|
لو كنت مكاني .. بتسافر والا تنتظر ؟؟؟؟
السلام عليكم
اعزائي اعضاء البطالة الكرام محاتسيكم من اللي قدموا على وظائف جامعة الملك سعود قدمت بشهر 6 واختبرت بشهر 7 وقالوا النتائج بعد اسبوع !! وحرمت نفسي من السفر بالاجازة بسبب انتظار هذا الاسبوع اللي للحين ما شرّف !! انا ودي اسافر بالعيد ومثلكم عارف نهاية اجازة العيد 6 / 10 اللي اخاف منه .. تنزل النتائج وانا مسافر ! يمكن بعضكم يقول ان بين اعلان النتائج والكشف وو مدة 15 يوم يعني يمديك ترجع وترتب امورك .. بس مهما كان بكون خايف وبوسوس بالسفر !! وش رايكم ؟؟ حرمونا من كل جميل هالجامعة حسبي الله ونعم الوكيل !! |
نصيحتي الصبر زين واللي خلانا ننتظر هالوقت يخليك
تنتظر لبعد العيد وتشوووف لانهم مستحيل ياخرونها عن بعد العيد اصبر واحتسب والله بيعوضك |
ما عليش على التدخل شوف انا سافرت في شهر 8 اللي راح ولا كنت ودي كله علشان النتايج ورحت صرت اتواصل واعرف الاخبار عن طريق المنتدى رح وسافر وذا طلعت النتايج اكيد فيه فرصه لانه ما راح يكون تعيين قبل شهر 1 يعني بداية السنه الجديده والله يكتب اللي فيه خير
|
مشكور اخوي .. وننتظر بقية الاراء .. ولو ان احساسي يقول ان النتائج ماراح تطلع !!
ننتظر من يشجعنا :) << وده بالسفر بس الجامعة حسبي الله ونعم الوكيل ! |
اقتباس:
مشكوره يا شريهان .. ولو اني اذا سافرت بكون قلقان من هالجامعة .. ياشين الانتظار .. ومشكوره .. |
استخير ربنا
سواء سافرت او جلست ماحتاخد إلا رزقك كلو خير وربنا معاك |
اسافر بالعيد 5 ايام العيد مافيه عمل وماراح يستدعونك فيه
وبتوفيقك لك اخووي |
مشكورة تغاريد
0 0 ملك التحديات صحيح الاجازة 5 ايام بس انا اذا سافرت بزودها من عندي 5 ايام ! المشكلة بالقلق بالسفر من هالجامعة !! آآآخـ بس |
صادق اخوي والله اول مره ما انبسط في السفر كله قلق والله عندي اهون يقولون الغوا الوظايف ولا ينطرونا لهالوقت
|
يالحبيب والله حرام عليك اللي تسويه في نفسك أنت وين بتسافر بتسافر داخل المملكه وش المشكله الحين
والله العظيم انا بالجنوب وقدمت ورحت للختبار ورحت للمقابله ورجعت الجنوب والوضع كله عادي اذا لك نصيب بتاخذه اما عن طريق الاتصال راح يتصلون عليك أو عن طريق الموقع وسافر يارجال وفلها وتابع الموقع مثلا كل يوم وكمان تابع المنتدى خلاص يعني حياتك تتوقف علشان هالوظايف ماتدري وين الله كاتب رزقك صدقني اذا مكتوب لك نصيب راح تاخذه يعني جلستك عندك اش سوت لك ماراح تقدم ولا تأخر أنا الحين بالجنوب وعادي عارف كل شي متابع يوميا صبرا جميلا والله المستعان |
اسمعني ..
انت توكل على الله بعدما تزبن عمرك عن طريق الزملاء يتواصلون معك او عن طريق المنتدى .. بأي طريقه المهم انه تكون عندك الاخبار اول باول .. ويكون عندك علم على الأقل قبلها بليله .. بعدها روح سافر وعين من الله خير واذا صار فيه شي فجأة عندك المطار او بـ 120 ريال كدااااد او باللي يكون وتعال خط .. ربي يوفقك ان شاء الله .. |
اقتباس:
اخوي لو السفر داخل المملكة مايبي له نقاش .. لكن النية بسافر لدولة بينا وبينهم 10 ساعات بالطائرة !! |
اقتباس:
تسلم يا زيدان لكن مثل ماقلت الدولة بينا وبينهم 10 ساعات بالطائرة ! يعني ماينفع يا خلفهم لا كداد ولا خط البلدة ! هاهـ وش رايك ..؟ |
اقتباس:
رأيي انك تريح بالرياض طال عمرك .. :d |
اقتباس:
وفوق هذا المسافة البعيدة ! ياليت يقولون ويريحونا ! |
انا بقولك رايي
بما ان السفر خارج المملكه والمسافه بعيده لاتسافر حاليا اولا لان الوظيفه والمستقبل اهم من السفر السفر ممكن تعوضه باي وقت وثانيا انه ممكن باي لحظه يعلنون الاسامي وتظهر النتائج لايهمك الي يقولون الناس توظفت والا خلاص الموضوع انتهى لانه هالكلام غير منطقي ولابد ان النتائج تظهر بااي لحظه .. وافرض طلعت النتائج وانت في بلده بعيده يعني يمكن ماتلاقي حجز وترجع في الوقت المطلوب وتروح عليك باقي الاجراءات ..!! وبعدها تندم .. يعني اصبر وانتظر النتائج وان شاء الله انها بتظهر قريب .. وهذا مجرد راي وانت لك الحريه في اختيار المناسب لك ولمصلحتك .. |
أنا من رائي أنك تسافر وتستانس
وأذا لك رزق صدقني ماراح أحد ياخذه غيرك سوا كنت بالمملكة أو بالخارج ،، |
| الساعة الآن 01:02 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين