|
حب من اول زبالة هههههههه
قصة البنت والزبالة "الله يكرمكم" وولد الجيران قريت هذي القصة والصراحة ضحكت عليها وأعجبتني وحبيت انكم تشاركوني فيها.. هذي البنت سلمكم الله عندها أخوات أكبر منها وأصغر منها وهي توها متخرجة من الثانوي المهم بالبيت ما عندهم خدامة كل يوم الدور على وحدة من البنات تطبخ وبعدين ترمي الزبالة "الله يكرمكم" عند الباب المهم جاء دور هالبنت اللي أتكلم عنها كانت سهرانة مع اخواتها الين الساعة 2 الصبح... وبعدها خواتها طلعوا ينامون فوق... وهي قعدت تنظف المطبخ وتشطب عليه.. وقامت طلعت الزبالة عند الباب ...المهم البنت قالت ليش أحطها عند الباب خليني أتشجع وارميها بالزبالة احسن.. وطلعت بره بالشارع وكان الشارع فاضي.. مرة وكانت الساعة حوالي 3:30 المهم يوم جت تطلع ترمي الزبالة المهم الهوا صك باب بيتهم هههههههه وقعدت المسكينة بالشارع .... فكرت ترن الجرس خافت أبوها يهاوشها ويسويلها شيء .. ( لأن أبوها شديد)... وطلعت بالشارع ما عليها إلا ! قميصها حق البيت .. المهم حست أن صوت يقرب.. صوت سيارة !! قامت مسكت الزبالة وقلبتها ودخلت جوتها المهم كان اللي جاي ولد الجيران.. كان توه جاي من استراحة... المهم جاء ولد الجيران ووقف السيارة وطلع المفتاح عشان بيدخل للبيت إلا يسمع صوت يتحرك بالزبالة؟! واستغرب إن الزبالة مقلوبة قام قرب من عندها ...و جا بيرفع الزبالة ويزينها ... إلا صرخت البنت وقالت: لالالالا... قال: بسم الله الرحمن الرحيم.. إنتي إنس ولا جن؟! قالت: والله إنس، قال: إنتي وش جابك هنا؟؟!!... وقالت له: القصة وهي متغطية بالزبالة وترجت ولد الجيران يساعدها... قال:خلاص لا تخافين... قام قرب سيارته من باب البيت و ركب فوق السيارة ونقز وفتح للبنت الباب.. وقالها: ادخلي بسرعة لا احد يشوفك... قامت مسكينة ما صدقت رمت الزبالة .. وطلعت كذا قدام ولد جيرانهم المهم دخلت وقفلت الباب على طوول.... وولد الجيران واقف ما تحرك يناظر فيها المهم.. ما مر على هالسالفة يومين إلا جا وخطبها من أبوها وتزوجها... ههههههه والله قصة زواج غريبة وعلى فكرة ترى هذي سالفة حقيقية وحصلت بالفعل.... واللي يعيش ياما يشوف ويسمع . من بعد هذا بتلاقي البنات كلها بره الليل ترمي الزباله م/ل |
|
العـآطل الموظف ../ هههههههههههههههه وقسم بالله حلوه
اجــل انـآ على كذآ كل مـآرجعت اخر الليل بروح اقلب الزباله اكرمكم الله واشوف يمكن يطلع لنا شئ <( لاياشيخ) يعطيك العـآفية ووسع الله صدرك مثل ماوسعت صدري |
اقتباس:
مع ان القصه حلوه عكس الموضوع لكن نقول الحمدلله اقتباس:
على العموم مشكور لكن نزلت الموضوع في الليل والناس نايمه او شكل الموضوع هو السبب :cry: لكن يالله ماعلينا الحمدلله اني وسعت صدورك شويه :rolleyes: |
شكر على
الطرح الاكثر من رائع العاطل الموظف يعطيك العافيه \ / \ تحياتي |
قصه تشجّع الواحد انه يشتغل في البلديه :d
|
من بعد هذا بتلاقي البنات كلها بره الليل ترمي الزباله
موكل مرة تسلم الجرة مشكور على القصة الغريبة |
يعطيك الف عاااااااافيه اخووووووووووووووي على الموووووووووضوع
|
بصراحه صاحبت القصه اعرفها معرفه شخصيه
|
الله يسترعليها
|
| الساعة الآن 03:32 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين