|
محاورة بين بدوية وحضرية
هـُـنا ننثر شيئاً من روائع الشعر الشعبي القديم والذي يحمل بعضاً من الفكاهة وإليكم هذه الرائعة القديمة وهي عبارة عن محاورة بين فتاتين جامعيتين بدوية وحضرية يُـقال أن الحضرية نعتت البدوية عندما مرت من أمامها وقالت شوفوا البدوية فما كان من البدوية إلا أن هاجت شجونها وفاضت قريحتها وقامت بتجهيز هذه القصيدة وفي اليوم التالي قدمتها للحضرية http://www.al-hora.net/images/smilies/1/d879546947.gif تقول وش عاد لـو قـلـتـي علـى بدويــه ** ايـه بدويـه واعشـق ا لبـل والخيــل اهلى هل النخوات واهـل الحميـة ** واهل الحطب والنار والبن والهيـل واهلى ترى يا ملعلمه يا حضريه ** اهل الـدلال واهل سكـب الفناجيــل ديـوانـهـم مــازيـن بـمـزهـريــة ** ولا زين بعض الصور والتمـاثيــل زيـن بسيـف وخنجـر وبـنـدقـيـه ** في مجلـس تطيـب فيـه الـتعـاليـــل وان كنتي ما تدرين لـدّي عـليـــه ** في كلـمـه مافيهـا شـرح وتـعـليـــل سمعتي وش قالت وفاء الشمريــه ** سمعتـي وشهو رد بنت الرجاجيــل فحنا هل النخـوات واهـل الحميـه ** واهل الدِلال الصفر واهل المعاميل حـنـا مـعـادنـا ذهـب يالـغـبيــــه ** يفـخـر بنـا جيـل بثـرجـيـل وجـيـل وردت الحضرية بالأبيات التالية http://www.al-hora.net/images/smilies/1/d879546947.gif تقول ايه حضريه وبافتخر بالحضريه ** وما همنـي يالـطيبـه وش تـقـولـيــن طبعي كذى هادي ماحب الاسيـه ** وانـتـي مـع كـل حـرف تـزومـيـــن اش فيـك يابنت الـبـدو يابدويــه ** دايـم من اسبـاب الحضارة تـعـانيـن ليش التكبـر فيك والـغـطـرسيـه ** احـجـب عـيونـك عننـا مـاتـشـوفيـن حـنـا تـراه عـلـومـنـا سـوسنيـه ** وش عاد لـو انا من ذوات البسـاتيـن وان كان ندمح زلتـك مـفـهـميـه ** لا تـحـسـبينــه خـوف ولا تظـنيـــن حـنـا تـرى عـوايـل اجــوديـــه ** نغلي البساطة ونعشق الطيب واللين حـنـا تـرى ولا تـرى يـا آدمـيـه ** روحـي مـا عـاد يهـمنـي ماتقـوليــن وقد انتشرت هذه المحاورة انتشاراً واسعاً في وقتها |
محاورة عنيفة اقصد جميلة اخوي رميزان :d
وكلهم فيهم الخير والبركة البدوية والحضرية :)>>لا يكثر يالبدوي :d الف شكر لك رميزان |
زين انها انتهت علىكذا ماتماسكوبالروس هههههههه تحياتي لك ياسعادة الوزيرعلى مرورك المشرف
|
الله الله .. صحت السنتهم ولو انها مكسره .. :d يعطيك الف عافيه يارميزان على نقل هالمضاربه قصدي هالقصيده .. :d تحياتي .. |
محاورة جميلة
يعطيك العافية رميزان ع المجهود الرائع |
اقتباس:
تكفا لونك قريب منهم كان فكيت النزاع بينهم اوقمت بدوربدرصفوق:d مشكورعلى مرورك يالغالي |
اقتباس:
الاخ صعفق تحياتي لك ولمشاعرك النبيله تسلم على المرور |
ههههههههههه
قصيدتهم مرره حلوه وكل وحده ردها ماشاءالله قوي ع الثانيه يعطيكـ العافيه |
اقتباس:
عز الله انها صدقت بنت الاجواد << تحس انها في مسلسل بدوي :d يعطيك العافيه اخوي على الاختيااار .. أعطر التحايا . |
اهلى هل النخوات واهـل الحميـة ** واهل الحطب والنار والبن والهيـل
حـنـا تـرى عـوايـل اجــوديـــه ** نغلي البساطة ونعشق الطيب واللين تحياتي |
مشكورين كلكم يالغالين على مروركم
|
| الساعة الآن 11:40 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين