كيف يتم الاحتيال على المواطن في كل وزارة
 

انا ما اقول كل المسئولين محتالين ولكن بعض الرؤؤس مصره على خنق هذا المواطن ذي الدخل المحدود بجمبع الطرق

وزارة التجارة بوزيرها تاركه الحبل على الغارب والتجار يتلاعبون بالاسعار على كيفهم .
في الحي الواحد مئة بقاله ما منها فائده الا للاجانب ، ليه ما نكون زي الكويت في كل حي أو حيين
جمعيه تعاونية من فلوسنا ويشتغلون فيها اعيالنا والخ الخ..

وزارة الصناعة بوزيرها تاركه الشركات الصناعية وعلى راسها سابك تتلاعب باسعارها
ولا زيت تغيير السيارات من 6 ريال الى 12 ريال دبل هذا والبترول من عندنا .

وزارة البترول بوزيرها وطيارته الخاصة من مكان لاخر ذبحتنا ببنزين ارامكو الجديد
هو القديم يقعد في السيارة علشان تعطينا جديد ودخل الغاز وين يروح شرهات شوف قطر
عايشه من دخل الغاز بس والبترول 100 مليار .

وزارة المالية أم السرقات الدخل يجيها من وزارة الداخليه بفروعها المرور والمخالفات والجوازات
والشرطة ونحوها ومن الجمارك ومن البترول ( الغاز مجهول ) ومن التجارة والبلد مديون والبطالة
متفشية وحالة تفرح نص فلوسنا بلبنان وسويسرا تعمل ايه ما ني عارف ( عطونا الله يعطيكم ).

وزارة العدل بوزيرها عدل ايه اللي انت تسأل عليه خل موظفينك يداومون علشان نعرف ايه في
وزارتك يالحبيب ( سو سجل عقاري بدل السرقات جعلك الكسر قولوا امين ..

هيئة السوق المالية أفقرت الناس وصار 80% من الشعب في خط الفقر وحرامي يلحق حرامي .

هيئة الاتصالات بوزيرها ماده يدينها وتاركه شركات الاتصالات تسرق بهالمواطنين وغمض
عينك وكثر من الحفلات ووبلاش خيرنا لغيرنا.

وزارة الاعلام مسابقات بفلوس ملاييييين وتوزع الفتات (قمار) وتراخيص بفلوس وكل شىء
بفلوس والصحافة كلن يدفع . فتح التلفزيون للحريم والشباب قعدو في البيوت وعالم مقلوب .

البلديات وغن يا ليل ما أطولك الاراض البور الخايسة زين اذا حصل عليها المواطن هذا غير
المشاريع الفاشلة داخل المدن وخذا يامواطن ( زورو جيزان وما راح تلومون هالمواطنين لو هربو
حشيش وسلاح كل يوم حوادثهم هم والشمال صارت خبر بالجرايد فقر مدقع وبدون خدمات طبعا
كل الفلوس تروح لبنان ) الشواطىء كلها محجوزة .

الصندوق العقاري لمن يملك ارض طيب اذا كان فقير ما يملك الارض ووصل للخمسين رقعها .

الصندوق الصناعي لابو شكيم مملوك اذا صاحبك غريب تعال .

الصناديق الاخرى وبنك التسليف واجهة ما حد يدري وين موقعهم .

وزارة الاسكان وقفت البناء الاسمنت غلى عليهم وطويل العمر ما هو فاضي ما رجع من السفر
يوقع مشاريعهم له سنتين .

وزارة الحج عاد هاذي لعبه مثل الكورة كل واحد من الكبار ياكل جزء ويرميها على الثاني وسلم
لي على الحج والعمرة والتنظيم اللي يحبه قلبك وبيع التأشيرات على وذنه.

وزارة العمل هذي عاد بيسمونها وزارة العمل للمقيمين لا نها مشغوله بموظفي الشركات وكان الاولى بها تكون مثل ديوان الخدمة للحكومة بسجلات لابناء الوطن وكل مواطن يبلغ السابعة عشر يدخل في التأمينات الاجتماعية ولو تصرف له الحكومة حتى يبلغ ال 25 سنة ثم يتم توظيفه وتهيئته علشان ما يروح للشوراع ويطر .

وزارة الكهرباء هذي تمص المواطنين مص ومع ذلك ما فيه ارباح بس خساير وين تروح الفاوس ما تدري !!!!!

وزارة المياه شفطت الخليج وعبته كيماويات وشفطت البحر الاحمر والناس عطشانه ويا ليت
ببلاش والله ندفع فلوس .

وزارة التخطيط وديوان المراقبة لو أنا من الملك رميتهم في المحيط الهندي ( هذي الوزارت ما لها أي داعي ولو يجبون شركات تراقب وتخطط أفضل منها والدليل الى الحين مئة خطة وما شفنا الا الفلس والرشاوي لاعبه بالبلد وبدون مراقبه .

وزارة الرياضة والشباب هاذي استحي اتكلم فيها بخليها للبزران ( تفشل كلها صوماليين ) .

أتمنى أشوف وزير يخرج في الشارع ويشوف عمل وزارته بدون الكشته حقينه

ولو كان عنده شوي شرف وأمانه يستقيل لعدم !!!!! ولكن هذا من الاحلام .

الله يعينك يا خادم الحرمين على هالوزارء الله يعينك تراني فاضي .

ذوي الدخل المحدود أملكم الوحيد بعد الله البر وخيمة وخمس غنمات وشاتين وبلا مصاريف زيادة .

رسالة خاصة الى الراتب : الله يعينك من بنك وبطاقة ائتمان وأكل وشرب وبنزين وكهرب وتلفونات روح عمي الله يعينك مسامح .


اذا نسيت وزارة سامحوني انقلب راسي من كثر الوزارت

:d :d :d :d :d :d :d

رد: كيف يتم الاحتيال على المواطن في كل وزارة
 

اووه اووه نسيت مؤسسة النقد الحين عدد الموظفي في الدوله والقطاع الخاص كبير وبيشتغلون كل يوم واخذون أجرهم كل شهر طيب الحين أنتم مشغلين رواتبهم كل يوم بيومه وتخذون هبرات وما يستحقون يشاركونكم بحقهم ولو براتب اضافي بشهر رمضان .انتم وزارة منظمة بس ذبحتنا بنوكم
ترانا عرب وبلاش ضحك على الدقون .

رد: كيف يتم الاحتيال على المواطن في كل وزارة
 

على فكرة اللى يطلع من وزارة المالية مايرجع

رد: كيف يتم الاحتيال على المواطن في كل وزارة
 

وزراة الزراعة هالغبره كل الاراضي البور الكبيرة على الخطوط السريعة موزعتها على الاكبارية

وربعهم حتى لو بطريف

والله ما شفت حد مظلوم بالخدمات زي منطقة جيزان والحدود الشمالية والسبب للاسف

من القائمين على هالمنطقتين اللي تقول بزمبابوي مو بالسعودية الثرية .

رد: كيف يتم الاحتيال على المواطن في كل وزارة
 

ياكثر المحتالين :)
شكرا لك موضوع رائع

رد: كيف يتم الاحتيال على المواطن في كل وزارة
 

يا كثر الفضايح يا اخوان لو بنعدها يبي لها مجلدات خلوها على الله وادعوا الله انه يصلح الحال

انا الي قاهرني وباط كبدي كلمة بطانة فاسدة عذر جاهز في كل صغيرة وكبيرة

رد: كيف يتم الاحتيال على المواطن في كل وزارة
 

ايش انعد وش انخلي تراهم اكثر من الهم على القلب

رد: كيف يتم الاحتيال على المواطن في كل وزارة
 

موضوع رائع وجميل

ولو توضح لي ليش قلت صوماليين يعني؟ ليش ما يكونو!!!!!

رد: كيف يتم الاحتيال على المواطن في كل وزارة
 

أشجع الاهلي وعلى راسهم ( خالد مسعد )

هههههههههههههههههههههههههه