عاجل جددااااااااا اللي يعرف شي يقوله
 

السلام عليكم للجميع

كان عندي استفسار بخصوص الكلية التقنية طبعا مثل منتوا عارفين طرحت الوظائف وتقدمنا لها ولكن فيه نقطه قوية جدا وهي<<< استعدوا لقلبة الراس

انا معدلي 2.98 من 5 ومكتوب جيد حلو؟؟ لما جيت اقدم على موقع الكليه طالبين اقل معدل 3 يعني جيد جدا بعد الرجوع لاحدى الاخوات وسؤالها عن الوضع قالت ابداااااا توكلي وحطي معدلك 3 لانه بالاساس في التعليم يجبر وانتي جايبه 2.98 وش بقى لك على ال3؟؟؟ ماقتنعت وقالت ان زمان على وقت تخرجنا كان معهد الاداره شديدين بالنقطه هذي فمايجبرون كسور ولا شي وانا طبعا خريجة هالمعهد.

قمت وحطيت معدلي 3 فطلع انه جيد جدا ولقيت اسمي ضمن المرشحات للوظيفه..

السؤال الان لو ربي كتب لي اني انجح في الامتحان وجا وقت ابراز الشهادات والخبرات راح يلاقون اختلاف بي الدرجه المسجله بالموقع واللي مكتوبه في الشهاده, هل فيه شي يثبت ان مثل درجتي تجبر؟ لانو سمعت كمان حتى للي يحضرون ماجستير ودكتوراه تجبر الدرجه حتى لو كانت نفس درجتي واقل بعد تكفووووووووون ريحوني الاختبار بكره يااروح ياالغي :(

اوريدو وظيفتن يعطيك العافيه

الكلام على تلقيط الوجه بعدين هذا اللي ماابيه ولا احب اكون انسانه متحايله انا واضحه وصريحه ولكن بحسب ماسمعت جرى اللي جرى فحابه اتاكد اكثر لو فيه احد يفيدني

روحي منتي خسرانه شي والله يوفقك بس معلومه جديده انه يجبر المعدل هذا اذكره ايام المتوسط والثانوي اما الجامعه مستحيل اعطيك مثال

انتي معدلك 2.98 تقولين يجبر ويصير 3
طيب والي جايب 2.88 هل يجبر ويصير 3
ولما الاثنين يصيرون 3 مين بنظرهم الافضل ..
ابدا مااتوقع صحيح ولدليل بعثات الملك عبدالله المرحله الخامسه صرح مصدر مسؤال ان الي معدله 3.74 راح نقبله مع ان الشروط انه يكون 3.75 بس ماذكرو ان اي شخص معدله 3 وكسور يقدم وراح تنجبر

بس ارجع اقولك روحي وجربي منتي خسرانه شي والله يكتب لك الي فيه الخير

اخوي مستعد يعطيك العافيه

انت تقول

انتي معدلك 2.98 تقولين يجبر ويصير 3
طيب والي جايب 2.88 هل يجبر ويصير 3
ولما الاثنين يصيرون 3 مين بنظرهم الافضل ..

اتوقع فيه حد معين لجبر المعدل

وبالنسبه مين الافضل زي لما واحد يكونه معدله 3.75 وواحد معدله 4.50 فيه فرق لكن فيه اداء الاختبار او الوظيفه يكون واحد منهم افضل ماله علاقه بارتفاع المعدل لانهم واضعين لك حد وهو من 3 الى 5 يعني ابسط شي نقول

اللي جاب 3 = اللي جاب 5 لكن الفرق الاداء في المقابله او الامتحان

اب احد يفيدنا ياهو

روحي بكره .. و أختبري ..


واسأليهم بعد الأختبار .. بس حاولي تآخذين الخبر من مصدره ..


والله يكتب لك اللي فيه الخير

مرحبا

انا فعلا رحت اليوم واختبرت وكان الاختبار مره سهل ولله الحمد

دعواتكم يااخوان ويااخوات

بس الى الان محد رد علي فعلا بخصوص السؤال

888888888
لاتشغلي نفسك بهذة النقطة
أستمري في الاجراءات ولو لكي نصيب راح تأخذيه وإذا العكس فـ السبب لايهم بعد ذلك

وان شاء الله تكون من نصيبك