|
الماجستير
السلام عليكم ورحمة الله وبركاته
ابي اسال الله يجزاة خير اللي يرد هل الدراسه للماجستير رساله او مواد انا سمعت ان فيه دراسه مواد بس ووين باي جامعه لان انا معي بكالوريوس عوم حاسب وابي اكمل ووين تنصحوني اكمل فيه |
عندك جامعة الملك عبد العزيز والملك سعود افضل جامعتين بالمملكه
عسا ربي يوفقك |
شوفي حبيبتي .. فيه نوعين من الماجستير ..
1- ماجستير عادي ..يكون فيه برساله او مقررات دراسه ويون الدوآم صبآحي ويكون فيه مكأفأه 2-ماجستير وآزي ..يكون بدون رساله فقط مقررات والدوآم مسائي وماراح يكون فيه مكأفأهـ بتسألين وش الافضل .. اكيد العادي .. أفضل جامعات الملك سعود ..الملك عبدالعزيز ..اذا اضطريتي الامآم نصيحه كملي بمجآل الحآسب ماجستير لكن بقسم غير التقديم بشهر ذو القعده وفيه بجامعه الامام وجامعه الملك سعود انتي خليك على اطلاع على موقع العمآده تبع الجامعه اللي بترسين عليها بالتقديم .. والله يوفقك حبيبتي .. :) |
الله يوفقك
|
نصيحه من شااايب اختتاري نظاام الرسااااله .. افضل الف مره من الموااااد
والله يكتب لك الخير كله |
وش الفرق يعني ؟
غير الدوام والمكافأة هل هذا بيأثر على القبول في الوظيفة مستقبلاً ؟؟ وهل اللي يعدي سنة بنجاح يقدر يحول عادي مثل لو صار له نفس الوضع في الانتساب ؟؟ |
طيب يا اخوان متى التقديم للماجستير في جامعة الملك فيصل للبناااااااااااات...
اتمنى الرد علي بسرعه... |
السلام عليكم صباح الخير ...
حابه اسال سؤال يمكن انه دايخ شوي وغبي بس ماعليه انا اخر سنه بالكليه بس معي ماده واتخرج يعني مادة حمل ... ان شاء الله اختبرها 18-10 والوثائق ما ادري متى بتكون احتمال بشهر 12 ( على حسب كليتنا المروحه المزاحميه ) اقدر لو نجحت اخذ معي افاده باني ناجحه وصوره من السجل الاكاديمي لاخر سنه دليل اني نجحت واقدم فيها في الماجستير ... وتنصحوني اذا خلصت اختبار اخذ معي توصيات من الكاتره اللي درسوني .... |
اقتباس:
عاد التحيل هذا من العماده لكن فيه امكانيه تحولين وهذا والله اعلم بالتوفيق حبيبتي |
ماهمني اخر تقديم قدمنا بالسجل الاكاديمي ..يعني الافاده بتضبط ..والسجل برضوو
طبعاا اكيد من شروط كل الاقسام توصيتين وبعضهم يطلبون ثلاث على حسب القسم |
طيب يا أخواني ممكن تدلوني على جامعات بالانتساب حتى لو تكون مدفوعه لكن طلباتهم معقوله
يعني بدون توفل وجيمات وخرابيط؟ وشكرا |
بالتوفيق
|
برق العواصف الله يسعدك دنيا وآخرة على الاجابة
واذا ممكن بس ابي اعرف لما اشوف في مواقع بعض الجامعات مسائي المقصود فيه الموازي صح ؟؟ وشكرا جزيلا |
اقتباس:
|
موفقه اختي
|
شوفي حبيبتي انا معي ماجستير وبقولك نظام الدراسه فيها عشان تكونين على علم
في جامعه سعود والامام النظام كالتالي نظام مقررات ورساله طريقه دراسة المقررات هو عباره عن مواد دراسيه حضور محاضرات وهذي المحاضرات عباره عن جهد شخصي من الطالبات باعداده يناقشها الدكتور مع الطالبات وعلى اساسه تعطي درسه اعمال السنه يعني انتي طول الترم كرف تخلصين من اعداد محاضره وتدخلين في حوسه محاضره ثانيه لماده ثانيه طبعا المحاضرات عباره عن جمع معلومات واحصايات يعني طول الاسبوع انتي بالمكتبات وتخيلي من 5الى 7 مواد بالاسبوع وكل ماده 2 او 3 ساعات وبنهاية الترم في امتحان نهائي الخبر المؤلم بعض الدكاتره ماله مرجع معين تدرسين منه يعطيك المفاهيم وانتي وشطارتك تاكلين الكتب اكل عشان تجمعين معلومات وبالاخير يجيك سؤال عجيب يطلب منك تعطين رايك والاسباب عن شي معين بعد الدراسه المقررات تجي الرساله وما ادراك ما الرساله يجيك دكتور اما عجيب او اعجب من العجب لو حصلتيه عشان تقدرين تناقشينه يكون ذاك اليوم امك داعيه لك تجلسين شهور عشان تخلصين فصل ولا فصلين طبعا طبعا اصعب مرحله تحديد الاهداف واسئله البحث هذا بعد معانا اختيار الموضوع لو كان بحثك ميداني يا سلااااااااااااااااام مايسوى عليك الملطشه الي بتحصلينها بعدها بعد ما تخلصين تراكضين وراء المشرف يحدد لك وقت المناقشه يعني تاخذين سنه ونص بكتابه الرساله هذا طبعا لو كنتي محظوظه وليقتي مشرف متعاون كان معي بنات اجتازو المقررات ولا قدرو يجتازون الرساله لانتهاء المده او انسحابهم لانهم تحطمو هذا النظام عندنا حبيبتي الماجستير مو سهل ابداااااا يعني الي يدخله لازم يكون متاكد انه قد الخطوه هذي الله يوفقك الجميع |
أنا أحمل الماجستير وعاطل
النظام دراسة مابين 10 ساعات ورسالة النظام الثاني دراسة 12 ساعة إلى سبعين ساعة ورسالة نصحية إذا حصلت على وظيفة توظف وأترك الدراسة التي لاتقدم ولاتؤخر خاصة في بلدنا |
| الساعة الآن 02:43 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين