لقيت مكتب عقار نسائي
السلام عليكم ورحمة الله وبركاته صحيح انكم طفشتوا مني ومشاريعي بس باقي عندي امل تعالوا اقول لكم لقيت اعلان عن مكتب عقاري نسائي في الدمام موقعه جدا ممتاز ايجاره 800ريال بالشهر عاد بدت الافكار تشتغل قلت بتوب من هالمشاريع بس عيت هالافكار الا تجي المهم فكرت احطه مكتب خدمات عامه وتراجعت وبعدين فكرت احطه للدعايه والاعلان وماعندي خبره وهونت وفكرت اجيب شريكه معاي ونسوي اي مشروع مربح ونستغل هالموقع الممتاز ابيكم تفكرون معي وهل اقدر اغير النشاط هم حاطين اعلان مكتب عقاري انا مالي في العقار اقدر اسوي مشروع غيره في نفس المكتب اتمنى القى شريكات وافكار حلوووووووووووه انظركم |
مع الاسف يااختي مااقدر افيدك ، لكن تفائلك واصرارك هو اللذي سوف يقودك للنجاح باذن الله
|
اخوي احبك يازوجتي شاكره لك مرورك الطيب
|
بصراحة مقدر افيدك ..
لكن ماشاء الله اشوف هالحماس .. بقولك على حاجة بس لا تستغربين .. اذا لك نفس بالطبخ .. ليش ما تفكرين بهالمشروع .. تصدقين ان فيه وحدة حطوا معها لقاء بالاخبارية .. تقول بدأت اطبخ وابيع على المعارف شوي شوي وكبر معها المشروع ( وهي في بيتها ) يعني لا تراخيص ولا بلدية ولا رسوم ولا بطيخ !! مع الوقت .. استعانت ببعض البنات السعوديات عشان يساعدونها .. تدرين كم تصرف رواتب للسعوديات ؟؟؟ 6000 ريال بالشهر .. تصوري ماشاء الله 6000 ريال للي يساعدونها .. اجل هي كم يكون دخلها ؟؟ الله يبارك لها وتستاهل .. وهالمشروع بالذات اذا مافيه ربح مافيه خسااارة ابدااا .. انا اقولك هالكلام لك .. ولـ اي اخت تدخل الموضوع .. وازيدك من الشعر بيت .. اغلب المدرسين بالمدراس والشباب اللي بالاستراحات .. اذا بغوا شيء .. مايطلبون من المطاعم .. يطلبون من ام محمد أو ام سعد والقائمة تطوول والسوق ماشي .. يجيك شغل محترم ومرتب وبصحون نظيفة .. ابرك ستين مرة من ابو يمن وابو هنووود .. باختصار شغل يبيض الوجه .. والله يوفقنا وايااك |
كل شي تمام انا مالي في الطبخ بصراحه جارتي هي الطباخه انا بس مساعدات بسيطه
معاها يعني حلويات سهله وفطائ خفيفه بس زي شغلها ماقدر والله بس ماشاء الله عليها شغلها زين بس مايوصل 6000في الشهر بس الله رازقها والله يتمم عليها وفتح لهاابواب رزقه |
أعجبني حماسك واصرارك وهذىمايساعد للنجاح
ان شالله تجدي الشريكة المناسبة |
موفقة
ياليت اقدر افيدك بس ما اعرف |
اول مره ادري انه فيه مكاتب عقار لنسائ,,,,,موفقه خيتوووووو
|
بالتوفيق انشاء الله
|
رااااااااااااائع حماسك ماشاء الله
اسال الله ان يسهلك بالمشروع الي يناسبك يارب |
الساعة الآن 05:33 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين