اشرايكم بالمشروع .. ابي رايكم الله لايهينكم
 

السلام عليكم ...
انا عضوه جديدة المنتدى اتمنى اني اكون ضيفة خفيفه عليكم :)
وياكم اختكم منوره من الكويت بصراحه انا فبالي مشروع وحبيت اخذ رايكم في يمكن بعض اخواني وخواتي عندهم خبره بهالمجال ,, فكرت اني اجيب عبي وشيلات من الخبر وابيعهم عندنا بمعرض بما انه رمضان والعيد جاي بيكون موسم واقبال على العبايات وعندي وحده من صديقاتي ماتشتري عبيها الا من الخبر والكل يسألهم عنها يعني مطلوبين عندنا .. بس الله لايهينكم ابيكم تساعدوني تدلوني عالاماكن اللي اسعارهم معقوله وعندهم موديلات حلوه وتقريبا اذا راس مالي 6500 ريال كبداية يكفي ولا مايكفي وتقريبا كم عبايه يجيبون ؟؟ واكون شاكره لكم :)

تم الاتصال على صديق بالمنطقة الشرقية
شغلته كلها العبايات والاقمشة
وحكيت له قصتك ..
وأقتـرح عليك ..

شراء الاقمشة من (مركز العمودي)
فيه محلات كثيره اقمشة عبايات وبالجمله

والتفصيل ..
تسوين اتفاق مع خياط تفصيل
وتلاقين الافضل والي يعاملونك بالجمله
وتسليمهم في اوقات معقوله
تلاقيهم في (السويكت بالخبر)
عمارة اسمها الاحمدي
فيها خياطين كثير ومعامل خياطه


::

الله يوفقك يارب
وكل التقدير

حياك الله


للأسف ماعندي خلفيه عن الموضوع

لكن بالنسبه لتوصيل البضاعه من الشرقيه للكويت أعتقد لو ذهبتي أنتي وجلبتيها بدل شركات الشحن لأن المسافه من الكويت للخبر كلها ساعتين او ساعتين ونص !!!!!

الله ييسر لك

والله ماعندي خلفيه
لاكن حبيت ادعيلك
الله يوفقك وييسر لك امرك ولا يعسره
ويرزقك من حيث لا تحتسبين
والله الله يالحريم صرتوا في المجلس <<<<<< دعابه
طمنينا وش بيصير معك وان شاء الله تلقين اللي يسرك هنا


اخوك يحيى

مشكووورين اخواني ماقصرتوا الله ييسر اموركم ويسهل عليكم ان شاء الله
مول نت : مشكووووووور اخوي ماقصرت على هالمعلومات اللي بتنفعني بإذن الله
احبك يازوجتي : تسلم على مرورك الطيب ,, انا بعد قلت جذي الله يخليلنا طريج البر وشلنا بالطيران مصاريفه والدرب قريب:>
يحيى صالح : تسلم وماتقصر الله يوفقك يفتحها عليك ,, على فكرة انا عرضوا علي الوزاره بس رفضت قلت اجابل مشاريعي احسن p:

ياهلا ومليوون غلا فيك وبإهل الكويت الغالين علينا .

الله يوووووووووفقك ويسهل لك امرك يارب والله ماعندي خبرة بإسواق الشرقية وبإذن الله مايقصرو معاك الأخوان هنا بس حبيت أنبهك بخصوص كلمة (الله لايهينكم) يُقال أنها لاتجوز لأن الله لايهين أحدآ لكن نحنا بالخليج تعودنا عليها:d والله يسامحنا ويغفرلنا:rolleyes: !

أتمنى لك التووووووووووفيق والسعاااادة غاليتي وبإذن الله تحققي كل طموحاتك وآمالك يارب .

والله ماعندي خلفيه
لاكن حبيت ادعيلك
الله يوفقك وييسر لك امرك ولا يعسره
ويرزقك من حيث لا تحتسبين

أنا انصحك تجين بنفسك و تبحثين على اللي يناسبك لان الأذواق تختلف
وترى الخبر صغيره يعني يومين يمديك تفرينها كلها
واذا تبين الرخص بتلاقينه بالسويكت وفيه كم محل خياطهم تمام
بسالك عنهم و بردلك في اقرب وقت

موفقه اختي

مشكوووووين حبايبي ماقصرتوا على مروركم الطيب والله يعطيكم الف عافيه :) وحيدة بدنيتي والله صراحه انا اول مره اسمع انه مايجوز ومشكوره انج نبهتيني الله يوفقج ويوفقك الجميع ويرزقهم من خيراته ,, انا فكرتي اني اجي الخبر 3 ايام بجذي اكون وفرت مصاريف الطيران وافتر بالمحلات اشتري جاهز لأنه التفصال يبيله وقت كبداية اخذ جاهز واذا لقيت احد اتفق وياه بالمستقبل ان شاء الله اتجه للتفصال وهم بجذي اكون وفرت مصاريف الشحن يعني اللهم مصاريف السكن هينه ,, اخواني الله يوفقكم اللي يعرف اماكن غير سويكت بلييز يدلني عليهم واكون شاكرتلكم ادري بتعبكم معاي شوي :)

تسلمولي على مروركم كل من دخل موضوعي وشارك سواء فادني بمشروعي او انه دعالي الله يوفقكم ويرزفكم من حيث لا تحتسبون وان شاء الله كل صاحب او صاحبة مشروع الله يسهل عليه اموره ويتوفق مثل ماسهلتو علي اموري