|
مشكلة عقد
السلام عليكم ورحمة الله وبركاته اليوم اكتب لكم موضوع حصل معي واتمنى اشوف ردود فيها حل لمشكلتي او حتى تحديد لمشكلتي لان ما كان عندي مشكله .. لكن فيما بعد فكرت في الامر وتوقعت تظهر لي مشاكل الموضوع اني ذهبت البارح للتسجيل في دورة تدريب بمدينتي الدمام .. طبعا الموضوع قرأته في النت اعلان لمعهد يقدم دورة خدمة عملاء لمدة ثلاثة اشهر ويكون فيها مكافأة ..! في البداية أستغربت من الخبر وكلمتني صديقه لي وقالت لي انها سجلت ونصحتني اروح اول ما رحت طبعا المبنى ما كان موجود عليه اي لوحه او اسم شكيت في الموضوع لكن توكلت على الله ودخلت قابلتني الموظفه وسألتني ايش اعرف عن المعهد وكذا ومن وين سمعت فيه الى هنا الامر طبيعي .. طرحت عليها بعض الاسئلة عن المعهد والجهة المسئولة عن تمويله طبعا شرحت لي .. وبعد الشرح اعطتني استمارة اعبي فيها بياناتي الغريب في الامر انها بعدين اعطتتني ورقة قالت هذا عقد بين الشركة وبينك عشان الشركة تضمن انك تكوني منتظمة معاها ومن هالقبيل سألتها ايش راح تستفيد الشركة قالت انه الشركة تدخل اسماء المتقدمات لمكتب العمل عشان السعودة وانتم تستفيدوا انه يصير عندك شهادة دورة وتدريب وتاخذين مكافأة انا صراحه وقت ع العقد بدون تفكير صحيح اني قرأته بس ما كان فيه شي غريب مثله مثل اي عقد وقلت لها كيف اضمن الشركة راح تطلع اسمي من المكتب قالت بعد فترة التدريب تقدري تتاكدي من مكتب العمل انه اسمك مش موجود انا وقعت العقد وطلعت بس الحين من رجعت وانا خايفه من هالمساله اخاف يتم استغلال الاسم باشياء مشبوهة واتورط وهل صحيح انه اقدر اكلم مكتب العمل بعد فترة انتهاء التدريب واقول لهم يشيلوا اسمي من الشركة او الشركة هي اللي تكلمهم انا محتارة واحس اني استعجلت ياليت القى عندكم الحل .. حاسه المعهد والشركة بيلعبوا على البنات مع العلم المتقدمات كثير .. صراحه مكتب العمل ما اقدر ابلغه بيقولوا لي القانون لا يحمي المغفلين ابغى رد سريع ع الاقل اتصرف قبل بدء الدورة التدريبية والله الموفق |
اتوقع والله العالم إنها شركة سدافكو لأني قبل فترة قدمت على وظيفة خدمة عملاء وقالوا لي نفس الكلام تدريب 3 شهور بمكافئة 1500 والتدريب على خدمة عملاء و إنجليزي وحاسب
سويت مقابلة شخصية وافق علي على طول وانا أستغربت الموافقة المستعجلة علي وقالي أعطيك عقد توقع علية انا الفار قام يلعب في عبي وقلت له بفكر ورد لك خبر ولا عاد رحت لهم يعني أنتي وقعتي عقد أسمك بيكون مسجل في الموارد البشرية وهاذي تعتبر لك معضلة لأن الشركة بتأخذ أسمك وتسفيد من 3000 يلي ياخذونها من الموارد وأنتي ماتقدري تستفيدين بعد كذا من الموارد لأن بيكون أسمك مسجل فية إلا بعد 6 شهور من تركك للعمل عندهم وهم ماهما فعلتي مو معطينك إنها خدمة عشان يكون أسمك مسجل عندهم في التأمينات ومكتب العمل بس مادامكي وقعتي عقد روحي لهم وتدريب وخذي الشهادة وإن وظفوك خير وبركة وإن غير ذلك الله يعينك على مراجعتم انا أقولها لأني أعرف حركاتهم والشركات الصغيرة مايوثق بها ودي إنكي تستفيد من الموارد في شركة كبيرة هاذا رابط مساعدة طالب العمل على التحقق من بيانات دعمه إن كان مدعوماً مالياً من صندوق تنمية الموارد البشرية http://online.hrdf.org.sa/check_pc.php |
جزاك الله خير على الرد هو معهد طيف والشركة على ما اظن اسمها شركة الهاجري انا عن نفسي بتدرب بس العقد ما فكرت فيه بعمق قبل التوقيع المهم أن شاء الله استخير واشوف |
ابي حلول زيادة
من ناس لها تجارب وفقكم الله |
لا تخافي ما راح تتورطين بأمور مشبوهة الموضوع باختصار مثل ما ذكر الاخ/وظيفة استفادة من الموارد البشرية بالاضافة إلى انكم راح تكونوا مثل الجسر (كوبري) عشان يستخرجوا تأشيرات استقدام، اما بالنسبة انك تحذفي اسمك من مكتب العمل فهو بطريقتين فقط إما إنهم يعطونك اخلاء طرف مصادق على صحة الختم والتوقيع من الغرفة التجارية، أو ان الشركة تعبي نموذج خاص بحركة الموظفين ويتم استبعادك من ملف الشركة،،،،
بالتوفيق،،، |
| الساعة الآن 09:42 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين