الحمد لله تم قبولي والحين انا موظف..!!
 

[align=center]السلام عليكم ورحمة الله وبركاته
بسم الله والصلاة والسلام على رسول الله
أما بعد
صحيح كنت مقدم على هالوظيفه قبل لا ادخل المنتدى واسجل فيه وتم قبولي وانا بالمنتدى
هاذا بفضل الله ثم بفضل اخواني بالمنتدى الي رفعو من عزيمتي وعطوني بعد الله سبحانه الأمل بالأستمرار للبحث عن وظيفه بكل جديه ورفعو من معنوياتي
طبعا توظفة في الزامل للخدمات البحريه في رأس تنوره = رحيمه
أممممم أقولكم القصه كيف تم قبولي
قدمة على الوظيفه ولله الحمد قبل كل شيء ياشباب استخيرو الله لاحد يفرط بهالنعمه العظيمه ترى نعمه يمكن كثير غافلين عنها
وجلسة انتظر الوظيفه 4 شهور بس عشان اتوظف وقبل سنتين كنت مقدم على الوظيفه واصريت على هالمجال لاني من مواليد الشرقية واي واحد ينولد بالشرقيه يكون عنده تولع بالبحر وحب البحر
عاد ما اطول عليكم لاني اكثر شخص يثرثر ههههه
بيوم كنت مواصل يومين مانمت وفيني النوم توني حاط راسي بأنام
ويدق علي المسئول عن التوظيف بالشركه بعد تقديمي للمره الثانيه وانتظاري 4 شهور
دق علي مدير التوظيف قالي الاخ ....... قلت ياهلا قال انت معزم تدخل البحر والا هونت قلت له لا بالله اني معزم وقالي ايها اكثر من مره وانا الحيت عليه اني معزم قالي يا اخ فلان جيب صوره من شهادتك مختومه من ادارة التعليم و6 صور اعتقد شخصيه ولازم توقع غرامه في حال انك بتطلع من الشركه قبل سنتين 30 الف ريال
لانه التدريس بأرامكو تقريبا 21 الف لمدة 3 شهور
ووافقت واول ماقفلت خدودي صارت كاني صلصه العلالي حمروو من الفرحه وطار النوم وبديت افكر ومنلحس من الفرحه :"))
وسويت كل اوراقي ولله الحمد شركه مره حلووه و ماخاب من استخار الخالق وصدقوني اني مبسوط كثير
ويكفي ادارتي سعودية وكلهم محترمين ومعاملتهم جدا محترمه لسعودين وطريقة المعامله كانه اخوانهم
يمكن في بعض القصور بس انا ما الوم اي مسئول توظيف او مدير لانه يتعرض لضغط وجهد كبير في العمل يعني زيه زي اي انسان يخطي ويصيب وخير الخطائين التوابين

الفضل يعود لله سبحانه جل جلاله ثم لتماسكنا في هاذا المنزل كاسره واحده كل منه يدعم الاخر ويحاول اي يعطيه بعض من الامل الذي اكتسبه

وشكرا لكل فرد في هاذا الموقع والقائمين عليه

آخوكم القبطان نامق الدوسري (( نامق أسم مستعار احبه كثير ))



[/align]

ماشاء الله

مبارك يارب

وبالتوفيق دنيآ وآخره

:)

مبااارك عليك اخووي الوظيفه ...

والله يرزقك اضعاااف ما تتمنى ويسخر لك الخير كله ...

الف الف مبروك

ماشاء الله تبارك الله
الله يعطيك خيرها ويكافيك شرها وتتهنى فيها ياارب:)
وفعلا الصبر مفتاح الفرج :)

ألف مبرووووووووووووووووووكـ، أخوي نامق
ومايحتاج تشرح لنـا نامق أشهر من النار على علم
بالتوفيق أخوي
والله يوفقك دنيا وأخرهـ

مبروك والله يوفقك وتتحقق امانيك :)

ما شاء الله ألف مبرووك
الله يوفقك ويجعلها وجه خير عليك

الف مبروووووووووووووك

ماشاء الله تبارك الله ,,
مبررررروك ألف مبروووووووووووكـ..
الله يكتب لك الخير