تكفون ابي رأيكم
 

السلام عليكم

اخواني انا انقبلت في الجيش في سلاح المشاه مامعي الا الكفاءه

وكل يوم يجيني واحد من الجماعه ويقووول ابعد عن الجيش وانا عاطل صار لي 5 سنوات :(

وابي رايكم تكفوووووووووووووووووووووووووووووووووووووووووووون

وابي نصيحه لأخوكم

تبي الصراحة !! وبدون زعل تقبلها مني كأخ !!
اللي يقولك أتركها هذا يحسدك
حتى لو على ألفين ولا ثلاث !!
ياخي خل الجماعة على جنب !! ومستقبلك وشغلك على جنب ثاني ‘‘
الحين ماعاد به وظائف بالمتوسط ’’
وصدقني هاللي يقولك ابعد عن الجيش
لو تجيه بكره ناخيه تبي منه سلف دين وترجعه :)
مافزع معك !!
روح توكل على الله وأنفع عمرك بعمرك
الله يوفقك !!

روح توكل الجامعة الحين ماهم لاقين وظائف فما بالك بالكفاءة

عشان كذا روح ولا تفكر بكلام الجماعة وإنت قايل لك خمس سنوات عاطل اش تبغى تقعد أكثر من كذا

روح ومع الوظيفة طور نفسك كمل دراسة ليلي وما تحس بنفسك الا مخلص الثانوي

أعرف واحد ما معه إلا الكفاءة وبعد سنين وهو كبير كمل الثانوية ودخل الجامعة واخذ البكالوريوس

والحين قاعد يحضر الماجستير ما شاء الله

روح الله يوفقك

ترا ماهم بنافعينك جماعتك

توكل على الله وادخل الجيش،،

ماقصرو الاخوان
جماعتك وينهم عنك 5سنين؟؟ تو يطلع حسهم
احمد ربك وفرح امك واهلك بالوظيفه وانفع نفسك ترى الدنيا صايره اعوذ بالله جامعيين مالقوا شي
اصمل وامسكها والله يوققك

رح للجيش ازين ماتقعد بعد زيادة في البيت واذا لقيت شي افضل بعدين رح له .. ام تجلس تحط يد على يد على شان كلام الجماعة وتنتظر بتضيع ..الجماعة على قولتك نصحوا اخوي يدخل بالحرس يقولون ادخل جندي وخل الدراسة طنشهم وكمل وهالحين مبتعث ماستر من الجامعة وبيرجع ان شاء الله ويتوظف ب13الف بدل راتب الجندي 5الاف ان كثرت..

رح توظف بس ياخوي والله يرزقك من واسع سماه.

اخووي ماشاء الله الناس اللي تحبك كلهم كتبوا اجمل الردود

نصيحه من محب روح للجيش وغدا ان شاء الله تتذكر مين اللي يبي مصلحتك ويحبك

بعد الوظيفة راح كل شي يتغــــــر وراح تنسى هالسنوات العاطلــــــة


لاتترددا ابدا رووح و ا لله يفتحها بوجهك

اخوك ومحبك : أسـيــــــــــــــــــ العاطلين ــــــــــــــــــــر

كلامكم على راسي والله يوفقكم

والله يكتب اللي فيه الخير

اخوي في الله
عض على الوظيفه باسنانك
ولاتفوتها
5 سنوات عاطل وش تحتري؟؟

اذا كان لك ميول بالدارسه كمل وافلح
واذا تقول مخي مقفل على قولة بعض الناس
مش امورك
واجمع لك كم قرش
واحلى قرض
وادرسلك مشرووووع العمر
لين يوقف على حيله
واستقاله نظاميه
وصلى الله وبارك
لاتسوي مثلي حصلت لي كذا وظيفه عسكريه وهملتها
بس كانت عندي ظروف وقتها
تحسفت قلت ياليتني واقف باقوى ماعندي ضد الضروف وتوظفت وافلحت مع الناس
الله يوفقك يارب