بخصوص شركة البرطانية BAE
بسم الله الرحمن الرحيم السلام عليكم ورحمة الله و بركاته اما بعد اعضاء منتديات حلول البطالة اسعد الله مسائكم انا ارسلت السيرة الذاتية يوم الجمعة الموافق24\7\2009 ودقو علي يوم الاحد سالوني اين محل الاقامة جاوبته وسالته ليه قال علشان نحدد مكان الاختبار القريب من منطقتك قلته متى الاختبار قال الخميس وبجيك رساله تفصيليه بعدها دقيت يوم الاربعاء الموافق 29\7\2009 ورد علي الموظف وسالته قلت له انتو دقيتو علي وحددتو مكان ويوم الاختبار وللحين ما جات الرساله قالي بنرسالها يوم الخميس الموافق 30\7\2009 وللحين ما جات اي رساله لان الاختبار راح يكون يوم الخميس الموافق 7\8\2009 ارجو الافادة منكم والي قبلوهم هم اتصلو عليهم ولا ارسلو لهم رساله |
اول شي حياك الله في المنتدى نيابه عن الشباب الموجودين
وثانيا:انت قدمت على ايش بظبط |
حياك الله اخوي سيجار
انا مثلك ارسلتها وانا ترى الكرار اللي بمنتدى الطيران ارسلو لي رسالة اليوم العصر محدد فيها المكان عموما هذا رقمهم والموظفين متعاونين جداً 012059030 والله يوفقك ويكتبلنا الخير جميعا بالشركة هذي على فكرة تى عقدها مع وزارة الدفاع 26 سنة |
مساء الخير على الجميع الاخ ذذذ <<<<<< اما اسم شي الله يسلمك وحييك بنسبة لتقديم قدمت سيرة ذاتية بشكل عام . لاكن تفاجئت في رسالة الشركة بفني صيانة طائرات برغم في السيره الذاتية موضح ان معي دبلوم برمجيات لاكن هذا الصار . واشكرك الشكر الجزيل على المشاركة نسيت ما اقولك جاتني رسالة الفرج اقصد رسالة القبول اليوم العصر |
مساء الخير اخ الكرار <<<< اقصد ظابط مضلي <<<< زانة النفسية بعد الرساله حق الشركة ان شاء الله يوفق الجميع بنسبة لرساله وصلت اليوم العصر لاكن كان المفروض توصل يوم الخميس على حسب كلام الموظف الي كلمته وفعلا متعاونين . انت شكلك مثلي هواي طيران <<<< لاكن من قول الا صبر وشاكر لك على التعاون شكرا |
ماشاء الله عليك .. انا ثانوي وابشرك ترى المكافأه ثناء الدراسة 5000 الاف الحمد لله
انا هاوي العسكرية بشكل عام وخاصه الاشياء اللي بالهوا :d الله يوفقنا ويكتب اللي فيه الخير |
يالربع شلون آقدم عليها
آو عطونا رآبط ولا رقم فاكس عشان نرسلها لهم الله لايهينكم ويوفقكم |
يا اخوان كيف التقديم عليهم ؟
افيدونا جزاكم الله خير |
الله يوفقك يالغالي
انا سجلت فيها تقريبا قبل 3 شهور وارسلت السيره واتصلو علي وحددو الاختبار في الظهران ، واختبرت فيها طبعا الاختبار لغه انجليزيه مو شرط انك تكون متعمق باللغه يعني اساسيات فقط يعني اشياء بسيطه وطبعا انا ماعديت لان اللغه مش ولابد. والي اعرفه ان الدراسه بالرياض والمكافاه تقريبا 4 الاف ومدة الدراسه سنتين تقريبا والمتفوقين يودونهم بريطانيا . للمعلوميه اذا عديت اختبار اللغه فيه اختبار ثاني يسمى اختبار قدرات وهوه صعب شويه لاكن الله يوفقك يالغالي |
ياجماعة التقديم للاسف انتهى
اخوي هويت المقناص .. بالنسبة للاختبار كم مدته .. وهل المراقبيين سعوديين واختبار القدرات عربي ولا انقلش .. ويتكلم عن ايش ؟؟؟ بانتظارك |
الساعة الآن 03:22 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين