مشكلتي ........ مع فرع وزارة الخدمة المدنية
[align=center][/align]السلام عليكم ورحمه الله وبركاته
صبحكم الله بالخير انتو اكيد دريتو عن ظهور اسماء المرشحين على الوظائف الادارية والهندسية بديوان الخدمة المدنية المهم رحت لفرع وزارة الخدمة المدنية يوم الاربعاء الماضي عشان اطابق الاوراق وكانت المشكله انه المعلومات اللي مسجله عندهم بالجهاز لي انه عندي خبره سنه و 10 شهور و 12 يوم في شركة خاصة بالرياض وجبت لهم مشهد من الشركة بخبرتي عندها وكنت شغال عندهم بنظام (( بارت تايم )) يعني ما اجيهم الا العصر واطلع بعد العشاء المهم قال لي موظف وزارة الخدمة المدنية في الطائف ما نقبل هالمشهد لأنه غير مصدق من التأمينات والشركة اللي كنت اعمل عندهم ما اضافوني في التأمينات لأني كنت اشتغل بارت تايم والحين الموظف يقول تقريباً 99.99% ان ترشيحي بينلغي بسبب اختلاف المعلومات المسجله ... وش الحل يا اخوان |
بسم الله الرحمن الرحيم
الحل تروح عند الشركة الي كنت شغال عندهم و تخليهم يخاطبون التامينات بالمدة الي كنت شغال فيها عندهم طبعا يأخذون مبلغ مالي من عندك عشان التامينات تقريبا الشهر 300 ريال او 600 ريال لأنك كنت تستلم الراتب كامل بدون خصم التأمينات بعدها تروح للتأمينات وتطلبهم برنت اتمنى الحل هذا ينفعك وبالتوفيق |
هلا اخوي فيصل
سبق وفكرت بهالحل ورحت للشركة وقابلت مدير الشركة وقلت له على المشكلة وطلبت منه انه يراسل التأمينات ويحل الوضع قال نجوم السما اقرب لك يقول بيغرمونه لأنه ما اضافني في التأمينات وبسببون له مشاكل هو في غنى عنها حسبي الله ونعم الوكيل عليه وعلى كل ظالم ما يخاف الله ويوم سألته ليش ما اضفتني في التأمينات من يوم ما توظفت عندكم قال انا وش دراني انك بتستمر عندنا |
61 عضو شافو الموضوع
و عضو واحد بس هو اللي رد ترا الكلمة الطيبه ببلاش يا اخوان وكلمتين دعاء ما راح تاخذ من وقتك الا ثواني |
^
^ ^ ^ ^ ^ |
وعليكم السلام ورحمة الله :
كنت أتمنى أن أساعدك في هذه المشكلة :( .. ولكن سأدعوا الله أن يوفقك لما فيه الخير وأعانك الله على هذه المشكلة :( . |
الف شكر اخوي لوريل
ليت كل الناس مثلك عسى الله يكتب اللي فيه الخير لي وللجميع التوفيق |
الساعة الآن 07:50 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين