندي استفسار بسيط انا مقدم على امن وحماية في امن المطار مطار الملك عبدالعزيز بجدة بغيت اسالك عن الراتب في ناس تقول راتبها 5200 وناس تقول 4300 والله العظيم توهقنا وطبعا اكيد عندك معلومات بخصوص هذا الموضوم فياريت تفيدنا واكون شاكر لك بيض الله وجهك مرة ثانية

الى سلم اوراقه في قااعده جده ايش قالوووله

الدوام على حسب الموقع وانا ذكرت الشي هذا في موضوعي الول

الراتب من 4800الى5300 هذا العلم الي عندي واذا تخرجت يعطونك عشرين الف تقريبا وموفق خير وانا تخرجنا الاسبوع الجاي انشالله هذا كلام العقيد

الدوام ماعندي اي معلوميه عنه بس الضاهر انه مكتبي يعني ما فيه تعب
والرواتب ما ادري اسئلني عن الامن والحمايه وابشر
الدوره انا سمعت انها في شهر 7 نص الشهر على ما اضن
مدت الدوره 3شهور
وتقدر تحول من قاعده الى قاعده بس لازم تحصل واحد يبي القاعده الي انت فيها وهو من القاعده الي انت تبيها وهذا يسما دقيش

الراتب حوالي 5200 او اقل بشي بسيط يعني 4800

وعلى فكره امن المطارات هو افضل دوام يعني ما عندك ااااحد وموفق اخوي وبركوووولي مقدما

كم رواتب المراسلين والخدمات وشكر لك على هذا التعاون

مبروووووووووووووووك يالغالى..
وتكفى لما تتخرج ان شاء الله ويتم تعيينك بشرنا عنك ..

الله يوفقك ويوفق جميع اخواني العاطلين يارب

وعليكم السلام ورحمة الله وبركاته

جزاك الله الف خير اخوي طمنتنا

الله يطمنك وبالتوفيق

الله يوفق الجميع

شكرا لك على معلوماتك الطيبه

الله يوفق كل متقدم

ارررررررررررررررررحب

بالتوووفيق للجميع اللهم امين

ااميييييييييييييييييييييييييييييييننننننننننن