السلام عليكم

كيفكم جميع


ودي اسئلكم ما رايكم بوظيفة قهوجي مع العلم انها بقطاع حكومي

تكفووووون قولولي وش رايكم وبكل صراحه مابي احد يجاملني ولا شي

ابيكم تكونون صريحين ومعاي

والله حلو مررة ههههههههه هههههههههههه والله حلوة ههههههههههه انا كنت والله قبلك قهوجي لمدة ثلاثة سنوات كنت اقهوي ضيوف ابوي والله اكثر من اربع سنوات كنو ضيوف متكبرين ولايقدرو الواحد وكنت اقهوي الضيوف ارضاء لولدي فقط امابالنسبة لك والله ممتاز راح تقهوج براتب لين تكون نفسك وتحصل وضيفة احسن منها وترا والله مو متعبة القهوة اكيد رح تقهوي شخصيات مرموقة يحترموك انصحك والله ممتاز لين تلقي احس منها واذلقيت احسن منها كسر فنجايل القهوة انتهي بالتوفيق

فهـد !

طيب وش حدك على قهوجي ؟

يعني وش دارس وش مؤهلاتك ؟؟

قهوووووووووووووجي !؟

والله مارضاها لأخـوي ! بس انت مادري وش ظرووفك ولا وش الي حدك .؟

بس مااقول غير الله ياااااااارب يحق هالشهر الفضيل يمن عليك بالرزق والوظيفه الي تعزك وترزك وتغنيك عن هالبشر .. وماتحوجك الا لوجهه الكريم ..

امييييييييييييييييين

عليكم السلام
هلا والله اخوي
الله يوفقك يارب العالمين بالوظيفه الزينه
اذا تبي شوري
استخير وتوكل على ربك ولا تهتم لكلام الناس
اخوي اذا كنت محتاج فعلا لهذا الوظيفه توظف والشغل ماهو عيب ولا حرام العيب انك تمد يدينك للناس
اخوي صدقني
لا يتوقف طموحك ولا تنقتل احلامك
تقدر توفق بين الوظيفه والدراسه او تكمل تعليمك وحتى ممكن الوظيفه هذا تساعدك انك تفتح مشروع بسيط
وعلى شوي شوي الين الله يفتحها عليك ولا تنسى صلاة الليل والاستغفار
الله يوفقك ويسعدك يارب العالمين
ويرزقك من حيث لا تحتسب
وتذكر وانا اخوك عمر الشغل الحلال مكان عيب

أعقلها وتكل عمر الشغل ماكان عيب

كم عمرك وماهي مؤهلاتك ؟ وقهوجي لمن ؟


الوظيفة عمرها ماكانت عيب ابداً


وعمرنا ماصغر في اعيننا القهوجي ابدن



... كان في شاب طموح كان يدرس في الجامعة والمسا يشتغل في فندق ومرة كان عندهم شخصية مهمة في عمله واثناء عمله طلب من الشخصية دقائق معدودة ليتحدث معه ورحب به الاخر

واخبره انه مااتى لهذه الوظيفة الا لانه طموح ولم يخجل من العمل وتمنى ان يقدم له الشخصية وظيفة مناسبة ليتقدم في طوحه وعمله .. ماكان من هذه الشخصية الا ان تعينه وتفتخر به وتم توظيفة في الحرس براتب لم يحلم به ابدن ابدن ابدن


دعواتي ولعل طريقك يوصلك لطريق افضل وعلاقات افضل

هلا اخوي فهد ترا غيرك ما حصل قهوجي ونا واحد منهم والله تعبت من البحث عن وظيفه شيبت لا زوجه ولابيت ولاسياره والملابس خلها على ربك وباقيلي كم يوم وانجن.
صدقني الشغل ماهو عيب.

[align=center]

اقتباس:

المشاركة الأصلية كتبت بواسطة ريم السعوديه فهـد ! طيب وش حدك على قهوجي ؟ يعني وش دارس وش مؤهلاتك ؟؟ قهوووووووووووووجي !؟ والله مارضاها لأخـوي ! بس انت مادري وش ظرووفك ولا وش الي حدك .؟ بس مااقول غير الله ياااااااارب يحق هالشهر الفضيل يمن عليك بالرزق والوظيفه الي تعزك وترزك وتغنيك عن هالبشر .. وماتحوجك الا لوجهه الكريم .. امييييييييييييييييين

ليه أخت ريم ؟
وش فيها شغلة القهوجي !!
بالعكس ‘‘
’’ شغلة حلوة ومافيها عيب !!
أحنـا ماذبحنـا إلا النظرة [ البيروقراطية ] لبعض الأعمال التي هي في الأساس
رزق من أرزاق الرب الكريم !!
وكأننـا بهذة القناعـة " نعترض على كرم من عند الله "
مهما كانت الظروف والمؤهلات
الوظيفة مافيها شغل عيب !!
ولافيها مدة يد إستعطاف !!
ولافيها أي جانب ممكن يكون وضيع
ولكن نحن بعقولنـا وأفكارنـا الغريبة وأخلاقنـا التي لم نـتـخـّـلقهـا إلا بعد ( نكران الذات )
نصنع منها عمل وضيع !!
بينمـا هي في الحقيقـة أداء كريم !!
وعمل من المفترض أن يكون ذات نظرة وجاهـة !!
وأذكر بالمناسبة كلام المصطفى رسول الله صلى الله عليه :

’’ خادم القوم سيّدهم ‘‘
[/align]

مين قال الشغل عيب؟؟ ..(دايما يقولوها في إعلانات برامج عبد اللطيف جميل)
من جد الشغل عمره ماكان عيب
إتكل على الله
والله إنو الإجتماع بالناس والنظام والحركه كلها فيها بركه
وتغير كثيييييييير في شخصية الواحد
وتفتح لك مجالات كثييييير للتعارف وإكتساب الخبرات
أهم شي إطلع من البيت وجرب تشتغل .. وصدقني مارح تندم