ياآهل التقنية والبعثات .. تفضلووو فيه قهوة وشاهي وحلاو ماكنتوش ^_*
 

السلآم عليكم ورحمة الله وبركاته
اسعد الله اوقاتكم اخواني / اخوتي بالخير والمسرات

أولاً وبآدئ ذي بدئ .. آشكر صآحب الموقع على اتاحة الفرصة لنا في التجمع هذا والله
يجعله في ميزان حسناته .. يـآرب ..

واشكر الادآرة بعد على التفعيل السريع :Thumbs: فديتكم والله :o

نجي للمهم ..

الصراحة يااخوان اني محتار وعايش بقلق مايعلم فيه الا رب العالمين ..

انا احد منسوبي الكلية التقنية وهذا اول ترم لي ..

الحقيقة ان الاخبار اللي اسمعها عن الكلية مرة سيئة من ناحية المستقبل , وانها غير مرغوب فيها , او انهم يفضلون خريج الدبلوم اللي مهو من الكلية التقنية اكثر من غيره ..

المهم .. اني عندي طموح ونصحوني بتخصص المحاسبة قلت اوك خصوصاً اني جيد بالرياضيات والحساب ..

قلت باخذ الدبلوم واكمل البكلوريوس بعدين لان الدبلوم مايوكل عيش اليوم ..
تفاجأت ان الكلية التقنية بجمع فروعها لاتتيح اكمال البكلوريوس لخريج المحاسبة والاقسام
الادارية بشكل عام .. قلت طيب الجامعات الحكومية .. بعد ماسالت عنها قاول مانعترف بخريج
التقنية اساساً !! :confused:

قلت طيب الجامعات الاهلية .. استفسرت عنها قالو لك الجامعة العربية المفتوحة لكن يعادلون
لك 20 ساعة فقط .. يعني ترم واحد بس !! والباقي يروح هباءاً منثورآآآ :cry:

قلت مافي آلآ اغيّر التخصص .. ومآلقيت يناسب لي الا تخصص الدعم الفنّي !! عشان اقدر اكمّل !!
ماآدري عن التخصص هذا بصراحة من ناحية السهولة والصعوبة .. مع العلم اني ماعندي
مشكلة بالدراسة والمذاكرة لكن احب الفهم اكثر مثل الرياضيات .. وآكره الفيزياء كره العمى :mad:

المرآد والمطلوب ..
وش رايكم بتخصص الدعم الفني ؟؟ وكيف مستقبله لحآمل البكلوريوس .. وتنصحوني اكمل بالكلية
التقنية او اخلها واغير دراستي ؟؟ وهل فيه تخصص مطلوب وحلو ومستقبله زين عندنا بالسعودية
اقدر ادخله (( مع العلم ان نسبتي 70 % وانا اشطر من كذا بكثير لكن حصلت لي ظروف ونزل مستواي )) ..


سؤآل ثآني شآطح وفكرة في بالي ونفسي فيها :d وش رايكم بالبعثات :d >> ذكي الولد :d
يعني ودي اطلع بعثة بعدين وش تنصحوني فيه واي تخصص وكم المعدل وكيف الدراسة صعبة لو لآ :d >> انلحستو صح :Looking::confused::d

عاد جاوبوني فديتكم حبة حبة :o ترا مالي الا الله ثم انتم لانكم اكبر مني جربتو وشفتو :rolleyes: وانا توني باول المشوار :eek:


ربي يعطيكم العافية


جورية لكل من مرّ من هُنا http://www.up.qatarw.com/get-6-2009-i3wcth85.gif

وعليكم السلام ورحمة الله وبركاته
الله يوفقك أخوي ويسهل امرك
والله ودي أخدمك بس ماعندي أدنى فكرة

27


ركز لي على اللي بالأحمر .. >> عدد المشاهـدات ..


عالم غريبـة والله .. :)











المهم .. الله يكون بعونك ياخوي .. والله مدري عن تخصصات التقنية أي شي ولا أملك معلومة



سوى معلومـة وحـدة






الحاصل على بكالوريوس دعم فني .. ممكن لو تقدم لوظيفة حكوميـة

أعتقـد راح يكون على المرتبـة السابعـة على أقل تقديـر .. يعني يصك أول مربوط بحدود الـ 6000 وزيااادهـ



لذلك هالتخصص حلو و زين

لكن .. هل مجالات التوظيـف فيه متعـددهـ ومتوفرة ؟ << هنا السؤال



أتمنى أقدر أفيدك بأكثر من كذا :)



همسـة لأصحاب العيون التي لا تشبـع :)

اذا ماعندك معلومـة .. حاول ترفـع الموضوع فوق ولو بدعـوة :)

تخصص الدعم الفني سهل نوعاً ما
قليل من الاهتمام وتجد معدلك عالي بحول الله وقوته

عندي تجرية شخصية في الكلية التقنية وبالدعم الفني
في الترم الاول كنت حاقد على الكلية ومستحقرها ومعدلي كان 2.18 لو نزل المعدل تحت 2 كنت سوف أطرد من الكلية او احول تعليم موازي بفلوس
ولكن بعدين رضيت بالامر الواقع وأعطيت الكلية قليل من الاهتمام ويتوفيق الله سبحانه وتعالى تخرجت بمعدل4.00

لذلك الدراسة ليست صعبة مجهود بسيط والله تجيب فوق ال4.50 بكل سهولة يعد توفيق الله

اما إذا كنت تريد البكالرويوس أنصحك تكمل في غير الكلية التقنية بالرياض
لانة يجب ان يكون معدلك عالي جداً وكل ترم يتم قبول 60 طالب فقط على مستوى المملكة في تخصص الدعم الفني لكي يكملوا في الكلية التقنية بالرياض ,
والسبب الاخر وهو المهم
البلوم تتخرج مساعد مهندس , البكالرويوس تتخرج مهندس ولكن من هذا العام تتخرج مدرب وليس مهندس
ومعانها لازم بعد التخرج تتدرس في الكليات التقنية بالمملكة مثل خريج كلية المعلمين ماله غير التدريس
وتقدر تتأكد من هذة المعلومة بنفسك وهذا أفضل لك

إذا حبيت تكمل داخل المملكة عندك الجامعه العربية المفتوحة وانت تعرف شروطها الغبية , وعندك جامعه الباحة الاهلية وهي برسوم حوالي الترم ب6000ريال بدون سكن ولكن بعد الترم الاول إذا جبت معدل تقدر تحول منحة داخلية على حساب وزارة التعليم العالي.

وإذا تبي تعرف خطة الدعم الفني للدبلوم ( المواد التي راح تدرسها وشرح لها ) راسلني

" والله من وراء القصد"

وعليكم السلام ورحمة الله وبركاته

انا انصحكـ تدور دراسه غير الكلية التقنية لان اذا بغيت تكمل بكالوريوس لازم معدل وواسطه وأغلب الشركات ماتبي خريجي الكلية التقنية والوظايف الحكوميه اغسل يدكـ
واكبر دليل شف خريجي الكليات التقنية مسووووين حمله وانا لي اخووي وعيال عم متخرجين من الكلية وعاطل ومعدلاتهم زينه وانا باقي لي اختبار الاسبوع الجاي واتخرج
والله اكبر غلطه سوويتهااا اني دخلت الكلية التقنية

وكلامي هذا من اللي اشوووفه صاير لخووي وعيال عمي

والله يكتب اللي فيه خير

والله يوفقكـ

للرفع

عسى الله يوفقك

ويكتب لك الخيره

استخير الله في كل شيء...

هلآ بك آخوي علآّوي
آمين ربي يجزآك آلف خير
شكراً لك على المرور

هلآ بك آخوي بكالوريوس تربوي
آخجلتني ياآخوي .. والله مدري وش بالنآس تدخل ولآ تردّ
ومرورك ومرور شروآك يعتبر آضآفة للموضوع :)

سؤآلك آخوي نفس السؤآل اللي يدور في مخيلتي
ربك كريم .. والله مدري وش بنصير عليه .. آلآحلآم رآحت والطموح نفس الشي
الله يعين

مرورك آسعدني وآفرحني ياآخوي
كل الود مني لك

هلآ بك آخوي رآمي
منوّر الموضوع والله
كلآمك مُفرِح ياآخوي بالنسبة للتخصص من ناحية الصعوبة والسهولة ..
لكن

النقطة هذي مآفهمتهآ .. لعلّي آرآسلك آن شآء الله وآفهم منك ياآخوي آفضل من آني
آروح آلآرشآد وقلّة الحيآ هنآك والتزليب اللي صآير عندهم :d

مرورك آسعدني ياآخوي
شآكر لك من آلآعمآق