مقابلة بنك الرياض بسرعه ياشباب ويا بنات لحقوا على اخوكم
 

الله يوفقك ان شاءالله..حتحصل في المنتدى مواضيع لاعضاء كان عندهم مقابلة في بنك الرياض..تابع الردود هناك.
وبعدين تختلف اساليبهم على حسب الادراة اللي بتقابلك..

تابعتها ولا طلعت بشي كله كلام فاضي مع المعذره مافي شي مفيد الي يسأل كيف قدمت والي يسأل وين موقعهم

اخوي انا اخوياي قدموا بعضهم بهالبنك وانقبلوا

الدعوه ماظن انها صعبه ،، اهم شي صدقني تضبط نفسك كأنك رايح زواج وهالله هالله باللبس الزين

الباقي مجرد دردشة عاديه بس لازم تعرف معلومات عن بنك الرياض

الحين بكلم احد الاخوان اللي انقبلوا وارد لك <<< عطني عشر دقايق بس

اخوي عاطل كيف الحال .. انا سويت مقابلة واختبار في بنك الرياض .. بخصوص المقابلة عادية وتقدر تقول تافهه ايش موديل سيارتك ومدري ايش وين ابوك يشتغل ... اذا عديت من المقابلة يعطيك ابلكيشن توظيف تعبيه وبعدها يعطوك موعد اختبار .. اما الاختبار هذا حكاية طويلة عريضة شوف ياسيدي يتكون الاختبار من ستة اجزاء وكل جزي الاسئلة تتراوح من 70 الى 90 سؤال يعني المجموع تقريبا 500 سؤال في 4 ساعات ... هذا الاختبار انا اسمية تعجيزي واولا اخيرا الله يوفقك واتمنى اني ما احبطك اما عن نفسي ماعديت في الاختبار لانه طويل وصعب وابله وبدون الة حاسبة

الله يوفقك ياعاطل ينتظر الديوان
انا مادري عن مقابلات هاذي ولامره احد قابلني مقابله شخصيه
وإن شاء الله تتوظف عندهم

انت وشهو مؤهلك يالمحيا انا خريج كليه صناعيه تخصص محاسبه تفرق بين البكالريوس والشهاده الجامعهيه المتوسطه وكمان الي مقدمين على برنامج الجامعيين غير انا ماني مقدم على البرنامج هذا واحد ثاني شي مااحمل درجة البكالريوس

والحمدلله ماتجي مقابله الا وعدي ولله الحمد ولغتي الانجليزيه جيده جدا ولكن اخاف اروح واتعنا وفي الاخير يطلع ان ماعندهم شواغر لان الاسبوع ذا ولله الحمد مشغول بالمقابلات من السبت الين الخميس واخاف اكنسل بعض الشركات الي دقت علي ولا استفيد

عدنا :)

انا خويي تخصصه محاسبه ،، طبعا اختبر اختبار بالاول يمكن اختبرته اظن انه زي تحليل شخصية او شي زي كذا

بالنسبة للمقابله ترى يقول سهله جدا وزي ماقلت لك اول المظهر اهم شي ، والاسئله سألوه اسئله عامه عن شخصيته وابوه وسيارته ودراسته بالجامعه وعن التخصص اللي هو محاسبة ،، مثل ماهو تعريف المحاسبة ماهو المخزون وعن الميزانيه <<< كلها في مباديء محاسبه 101

وخويي عدا الاختبار والمقابله ومستواه اعتبره متوسط ويمكن اقل ((دراسيا)) والحين ينتظر عقده يجي من الرياض

بالتوفيق ان شالله وعقبال ماتبشرنا بالقبول

طيب بضيفك عندي بالمسنجر عشان اقدر اتكلم معك تمام
ارجوا قبول الاضافه او اضافتي ولك جزيل الشكر