|
محبطه جدأ ومحطمه
السلام عليكم ورحمة الله وبركاته
بعد أن تسكرت الأبواب بوجهي قررت بالمبادره أنا لاوظيفه ولا رأس مال يساعدني على عمل مشروع متواضع فكرت وفكرت وفكرت ومن ثم قررت بأن أمسك زمام المبادره وان العمل شرف مهما كان بسيطا كان لدي قرابة الـ 500 ريال (تحويشة السنه)وبعد تفكير طويل بدأت بالخطوه الاولى وانا اردد اسعى ياعبدي وانا اسعى معاك اشتريت مجموعه من العطور بالجمله طبعا واتصلت بمجموعه من الكوفيرات اللي يروحون البيوت عشان يسوقونها لي خصوصا ان علاقاتي الاجتماعيه جدا محدوده تم الرفض من قبل اثنتين واتتني الموافق من قبل احداهن فرحت كثيرا وبدأت العمل الاسعار جدا معقوله العطوورات رائحتها جيده جدا وقد تكون ممتازه فرحت كثيرا قلت تسهلت الامور واخيرا فرجت بعت كميه لابأس بها ولكني لم احصل على المبلغ الذي دفعته مقابل العطور فكرت بتطويره اتفقت معها بأن نحضر بعض المكياج والملابس وتمت الوافقه بعد يومين وانا بصدد الاتفتاق مع احدى التاجرات لشراء مكياج بالجمله وصلتني رساله من الكوفيرا تعتذر عن اتمام المشروع كانت بمثابة الصاعقه بالنسبه لي ذهلت ولا اخفيكم اني الى الان مذهوله ما ان بدأت بالبناء حتى وقع على رأسي مع اني واثقة تمام بأني احسنت وضع الاساس منذ البارحه وانا على هذا الحال محبطه ومحطمه وحزينة جداااا ابحث عن الخيره في الموضوع ولا اكاد ارى سوى ان هذا الباب قد صفع به في وجهي ايضاااا لا اعلم ماذا افعل بنفسي وماذا افعل بالعطور المتبيقه لدي وماذا افعل بالمبلغ الذي ذهب مني .. شعرت بأني ذلك الرجل الذي حلم وحلم وكسر جرة العسل بعصاه .... لااملك سوى ان اردد الخيره فيمااختاره الله الحمدلله على كل حال وان افكر بالحلول ولا اندب الحظ طويلا ولكني لم اجد حتى الان حل فأرجوا من الله ثم منكم المساعده .. إمرأه |
اقتباس:
اختي امراه تحيه طيبه وبعد في البدايه لازم تشوفين الاسباب اللي خلت المشروع ما ينجح اولا : انتي اشتريتي العطور بال 500 كلها ؟ اذا كانت الاجابه ب نعم فانتي غلطانه المفروض تجسي النبض اول وتاخذين كميه اقل ثانيا : كان المفروض انك تعلنين عن البضاعه وتكلمين هالكوفيرات قبل ما تشترين شي ثالثا : ليش الاكوفيرات رفضو ؟ اكيد كان هناك شي خلاهم يرفظو مثلا هل اتفقتي معهم على عموله وكانت قليله او اش السبب رابعا : كم الكميات اللي باقيه عندك وهل انتي حاطه مكسب كثير وعشان كذا صارت في السوق ارخص خامسا : احمدي ربك انك ما اشتريتي ادوات التجميل وقعدت في حلقك سادسا : ما تلاحضين انك مشكلتك كلها هي عدم الاستشاره والتسرع اخت امراه زعلتيني يوم تقولين متحطمه وانك تبحثين عن الخيره ولم تجدي الا باب قد صفع على وجهك طيب ما تكفيك الخبره اللي اكتسبتيها وما تعلمتي من اخطائك هذي هو المكسب الحقيقي وترين كل شي يتصلح بابسط الطرق بما انه عندك انترنت خلاص كل شي انحل جيبي كاميرا او جوال كاميرا وصوري العطور بشكل حلو وجذاب واعرضيها في المنتديات وابدي من هالمنتدى واهم شي انك ترضين بالمكسب القليل وابعدي عن المكاسب الزائده وحطي عروض مثلا اشتري اثنين وخذ الثالث وبما انك تعرفين بائعه جمله تمام هذي فكره اضافيه ودخل اضافي بدون ماتخسري راس المال مع عرضك للعطور اعرضي جمله ومفرق واعرضي انك تقدرين تجيبين ادوات تجميل وعطورات بالجمله وبكذا انتي ضربتي عصفورين بحجر ولا تياسي من رحمة الله وخلي ايمانك بالله قوي انتي بس لو تعلنين في المنتديات النسائيه كان ياسلام والعم قوقل ما خلا شي انا يمكن كلامي جارح او غير منمق لاني اسرد سرد وابعد عن التجميل والتنسيق لكن عموما هذا رايي والله يوفقك انتظر ردك بفارغ الصبر تحياتي |
لاقنوط من رحمة ربي
لك رسالة عالخاص |
أعانك الله
إبدئي مرة أخرى وأضيفي الإكسسوارات مع العطور ولكن بحدود ومو شرط مع كوفيرات وزعي بطاقات دعاية تطبعيها أنت بنفسك على كمبيوترك وإن شاء الله تكون فاتحة خير وفقك الله |
أتصور والله أعلم إن الكوافيرات أخذوا الفكرة وطبقوها لأنفسهم دون شريك خصوص إن دخولهن اليومية ما شاء الله بالآلاف فأكيد راح يشتروا عطور ويمكن أجود من اللي اشتريتيها ويبيعوا لأنفسهن دون حاجة لمن يشاركهن في الربح ! الخطأ اللي خلاك تخسري إنك اتجهت لمنافس وسلمتيه فكرتك! الحل حاولي التسويق عن طريق النت أو غيري نشاطك مثلا أعملي بهارات واتفقي مع محلات تعطيهم يوزعوا لك ومن هالأنشطة الله يفتح لك أبواب الرزق الحلال على مصراعيها بفضله ومنه وكرمه |
اقتباس:
حياك الله أولا أعلمي بارك الله فيك انه لانجاح من دون فشل وأن الفشل هو بداية النجاح انشالله الامر اللي حصل معاك باعتقادي هو طبيعي ، طبيعي ان الواحد او الوحده تبدأثم لاتوفق ثم تبدأ من جديد وهكذا . أعتقد لو وضعتيهن (بضاعتك) عند المشاغل يمكن يصرفونهن لك أهم شي يااختي لاتتحطمين ولاحاجه ، التجاره كما الحياه يبيلها صبر ومحاوله اصلاح الاخطاء ، وتكرار المحاوله . الله يوفقك وييسر لك امرك |
مثل ما تكرمو الاخوان صوري ونزلي الصور بالمنتديات واذاحابه اسماء منتديات نسائيه تكثر فيها التجاره ابشري
الرزق من الله لا تياسي وزعي للمحلات التجاريه او اعرضي علي جاراتك او اهليتك او صداقات الخ الخ ممكن لو تروحين بعد للمدارس حطي ببالك مو شرط الربح اهم شي ترجعين راس مالك ثم تبدين بخطوات قويه وثابته بعد الي تعلميته من تجربتك الاولي الله يوفقك ويفرج همك |
الله يرزقك من حيث لاتحتسبين
اكثري من الاستغفار |
ربي يوفقك ويرزقك ياااااااااارب
|
الله يعوض عليك بحول الله
لك رسالة على الخاص |
| الساعة الآن 09:35 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين