لماذا كل هذه الاعتراضات على نتائج الوظائف .!
 

السلام عليكم

اعضاء منتدى البطالة

سؤال يجول في خاطري كل ماظهرت نتائج لوظائف معينة ورأيت الاعتراضات والامتعاضات والتشكيك في المصداقية والدخول بالذمم وذكر ( الواسطة ) وغيرها .!

كل ماظهرت نتائج للوظائف ظهر معها المعترضين الذين لم يحالفهم الحظ في القبول لهذه الوظائف .!

يا ترى مالسبب .!

لماذا في كل مسابقة او مفاضلة وظيفية نرى اصوات المعترضين .!

مالحل لهذه المشكلة .!

انا أرى التالي لعل لصوتي صدى :-

المفترض من ديوان الخدمة المدنية ان تجبر نفسها اولا وتجبر كل جهة عمل تنظم المسابقات والمفاضلات الوظيفية ان تكون هناك ( شفافية ) في التعامل مع طالبي العمل .!

بمعنى :-

ان مع اعلان النتائج توضح فيه آلية ومعيار الاختيار

ان مع اعلان النتائج يتم توضيح كل شخص لماذا تم قبوله وتفضيله على غيره وايضا يتم توضيح لماذا تم رفض الاخرين وعدم قبولهم .!

ايضا فتح المجال للاعتراضات والرد على المشككين لكي يكون موقف الجهة سليم مئة بالمئة

فوائد هذه الخطوة :-

اننا سنرتقي بطالبي العمل بشكل كبييييير جدا حيث

ان كل شخص مستبعد سيحاول اصلاح مافيه من عيوب > هذي اهم خطوة

يعني انا الحين قدمت وتم رفضي والسبب هو مثلا عدم اجادة الحاسب الالي . سأعمل الليل والنهار لكي اتعلم الحاسب الالي .! وحين اقدم على وظيفة اخرى لا يقف هذا المجال في طريقي .!

وهكذا لبقية العيوب ليتم اصلاحها من قبل طالبي العمل والارتقاء بطالبي العمل ذاتيا .!

اما الطريقة الحالية :-

تكميم افواه وفتح باب التشكيك وان سبب عدم الوضوح وعدم الشفافية هو وجود ( الواسطات ) وعدم الرغبة من الجهات بالوقوع في المحظور وكشف المستور

ــــــــ

الفرق بين الطريقتين ان الشخص حين يعرف عيوبه يعرف الطريق الذي يسير عليه ويصلح العيوب اللي فيه ولن يستطيع مجادلة اللي رفضوه .!

وايضا الشخص حينما لم يقبل في وظيفة وصار يقدم على وظيفة اخرى بنفس الاسلوب وبنفس الطريقة السابقة وايضا يتم رفضه .! والسبب انه الى الان لم يعرف ماهو سبب رفضه لكي يصلحه .!

هذي مشكلة التوظيف وطريقتها لدينا في المملكة عدم الوضوح وعدم الشفافية .!

والله لو صارت شفافية بيصير تقدم كبييييييييير جدددددا في كفاءة طالبي العمل وراح يكونون اكثر حرص على الارتقاء بانفسهم .! لكننا بحاجة لنعلم ماهي عيوبنا بحاجة لاحد يضع يدنا على الجرح زي ما يقولون .!

لكن هكذا انت مرفوض ولا تجادل ولا تسال لماذا .!.!.!.!

كيف اعرف اين الخلل في نفسي وكيف اعرف ماهي الاشياء اللي تحتاج تطوير في نفسي .!

وياقلب لا تحزن في بلد الذهب الاسود

وهذا يعتبر فساد اداري طالبي الوظائف ينتظرون بالاشهررررر وبالاخير مرفوض ولا يعلم السبب .!


وسلامتكم

جامعي محاسب

السلام عليكم ورحمة الله وبركاته

كلامك سليم اخ جامعي لكن من كمية التفائل والنظره المثاليه للامر تخليني اتوقع انك خريج جديد :d

مو قصدي تحطيم او تشكيك بالكلام بالعكس الشفايفه امر مطلوب باي شئ لكن ابي اقول شئ قصة انه مافيه واسطه او الامور تاخذ بالافضل فهذا الشئ مو دائما صح اذا ماكان غالبا يعني الي معه واسطه بيتدبر وبيتوظف واذا توظف معناته اخذ مكان كفئ يعني هي معادله واضحة يعني على سبيل المثال انا اعرف شخص مسئول اولاده مالهم ومال الدراسه من جد ومع ذلك مبتعثين في دولة اوروبية وبنته دخلت الجامعه ونسبتها يمكن انتساب بالقوه :Looking: وعلى وجه تخرج واكيد الوظيفه مضمونه اللهم لا حسد مو قصدي اعد على الناس لكن هذا الواقع ومثال اخر في التدريس وعادة نقول صعبه وظائف التدريس والحصول عليها اعرف شخص اخوه مسئول بمنطقه بالجنوب وهم من الوسطى وساكنين بجده ومع ذلك زوجته توظفت بالجنوب وهي لادرست ولا عايشه فيها بغض النظر عن نسبتها لان شرط التقديم واضح لنساء انها تكون من المنطقه :cool: اذا كان هذا حال التدريس كيف الوظائف الاسهل

بعدين مثلا في التدريس طلبهم يكون عنده حاسب شرط ممتاز لكن بالله ليه اذا المناهج جايه مدري كيف هي في وادي والتطور والعالم في وادي

وبعدين يعني من وين يجيبون كل الخريجين فلوس يطورون انفسهم يعني ماعنده وظيفه ولا عنده فلوس وياخذ المصروف وكمان زياده دورات يعني ضربتين في الراس توجع:eek:

التخطيط لاي شئ لازم يكون واقعي يعني بدل ماتقول لانسان روح ادرس زياده وجيب فلوس من الهواء وظفه وخلها تكليف اجباري الدورات التدريبه اعتقد ان هذا حل امثل عشان نرتقي بالاداء بدل سد البيبان وقطع عيش الناس

مانقول الا الله يفرج هم كل مسلم احنا جيل الشباب مظلومين ونشقى عشان ناخذ شئ عكس الي قبلنا كل شئ سهل لهم

التوفيق للجميع

حرب الاوصاف صح لسانك اخوي انا اتفق مع كل حرف كتبته للاسف هذا حالنا ،،،،،

جامعي محاسب كلامك ع العين والراس والشفافيه مطلوبه لكن الكلام شي والواقع شي اخر ،،،،

حرب الاوصاف

اول شي مشكور عالمرور الرائع

وبعدين انا داري ان فيها واسطات

واصحاب الجهات يقولون مافي واسطات وان كل اللي تم قبولهم اكفاء واكفأ من غيرهم

لكن نحن كمستبعدين نطالب بالكشف عن سبب استبعادنا .!

ونعم انا عاطل جديد ولي تقريبا 5 اشهر عاااااطل خخخ

اراء جميلة ومحترمه منكم

ومعاكم حق

نحتاج ان نعرف لماذا أختيرت الاسماء هذة بالذات...!
لكي تكون الامور واضحة والشفافية كاملة
ولو تم تطبيق ذلك , لوجدت ارتياح كامل لكل من شارك بالمسابقة الوظيفيه .

ولكن لااتوقع ان تطبيق هذة الطريقة نهائياً

تبقى مجرد أمنيه

نعم مثل ما قلت يا رامي

الواحد اذا عرف سبب استبعاده راح يرتاح بسبب انه لم يتعرض للظلم وانما يوجد من هو افضل منه وعليه ان يطور نفسه

ولكن نحن في دوامة انت مفروض وكفى .!

مشكورين المرور

صعب يكون فيه شفافيه
تبيهم يطلعون لك يقولون وظفنا فلان لان ولد عمه عندنا ونشبلنا؟؟؟؟؟؟
ووظفنا علان لان خاله مديرنا الكبير وصعبه نرده؟؟

اذا قلتلي ان فيه مسابقه وظيفيه مافيها واسطه
فهذي معجزه
لان الوظائف الحين صارت مثل الكنز المدفون الكل يحفر على عشان يحصله
وكلن يقرب الضو يم قريصه

والله لي 21 ساعه مانمت
ماودي افصل كثير
عشان مااجيب العيد
لكن فيه همسه بسيطه

والله ان الواسطه احيانا تنفع
لما يكون واحد عارفك وعارف ضروفك وكل شي عنك
ويروح يتوسطلك عند مسئول يعرفه ويقوله عن وضعك ويقبلونك بوظيفه
هنا تبان فايدة الواسطه
لكن المشكله اللي جاي مابراسه شغل وضايع ولاقدم ولاتعب وياخذ وظيفه بواسطه وغيره اولى منه
هنا اعتقد صعبه

تحياتي

إن اعطي رضي وإن لم يعط سخط .