عندي مقابلة صندوق المئوية بجدة افيدوني ..
 

السلام عليكم ورحمة الله وبركاته :Looking:

ترى اناا مرا محتاسة وببكي خلاص :cry:من الخوووف

اول شئ بعرف اللي بيسوو المقابلة بجدة رجال ولا نساء:confused: ؟؟
تاني شئ ايش الاسئلة اللي حيطرحوهاا علياا وتخص اية بالضبط :eek:؟؟
تالث شئ كم تستغرق وقت المقابلة لانهم قالو الحضور من 9 الى 1 الضهر
مو عارفة هااادي كلها مقابلة ولا اية:court: ؟؟

ياليت تفيدوني وربي مراا خايفة:(

سي يوووو

هلا فيك أختي ..

المقابلة سهله جداً والهدف منها يعرفون قد أيش أنتي فاهمه المشروع إلي مقدمة عليه ..

راح تقابلين نساء طبعاً ..

راح تبدأ المقابلة عند وحده تسألك أسئله شخصية عن مستواك العلمي وإسمك وترتيبك كم في العائلة وهذي الأمور .

تروحين لوحدة ثانية تسألك عن مشروعك وتحاول تشوف إنتي فاهم بالمشروع أو لا ..

ثالث وحده راح تسألك عن دراسة الجدوى وتحاول تعدلها معاك وبعدين راح تقول لك إنتي تحتاجي كذا للمشروع تبعك .. أنتهت المقابله ..

وخلاص :)

لا تشغلين بالك بالمقابله لأنها جداً سهله .. أهم شيء إنك تكوني فاهمه المشروع إلي أنتي مقدمه عليه ..

ودي

حبيبتي اللي اعرفه ان مافيه قسم نسائي الابالرياض وباقي المناطق رجال

لاني انا رحت للرياض وسويت المقابله هناك علشانهم نساء وفي الدمام رجال

وثاني شي جدا سهله المقابله قابلتني وحده اعطتني اوراق اعبيها فيها اسئله شخصيه

عاديه وبعدين رحت لوحده ثانيه تسالني عن المشروع وكيف عرفت بالصندوق وكيف الاجرات فيه

سهله اوصعبه ودراساتي والدورات وبعدها رحت لوحده ثانيه تسالني عن الارباح وتعدل معاي وتحسب

وتشوف وجدا تعاملها حلو وطيبه حذفت اشياء بالدراسه ماعجبتها مع انها عاجبتني قالت لان القسم الرجالي

راح يرفضها فعدلتها وعطتني رقمها علشان اعدلها بنفسي بعد ماحذفت اشياء بالدراسه وبس رحت للبيت

عدلتها وارسلتها لها بالايميل وعرضت على لجنه رجاليه وقبلوها وقبل المشروع وكلموني بالموافقه

ولكني في الاخير استخرت والغيته

مادري ليش بس حسيت اني مارتحت له وعندي افكار احلا واحسن وارسلت لهم بطاقتي الشخصيه وطلب الالغاء

والله يعوضنا خيرا منه ولاتخافين جدا سهله حتى كنت خايفه من الحسابات والتدقيقات بس جبت معاي اوراق صوره

للدراسه علشان لو سالوني اشوف وش كاتبه حتى هي قالت زين جايبتها معاك والله يوفقك قولي لنا بعدين

وش بيصير معاك

الله يوفقك ياحيي ماعليك لاتشلين هم السالفة ان شالله سهله جدا مثل ماقالن الخوات
بس لاترتبكين خليك واثقه من نفسك وواثقه من قدراتك والسالفه مافيه محاكمه عادي
اهم شي خليك ريلااااااااااااااااااااااكس وبالتوفيق يا اختي العزيزه

على فكرة انا مثلك قدمت عليهم في مشروع تريلة ماء لاني بصراحة ضامن شغلها 100%
فيه شركة اسلفت لواحد من عيال عمي يقول جيب التريلة وانا استأجرها منك 14 الف بالشهر
صراحة تحمست بس المشلكة انا خايف مايقبلوني لان مؤهلاتي بعيده كل البعد عن مشروعي
دبلوم اشعه تشخصية- دبلوم انقلش -دبلوم سكرتير تنفيذي - دبلوم حاسب الي- دبلوم ادارة
تكفون الي عنده علمي يفيدني يقبلون مشروعي ولا ؟

الله يوفقك كل من يفيدني ويرحم والديه..........

يسلموووو..

بصراحة مرا شجعتووووووووووووني مرا وتحمست

مراااااااااا مراااااا شكرا لكم جربوع زاحف_متفائلة جدا_سنفور الدختور

وانتظر باقي الردود للفائدة

up
up

مشكور احبك يازوجتي

up
up
up

الله يوفقك ياكنوفه ويسهل امورك....


أبغى اسألك...متى ردو عليك بموعد المقابله؟؟بعد كم من ارسال الدراسه؟؟

اسفه كنوفه اني برد بدالك على اختي جامعيه انا ردو علي بعد 5 اسابيع يعني شهر واسبوع تقريبا

والله يوفق الجميع

جامعية تقريبااا بعد شهر من الدراسة ردو عليااا

وفقكم الله جميعاً
ننتظر نتائج مقابلتك

الله يوفقك...
بشري وش صار معكـ
انا قدمت على أساس كوفي شوب ورفضو طلبي مادري ليه
بعدها طفشت منهم حتى كنت حاطهم بالمفضله وحذفتهم من عندي
الله يعوضنا بخير

محمد الطميحي راح ابلغكم انشاء الله ومقابلتي يوم الثلاثاء ...ادعولي بس

خافي الشوق قدم مرا واثنين وثلاثة لا تيأس ايش نسوووي لازم نتعب شوووي

بس الله يكون بالعون

كنوووووووووووفه موفقه يارب
ياترى شو صار معاك بالمقابله وكيف كانوا معاكى رجال والا نسوان طيبين والا سيئين
وكل التفاصيل هاتيها لانه انا بعد عندى مقابله فى جده فلا تبخلي علي بالرد والنصح وسلامتك
بليز لاتتاخري علي

الليدي نانا هذا اللي صار ادعيلي ..

المهم ببساطة بحكيلكم اللي صار عشان ودي البنات يستفيدو لاني نزلت كم موضوع ولا احد فادني الا القلة واشكرهم من كل قلبي واشكر كل من دعالي :o

المهم قلت خليني افيد البنات عشان يكون عندهم خلفية

اولا مشروعي استديو تصوير نسائي

طبعا حضرت المقابلة بجدة وكانو بنتين ورجال

وانا انبح صوت وانا اسئل رجال ولا حريم ولا احد يرد:(

وربي من جد زعلت انوو محد قالي بس قلت خليكي احسن من غيرك << لايكثررر:cool:

المهم اول مادخل في بنتين بمكتب واحد اعطتني ورقة اعبي بياناتي فيها ولما انتهيت قالتي شوفي انا بسووي معاكي مقابلة وفي شخص كمان حيسوي معاكي مقابلة وبعدين الثالثة حتعدل الدراسة :tsfiq:

قلت يعني رجال قالت ايواا:d<< طبعاا بهالحظة سويت نفسي شديدا ولا علياا لانوو خفت اني اقوول استحي ولا مقدر يقولون اجل هذي كيف بتدير مشروع قلت ياابنت قووي قلبك :d<< فديتني:o

المهم قلت مو مشكلة :d

طبعاا سألتني الاسئلة التالية

لية اخترتي المشرووع هذا بالذات؟

ايش عندك فكرة عن التصوير ؟

واذا جاتك زبونة ماعجبها الشغل ايش تسوي ؟

وايش رحتي محلات تصوير وايش شفتي ؟

ومن هذي الاسئلة طبعاا انا انفلت بالجواب ولا اسكت يعني مو كلمتين واسكت لا اطوول هرج عشان يحسون اني فاهمة:cool:

جيناا للقضية الاهم اللي هياا ماعندك اي دورة او اشتغلتي بالتصوير :cry:
قلتلهاا انا بدير المشروع بس وعندي خلفية بالتصوير بس مو اني اشتغل :eek:

قالت انا حاسة انك قادرة وفاهمة شغلك بس اخاف الاوراق اذا طلعت الرياض انو يشوفون ماعندك دورة يرفضوون :(

قلت الله يقدم اللي فية الخير والصالح وحتى لو رفضو بااخذ دورة واقدم ثاني :d<<طمووحة:ash:

قالت الله يوفقك ان شاء الله :Thumbs:
ودخلت على الرجال بعد كذا طبعا هوا ماكان عنده خلفية عن التصوير مرا فتقريبا اسئلتة نفس اسئلة البنت ماتغير شئ كثير :Thumbs:

وطلعت من عندة ورحت للثالة سوت معاياا تعديل الدراسة والحمد لله ماعدلت كثير بس زادت سقف القرض :(

عمووما جو المقابلة كان مررررررررريح مراا يعني اليووم الي قبلها شايلة هم الدنياا بس صراحة حسيت كنهم صحباتك يسولفون معاايا حتى الرجال كان ابن حلال ومحترم جداا:tsfiq:

يعني لا تشيلو هم مراااا

واي استفسار انا حاظرة:ash:
بس تكفوون اي احد يدخل يدعيلي لو بقلبة بليييز محتاجة:(

لانو اخاف مانقبل عشان ماعندي دورة:cry:

يلااا حبايبي سي يوووو:ash:

باءذن الله يقبلوا مشروعك كنووفه يعنى كل اللى عملوا مشاريع ماخذين دورات
بس خرطي حقهم
يارب تسهلي انا دعواتك طيب قد ايه جلستى معاهم فى المقابله الوقت كم ساعه
اصلي مابحبش الفلسفه الكثيره.

الف مبروك وموفقة يارب
طيب انتو دحين علمتونا ايش هي الاسئلة..............بس الأهم........نبغى نعرف ايش هي الأجوبة.........؟؟؟؟:confused:

لأن فيه ناس ماتعرف تجاوب بإيه:ash:...........اكتبوا اجاباتكم عشان نحفظ منها اللي يناسب مشاريعنا:yaa:

وتسلموووووووووو جميعا على الرد مقدما

ربنا يوفقك يا قمر
وبإذن الله رزقك اذا ربنا كاتبه بيجيك

اختي سميه مصوره معروفه ما شاء الله عليها
وهيا واختي جامعيه قررو يعملو استوديو تصوير نسائي
والان مقدمين ع المئوية
ماتوقع يرفضوهم عشان ما معاهم دورات
انا اؤمن بالمهارات اكثر من الدورات

انا الان على وشك اني اخلص دورة التصميم الاعلاني
صحيح استفدت واتعلمت بعض الاشياء
لكن مهارتي الحمد لله هي اللي ساعدتني استفيد من الدوره

وقبل كذا اخذت دورات بصراحه ما تعطيك قد ما مهارتك بالتعلم من أي مصدر
هو اللي يفيدك بالنهايه

وربنا ييسر امورك

امين ياقلبوو ربي يستجيب

شوفي بالنسبة لياا تقريبا قعدت عندهم ساعه ويمكن اقل بشوووي الحمد لله ميسرة مراا
ومو لازم تتفلسفي كثير اهم شئ تقنعيهم بفكرة مشرووعك :rolleyes:

خخخخخخخخخخخخخخخخخخخخخخخخخخخخخخخ:cool:

واللهي زحكتيني حسيتك بريئة:p

شووفي لا تسووي زيي قعدت احفظ اجابات وسويت زحمة :cool:

يعني خليكي طبيعية بس بيني انك متحمسة مرااوخليكي لبقة بكلامك :Thumbs:

زي مثلاا << مثال للباقة قال :cool:
لية اخترتي المشرووع هذا بالذات؟
لانو نحنا بمة نفتقد للاستديوهات الراقية يعني الوحدة مننا لازم تنزل جدة عشان تحجز يعني لو مثلا ملكتي ولا زواجي ماراح ارضي اروح لاستديو من اللي عندنا .
ومن ناحية السعر مافي اختلاف يعني يمكن كمان اللي بمكة اغلى ,فدام انة عندي قدرة اني اسووي شي احنا محتاجينة لية مااسوية :ash:<< اجابة مقنعه:cool:

واذا جاتك زبونة ماعجبها الشغل ايش تسوي ؟
الزبون دائما على حق عشان كذا لازم افهم من الاول ايش طلباتها عشان مايحصل الغلط وفي النهاية اذا ماعجبها شئ لازم البي رغبتها وانزل لحاجتها.

وايش رحتي محلات تصوير وايش شفتي ؟
طبعا لاني انا لفيت استديوهات مكة وجدة فقعدت اقولها ايش الفرق بينهم وبثثث:ash:


واذا تبغين اساعدك قوليلي مشروعك وراح اخمن لك الاسئلة والاجوبة:ash:

:d
يسلموو على ردك اللي اثلج صدري وربي يستجيب منك ان شاء الله:o:d

الله يوفقك ان شاء الله
لكن خلال الفتره هذه خذي دورة تصوير اعتقد ان مدتها اسبوع
على الاقل لو لا قدر الله ماوافقو يصير وقتها ترسلي لهم شهادة الدورة في وقتها
وبكذا ما تتعطلي كثير

أسأل الله ان يكتب لكي اللي فيه الخير
:)

تسلمي ياقموووورة وربنا يوفقك

والله انك:rolleyes: الله ييسر لك الخير

وننتظر من اللي عملوا مقابلات ........يكتبوا موضوع كامل بالأسئلة وإجاباتها:p

كل واحد يكتب مشروعه...ويكتب تفصيل كامل سؤال وإجابة وخااااصة إننا أيام اختبارات:cool:
ولازم السؤال بلون والإجابة بلون آخر :Thumbs: يسير احنا نطبعها ونحفظها ونروح نجاوب في الاختبار .....يؤ قصدي المقابلة:cool:

وممنوع الغش..........كل واحد عينو في ورقته...مصدقة.... داخلة جو الاختبارات:cool:

صح كلامك برضو نفس كلام اخر وحدة عدلت معااياا الدراسة قالتلي خذيها وارسلي الشهادة لنا :Thumbs:

ويسلموو للمرور

بسم الله الرحمن الرحيم
التقديم على صندوق المئوية جدا حماس بس لازم الصبر لانه التقديم يمر بعدة مراحل وكل مرحله تاخذ دورها وتعرفون ان كثير الي مقد مين على الصندوق ومن جميع مناطق المملكة وفي الاخير كل بياخذ نصيبه وبالنسبه للكوفي فقط للرجال ومن شروطه ان يكون عمر المتقدم من 25 سنه الى 35 سنه اهم شرط وان يكون متفرغ للمشروع ويقوم باداراته بنفسه او مستعد للتفرغ وحاول مرة اخرى لاتياس والله يوفق الجميع وجزاكم الله الف خيرا

بالتوفيق للجميع

لا ماعليك مافي شي يدعو للقلق

بس انا سمعت ان مافي مقابلة نساء الا في الرياض وانا سويت المقابله في جده في الفله البرتقاليه شمال جده

ويوم نزلت شفت بنت نازله من السياره ودخلت في نفس العمارة من الباب الثاني ولقيت مكتوب مدخل النساء

المهم مادري عن مقابلة النساء يمكن تختلف .........؟

بس المقابله سهله جداً وانتي لازم تعرفين عن مشروعك بكل شي وتكوني وآثقه من نفسك

حاولي تخلي اخوانك يتصلون على اصحاب المشاريع وتسألي عن كذا يكلف كم وايش يحتاج مشروعك

وتكوني فاهمه عن مشروعك

وفيه نقطه مهمه

هي

بتقولك انتي ليش تسوين المشروع هذا ...؟

مثلاُ محل الجوالات اصبح سوقها مثل سوق الذهب واصبحت المتداوله حالياً ومستقبلاً

طيب قالت لك انتي ليش تحاولي تفتحين مشروع وتشتغلي فيه ..؟

طبعاً بكل ركادة تقولي ابحث عن لقمة عيش تأمن لي حياتي ............

وبعدها تبدأين في مرحلة حساب تكلفة المشروع وهكذا

حتى ولو ماتفهمي شي سوي نفسك فاهمه

تحياتي

يقبلون مشروعك لكن راح يعطونك تفويض لك أنت فقط عشان تسوق الوايت , ولا يمديك تأجرها لأحد.

ياحياتي يا كنوووفه .. الحمد لله انك اجتزت المقابله على خير ويارب ان شاء الله يقبلو مشروعك وهانت راح الكثير وما بقى الا القليل .. انا حابه تفيديني اكثر لاني حابه اقدم على المئويه بمشوع استديو تصوير نسائي لان عندنا بتبوك مافي الا استديو تصوير واحد وشغلهم عادي ودايما زحمه عندنا ابي اقدم شي جديد بس ماعندي خلفيه ابدا عن التصوير ولا اعرف حتى الكميرات المستخدمه .
وكيف سويتي الدراسه . وهل اخذت المعلومات من النت . انا ماعندي دورة بالتصوير لان بتبوك ماعندنا معاهد تعطي دورات تصوير. ممكن اخذ دوره فوتو شوب .ما ادري اذا تفيدني
وهل ممكن اذا قدمتعلى الصندوقيعطوني دورات تخص التصوير.

اتمنى تساعديني

الله يوفقك ان شاء الله

للرفع

الله يوفقكم جميعا