ليش الحياة صارت كذا ..................!!!!!
 

المواد الغذائية نار مواد البناء نار من حديد طابوق حتى مناديل جنسن لمسح المكياج كان 15 الحين 24 :mad: مو معقوله الي يصير وياليت في زيادة بالرواتب بس حسبو علينا ال 15 بالمئه لو مو مسويها ابرك .:cry:

انترنت بفلوس وغيرنا ببلاش تلفون كهربا مويه بفلوس كل شي بفلوس الواحد كيف يعيش والله خلال يومين سمعت من الاهل بس 6 انسرق بيتهم من ذهب وفلوس وكمبيوترات :( كل ذا من ايش الى وين بنوصل والله حرااااااااااااااااااام الى اي وضع راح نوصل والله حتى حليب ما نقدر نجيب الراتب كله للديون يعني بختصار لا أحد يتزوج الرجال ما ينام من التفكير بالفلوس والمراه ما تنام معه تهديه ولا تهدي نفسها :eek: .

وكل ما زاد الفقر زادت المتطلبات ابسط شي المدارس شوف وش يطلبو من بنتك او اختك ما بقى شي من المكتب ما يبوه ويالت يدرسوهم كويس وظيفة المدرسه صارت بس تسميع للمواد مو تدريس كل شي على البيت الام وش تسوي هم مادي ولا بيت ولا طبخ ولا اذا معها بيبي.:confused:


وياليت الدراسه مفيده تترسخ بعقل الطالب :court: ، طفل بثاني ابتدائي يعطوهم جدول الضرب للاربعه والخمسه والعشره والثنين الطفل ماراح يستوعب كل ذا على ايش يلحق ، يعني دراسه مو مستوى الطفل ولا في تجديد للمواد الدراسيه على حسب تطور العلم الي من عشرين سنه نفسها الي اليوم من قبل الواحد يجيب 70 بالمئه ويعتبروه عبقري والحين 100 بالمئه وعادي تشوفه بالبيت بالذمه مو حرام وقهر ، الحين صار تفكير الطلاب والطالبات كله ليش نتعب نفسنا حنا جالسين جالسين واصلا اذا بفكر يذاكر يذاكر للنجاح بس مو للمعلوميه وتشوف بس يتخرج ناسي كل الي درسه :Looking: .

بختصار الوضع من سيء الى اسوأ وين الحلول :mad: مافي بس تسمع بيصير كذا وانطرحت وظايف كذا وكلها اعلانيه ولا منها فايده والاجانب يفكرونا عايشين وتحتنا ذهب ما ندري وين نرميه :cry:

ارجو المشاركه بالموضوع بردودكم لاني كتبت بكل صراحه وابي المقابل بصراحه :rolleyes:

اشكرك اخي على المرور والتعليق

اتمنى من الباقي المشاركه

والله كلامك صحيح مية في المية ومافي اليد حيلة حسبي الله ونعم الوكيل

زفرات انثى

يااااااااااااااااااااااالله من جد كلامك حلو
لكن عيبه انه خالي من التفائل لكن مهما كان واقعي جدا

ولاتنسين المهور لابارك الله في اولياء الامور ولا امهات البنات اللي يجيبن الهم والغم
اقصد الامهات اللي مامن وراهن الا وجع الراس
واذا تزوج ماتخليه بحاله لا تسوي تحريضات لبنتها ول طاح فوق راسها طابوقه ان شاءالله
وشكرا لك على موضوعك القيم الجميل الرائع الذي يلامس الجرح

ملفي طفش مني تسلم على الرد ومرورك للموضوع


2222 اشكرك على التعليقك
وانا معك انه المهور غاليه جدا وهذا اكبر عائق للزواج لهذا تشوف زاد الانحراف اكثر بالمقابل كل شي زاد اذا تبي المراه تشتري ذهب شوف كم الغرام واصل 100 ويمكن يزيد وفستان الزواج وغير باقي ملابسها هذا غير الصاله والوجبه والباقي تعرفوه .

الدنيا تصعب يوم بعد يوم والصمت حال .

اقتباس:

المشاركة الأصلية كتبت بواسطة زفرات أنثى (المشاركة 113316) المواد الغذائية نار مواد البناء نار من حديد طابوق حتى مناديل جنسن لمسح المكياج كان 15 الحين 24 :mad: مو معقوله الي يصير وياليت في زيادة بالرواتب بس حسبو علينا ال 15 بالمئه لو مو مسويها ابرك .:cry:

السلام عليكم ورحمة الله وبركاته

بعد التحية يحلو النقاش

مشكورة أختي على كلامك الرائع
فعلا كلامك صح لكن بعطيكم تعليق من وأقع تجربة وليس لمجرد الكلام صدقوني حالنا مرير وصعب جدا حنا الله بلنا بناس ما تخاف الله همها أكل أموال الناس بغير حق ولا بطرق مشروعة همهم هو جمع المال نعم الجشع جعلهم كا الثور الهائج ونحن للاسف قطعة حمراء يريدون القضاء عليها لا أريد أن أطيل الكلام بل سوف أسميهم وعليهم لعنة الله والناس أجمعين هم التجار الذين هم السبب في أرتفاع الأسعاروسبب رئيسي في جعل المواطنين لا يستفيدون من الزيادة التي أمر بها خادم الحرمين الملك عبد الله حفظه الله

ولا أنسى الهوامير الذين ضحكوا على الناس بلعبة الاسهم المشهوره فهؤلاء ناس تجردوا من الأنسانيه التي في البشر
وكل هذا لا يجعلنا ننسى وزارة التجارة النائمة التي لا تتحرك وكأن الموضوع لا يهمها فهي وزارة بالية خاربه هل سمعتم وزير التجارة اوقف محلا لأنه بالغ في سعر سلعة ؟؟؟؟؟؟

الجواب بلا تردد لا لانه لا يعلم مايدوربما حوله ولايريد أن يعرف بل لا يعرف مايدور في وزارته لان همه هوالراتب الذي يستلمه أما المواطنين فلا يهمه أمره

وصدقوني ماراح نتوظف ونعيش حياة سعيدة الا بمحاربة الوزراء الفاسدين الذين لا يهمهم خدمة الشعب

وأخيرا وش نقول وش نخلي

لكم تحياتي

لافض فوك

الله يصلح الاحوال

يعطيك لاعافيه بكالوريوس عاطل على المرور وتعلقيك ومعي تعليق صغير ياليت يمنعو بيع مواد البناء من حديد وغيره للخارج علشان ما يزيد السعر علينا قطر حتى السمك ما يطلعوه بره لانه يغلى اذا طلع لبره .

تسلم/ي على المرور للموضوع