|
هل جزاء الأحـــســـــان إلا .....................
بسم الله الرحمن الرحيم ,,, الحمدلله الذي قدر الأرزاق وكتب الأجال وكل شي عنده بمقدار والصلاة والسلام على نبينا محمد وعلى آلـه وصحبه أجمعين ,,, أحبتي في هذا المنتدى الذي يعتبر بمثابة المتنفس لهموم وحلول مشاكل البطالة في البلد أنا واحد من آلاف الشباب الذين عانوا دراسة جامعية بمرها وعذابها وجتازوها لكي تعبس الدنيا عليهم بالوقوف في طابور البطالة الصف الذي تموت فيه الأحلام ويضيع فيه الشباب والفتيات اللهم لا أعترض على قدركـ ولا شكوى إلاإليكـ سبحانكـ المدرسه الأهلية وما أدراكـ ما الأهلية لم أرى الأنانية وأعرف معناها وأتجرع عذابها إلى حينما ألتحقت بها هكذا حينما تطغى المادة على كل أعتبار بعد مضي فصل في احدى المدارس الأهلية بالرياض وبذل الجهد ولا يوم غياب وتطبيق كل القرارت لكن جزاء الأحسان أن يتصل على وكيل المدرسه(( ابو مصير = المصري)) ويقول بالعربي دور لك مدرسه تانية هو أنت مفصول طيب وش السبب مفيش سبب بس صاحب المدارس يبغى كدا أشين شي بالحياة أنكـ تعيش ببلدكـ ويتحكم فيك غريب تحس بالمذلة من جد والله قرار الفصل ظلم لكن مو المشكلة بالفصل لكن المشكلة حينما يحطمك شخص ما يسوى ويضيع كل عمل أنت مسويه وأنا ما همني إلا الوالدين ما أدري وش أقولهم ما ودي أقول فصلوني وأنا دايم أحدثهم عن أنجازاتي بالمدرسه ما لي ألا أقول أنا فصلت وأظلم نفسي آآآآآآآآآخ بس أصعب شي أذا تجمعت المصايب مره وحدة لم أجتز التحصيلي لم أقبل في ترشيحات العدل تم فصلي من المدرسه الأهلية ما أقول إلا الحمد لله على كل حاااال وأسأل الله أن يرزقني وظيفة حكومية لأني لست مستعد أن ألدغ من نفس المكان مرة آخرى ويرزق الجميع من واسع فضله ..آآآآآآمـــــــيـــــن ,,, وقول آمـــــيـــن فلس على الله شي مستحيل { ولو أن أولكم وأخركم صعدوا على صعيد واحد وكل طلب مسألته لم ينقص من ملكي شي } الحديث |
عليك بدعاء علهيم
والله يصبرك والله يرزقك بالوظية اللى تسعدك |
الله يعينك اخوي
حاول تقدم عليهم شكوى في مكتب العمل وعليك بالدعاء فربك يمهل و لا يهمل ودعوة المظلوم ليس بينها و بين الله حجاب ولينصرنها الله ولو بعد حين . |
اخوي كل شي مقدر ومكتوب
ما تدري وين الخير يمكن يكون قرار فصلك خير لوظيفه افضل منها ولكل مجتهد نصيب ... تحياتي... |
الله يكون فى العون
|
طبـعا شـكوى على مكتب العمـل ..! خيـر هذا الي ناقصـنا بعد ؟! مصـري ويتفلسف .. اخـوي الله يجبر خـاطرك ياااااااااااااارب ياليت ماتسكت على هالـوضع .. وتروح لمكتب العمل وتشـوف وش رايهم وتقدم شـكوى وبـعد .. عندي سؤال الآن لو الموظف بهالمدارس ترك العمل فجأه يصير عليه جزاء او مادري وش يسمونه انه يخصم منه راتب شهرين . او شهر على حسب الي مكتوب بالعقد طيب انت انفصلت فجأه وبدون وجه حق ؟! مالك حق عندهم ؟! مافي تعويض اي شي ؟! مابعرف بس ان شـاء الله احد يفيدنا .. على الأقل .. واقل شي شـهادة خبره ... الله يفـرج همك .. الـزم الأتسغفار والدعـاء ان شـاء الله مايخيب رجائك بملك المـلوك .. |
حسب النظام لا يحق لهم فصل الموظف مالم يستلم ثلاث انذات خلال ستة أشهر
لا تكن جبانا وتسكت عن حقك وعلى قولة المثل ماضاع حق وراه طلابه |
إذا ماغبت ولا يوم أكيد المصري غار منك وقال صاحب المدراس يبي كذا وهو يكذب يكذب يكذب
رح يم راعي المدارس وقل له أنا ماغبت ولايوم وكنت نشيط ومجتهد و و و احلف لك ان راعي المدارس مايدري والمصري غار منك ويبي يتخلص منك والله لو أنت عندي لأضربك واتوطاك توطي أحرقت أعصابي حسبي الله عليك إن كنت صادق رح يم راعي المدارس وكلمه ولاتجي المصري وقل لنا وش قال لك وإن كنت تكذب بس أحرقت اعصابنا الله لايوفقك ولايسامحك . |
اقتباس:
موفق يالغااالي |
مشكورين على الرد والتعليق
بالنسبة لشكوى والله ما لي فيها علم والله يعين وبالنسبة للأنذارات لم أخذ لفت نظر إلا مرة واحدة ظلم والله الشاهد على كلامي بالنسبة لسالفه فهذي الحقيقة ولا لي مطلب بالكذب (( ما يلفظ من قول إلا لديه رقيب عتيد )) تكفي أنها تردعنا وأن أخوكـ عن الكذب لكن ما أقول إلا حسبي الله ونعم الوكيل |
| الساعة الآن 12:08 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين