تبي تدرس بالكلية التقنية تعال وقرر ( مهم جدا )
 

السلام عليكم ورحمة الله وبركاته
\
/
\
صبحكم الله بالسرور والرضا


مثل ما انتم عارفين الحين فترة القبول للكليات واكيد الاغلبيه انقبلوا الله يوفقهم ان شاء الله


واسف ان موضوعي جا متاخر شويات وارجو منكم المعذرة


والملاحضات الي بسردها هنا مو مجبور انك تاخذ فيها لكن مجرد خربشات من اخ لاخوانه


الكلية التقنية والحديث الي يدور عنها

البعض يسميها كلية ارضاء الوالدين والبعض يسميها كلية جبر الخواطر والخ من المسميات

لكن خلونا ننضر لها الكلية من ناحية المخرجات

هل الكليه تخرج الطلاب مثل ما يبي سوق العمل..؟

لو قرا سؤالي مسؤول بالمؤسسة بيقول ايه تخرج الي يتطلبه سوق العمل

طيب خلونا نشوف المتخرجين من الكليه :)

لهم ثلاث طرق بعد التخرج

اما انه يكون عاطل وهذا حاصل مع اغلبية المتخرجين

و

اما انه يلتحق ببرامج تدرج وبعدها يتوظف <<< يهيئون الطالب للعمل بشركتهم


و


اما انه التحق بالكلية التقنية بالرياض الي تخرج تقنيين وليس مهندسين .. او يدرس على حسابه باحد الجامعات الي تعادل له 20 ساعه لو امه داعيه له



انا بوجهة نضري كلمة متدرب مهياء لسوق العمل تعني انه المتدرب ما يحتاج يكرف ويتدرب مره ثانيه ويكون معروف الي له والي عليه


خلونا نجرب ونشوف باقسام التوظيف الطلبات الي يحتاجونها بطلاب الكلية التقنية او بطلاب الدبلوم بصفة عامة

اولا : اجادة اللغة الانجليزيه تحدثاص وكتابه

هل الكلية التقنية اعطتنا حقنا من هذا الشرط (( عارف الاغلبيه يقولون مافي كلية او جامعة تخرج طالب ملم باللغه الانجليزيه تحدثاص وكتابه ))
اوك مو مشكله لكن وش الفرق بيننا وبين طلاب جامعة البترول او كليات الطب انا ما اتكلم عن المستوى الدراسي او الحقائب الدراسيه انا كلامي عن اللغه الانجليزيه


ثانيا: من الشروط خبرة في مجال العمل لا تقل عن ثلاث سنوات

امممممم 3 سنوات ..؟ طيب انا من وين اجيب ها الثلاث سنوات اذا كان مو متوفر فيني الشرط الاول وهو اللغه .. طيب خلينا نقول انه مافي شرط اللغه اجيب ثلاث سنوات خبره بنفس التخصص من وين..؟ وانا من تخرجت ما جاتني ولا وظيفه وحده بتخصصي :(


ثالثاً: ورابعاً وخامساً من الشروط والراتب 1500 او 2500 طيب انا من مكه يعني لو بسافر للرياض عشان ها الوظيفه يبيلي سكن يكلفني 1000 ريال بالشهر ومعيشه نقول 500 ريال :) لو ما طلعت مديون بيكون صافي الربح والخسائر بالشهر = 0 ريال اجل انا وشوله اتغرب واتعب عمري اجلس عاطل احسن؟؟؟

طيب مصداقية المؤسسة في القبول بكلية الرياض لاكمال البكالوريوس عدم مع احترامي

واتكلم ها الكلام من واقع تجربه لاني يوم 5\5 \1429 كان عندي اختبار قبول بكلية الرياض وانا كنت باخر اسبوع بفترة التدريب التعاوني الي هو التطبيق مثل ما الناس تعرف

اختبرت ورجعت كملت اخر اسبوع وطلعت الوثائق يعني اعتبر متخرج يعني خالص وقاضي ^_^

وبشهر رمضان العام طلع اسمي من المقبلوين وكان تسليم الملفات يوم 11\10 وسلمنا ملفاتنا واعطوني ورقة مراجعة قسم الانجليزي عشان اخذ الجدول وقالوا الجدول بعد اسبوعين والدراسه بعد 3 اسابيع

فرصه حلوه الواحد يستاجر ويأثث ويرتب عمره عشان يبداء بحماس ومثابره

وبعد ما تجيهم على موعد تسليم الجداول يقولون لك يا فلان انت مفصول ....!!!!

وانت بنص حالة الصدمه تبي اي شي يقنعك وتسئل عن السبب مسؤول يقول انت اختبرت وانت بفترة التطبيق والتطبيق يعتبر ماده يعني قبولك مرفوض

طيب قبولي مرفوض تقدر ما ترشحني للختبار وتقدر بعد من يوم جيت اسلمك الملف وانا على البر قبل استائجر وقبل احوس وقبل اسوي اي شي لا وغير الديون الي شايلها فوق راسي عشان ها الخطوه من حياتي

يرجع يرد علي بكل تبلد احساس وبكل .... << مشفر .. ويقول النظام كذا


رحت وحطيت وشلت وانتهى كل شي عطوني الملف يعني مالك شي عندنا :)


طيب شروط القبول عندهم بالله شوفوها .. هههه لا يقولي لازم يكون لك ترم عاطل << يشجعون العطاله

طيب رضينا بالي كتبه لي الله وجلست اللعب بشقتي الي ما راح من اجارها شهر وباقي 5 شهور ^_*

راحت الفرصه الثانيه وطبعا كان قبلها فرصة الابتعاث الي راحت عشان الشروط الي تسر الخاطر

نسبة الثانوي 80% << لو هاذي نسبتي يوم تخرجت ما دخلت الكليه التقنية

معدل الكليه 4.5 << ليش ما يطبقونه لخريجين البكالوريوس؟؟؟

الدول : الصين - كوريا - اليابان <<< هل هم اهل الام للغه الانجليزيه ..؟

برجع اتكلم صيني او كوري عشان اشتغل بمطعم صيني جرسون


نصيحتي لكل شاب يبعد عن الدبلوم

ترا تصنيف الدبلوم عندنا معدوم بالوظايف وبالدراسه وبكل شي :(


نشوف الوظائف الحكوميه جداااااااً قليل طلبات الدبلوم

عندنا كل شي يا ثانوي والا بكالوريوس او ماستر ودكتوراه


ديوان الخدمه المدنيه يعترف فينا..؟ البعثات تعترف فينا ..؟ وزارة التعليم العالي تعترف فينا..؟

صدقوني لا

ازيدكم من الشعر بيت البكالووريوس بالكليه التقنية صار موازي

سعر الساعه 800 ريال اقل شوي او اكثر شوي لو تبي تاخذ 100 ساعه عشان تكمل الخطه يبيلك 80 الاف من غير السكن

وازييدكم من الشعر بيتين

وظائف المؤسسة العامة للتدريب والتعليم

كان مدرب على المستوى الثاني الي هو الحين مدرب ب شهادته دبلوم

الحين عشان الزياده الي تقريبا وصلت 50% صاروا طالبين بكالوريوس

اذا هم ماهم معترفين فينا وهم الي مدربيننا تلومون الشركات توظفنا.؟.؟



شباب وربي كل شي قلته مسجل عندي ادله وبراهين له انا ما افتريت على احد ولا قلت شي من راسي


واعذروني على الاسلوب التهجمي لكن والله من حرقه بقلبي


ادرسوا بكالوريس ان شاء الله بكالوريس بطيخ وزيتون لكن دبلوم انحاشو


صحيح الارزاق بيد الله لكن ترا والله الي يتوظفون 10 من الف هذا اذا ما كان اقل



وكل واحد عقله براسه يعرف ...؟ خلاصه


محبتي لكمـ

اول شي احب اقووولك يعطيك العافيه على كلامك ....وصراحه هذا الواقع الي جالس تتكلم عنه وتقريباً اخوي مثلك

بس معقوله ياصديقي ان الدبلوم مشكله وما بتحصل وظيفه اذا اخذت الدبلوم << عاطل ثانوي اصص بس

المهم ماقصرت والله يرزقك ويرزقنا الطيور يا ولد طارت بأرزاقها << وش دخلها الحين اصص بس

:(

والله انك صادق
المفروض يسمونها
كليه العطالة...

الله لا يوفق من كان السبب

حسبنا الله ونعم الوكيل