ضروري طلب المشورة (مان ديفان)
[align=right] السلام عليكم ورحمة الله وبركاته كل عام ونتم بخير وعيدكم مبارك
نخش عالموضوع اخواني واخواتي حبيت أسألكم عن مان ديفان تبع عجلان واخوانه وش رايكم فيه لاني صراحة ادور على وظيفة مسائية وأنا صراحة محتاج وظيفة ونصحني بها احد الاقارب ويقول ممتازة وراتب ثابت من الموارد البشرية وانت الي تديره بالاضافة 15 % من الارباح لك وانا حاليا اواصل الدراسة وهي مناسبة جدا لي بحكم الدراسة صباحا والحلو اني انا ادير المحل يعني انا المسؤول المطلوب نسبة من الارباح المباعة فعليا لكن هناك سلبيات:
وطيب والفايدة يعني كل ستة شهور لازم ادبر المصاريف كلها والمشكلة اذا مثلا خلاص ماتبي بطلت يقولك تدفع القرض؟؟!!! طيب اي قرض القرض اخذته زبطتو فيه محلكم ديكورات وبضاعة خلاص خذوه لكم يقولك لا ادفع القرض وناخذ المحل ؟؟؟ طيب ادفع على ايش ؟؟ الفايدة فقط 15 % بالله وش تسوي يعني هل 15 % راح تسوي شي كثير ولا استغلال! والمشكلة كل شوي افكر فيها اقول ياولد راتب ثابت ولاهي شركة تزعجك انت تداوم على رواقه ولايكون فيه ضغط ومناسبة بحكم الدراسة وراتب حليو لكن كله راح يروح ؟؟ انتظر ارائكم وردوكم لاني قاعد افكر فيه مرة yes ومرة No!! [/align] |
لاتاخذه لان البضاعة فاشلة والمبلغ عالي
تحياتي |
عزيزي ...
لقد قمت انا بسؤال احد الاخوان الذي قام بشراكه معهم حديثا ,,,, وافادني بالاتي 01 إذا كنت احد المتعالمين مع شركه عجلان سابقا فإنهم يقومون بعمل ديكور المحل لك .. ولاكن تقوم بسدادها على فترات تتم بإتفاق مسبق بينكم ,, 02 إذا كنت انت جديد التعامل معهم فإنك تقووم بشراء الديكور منهم مقدما وحسب ماقال لي ان سعر المتر من الديكور لديهم 700 ريال ؟؟ 03 تقوم الشركه بتنزيل البضاعه لديك وهي على التصريف .. 04 تقوم الشركه بربط المحل مع الشركه وذلك بجهاز كمبيوتر لمعرفه مدى البيع والشراء في المحل .. 05 إذا تمت خساره للمحل فإذا كنت قد اخذت الديكور بالاجل فتقوم بسداده وهم يقومون بأخذ بضاعتهم بعد ان تسدد المبلغ .. اما إذا دفعت قيمت الديكور فإنهم يقومون بأخذ بضاعتهم وانت تتصرف في الديكور ... 06 يشترط ان لاتدخل في المحل غير بضاعتهم والتي هي على حد علمي لاتسوى ومبالغ في سعرها .................. يقووول انه تورط معهم وبضاعتهم في العيد لم تمشي بالشكل المطلوب .. اتمنى انني افدك ولك التحيه .. |
اقتباس:
اقتباس:
و مالك حق ابد اذا تنازلت تدفع يعني تدفع هذا كلام احد موظفينهم اللي كلمتهم طيب رايكم اسحب عليهم خصوصا اني ماحصلت وظيفة مسائية او جزئية ولا كيف؟ ننتظر الاعضاء الكرام |
أولا / كل عام والجميع بخير وعيدكم مبارك باذن الله.
ثانيا/ من وجهة نظري المتواضعة بأن المشروع فاشل لأنه يعتمد فقط على موسم الأعياد وخاصة عيد الفطر وأيضا لأنه ليس من المشاريع الأستهلاكية مثل الأكل ومواد النظافة والبلاستيك والأشياء الخاصة بالسيارات والتي لاتعتمد على موسم معين وسبب آخر وهو وفرة المحلات التي تبيع الملابس الداخلية للرجل. هذا والله أعلم |
طيب أخوي ماحددت كم الراتب الثابت اللي تستلمه من الموارد البشريه .؟
لان الصراحه ماعجبتني سالفه لك 15% من الأرباح :confused: وأنت اللي تتحمل فواتير وديكور .. الخ :do5h: |
اقتباس:
صراحة كلامك مضبوووط يجب ان يكون المشروع من المشاريع الاستهلاكية التي لاتعتمد على المواسم مثل ورش السيارات :rolleyes: ومشكور اقتباس:
الله يعين بس شفتي كيف القهر 15% طيب خلوها 40 :Thumbs_down: شاكر لكي |
الله يعيننا عليهم
|
قرأت تفاصيل المشروع في جريدة اليوم
واتصلت عليهم ولاكن على ماأعتقد أن المشروع فيه مغامرة غير محسوبة لان يوجد قرض بقيمة 100 الف ريال يجب عليك السداد مع وجود كفيل غارم يتمنى الشباب الحصول على فرصة لصيبح رجل اعمال كما قرأت في الاعلان حتى تصبح رجل اعمال يجب تورط نفسك في ديون وقروض مع بنك التسليف وتقعد طوال حياتك تسدد وشركة عجلان تتفرج عليك ومشاريعها لاتتوقف وممكن تدخل السجن بسبب احلام خيالية مع شركة عجلان |
انا انصحك تتجه وتعمل مشروع لحالك افضل
|
طيب اللي يقولون فاشل ............ وش سلبيات المشروع .......؟؟؟؟؟؟؟؟؟؟
|
من وجهة نظري المشاريع الرجالية فاشلة , لو أنها نسائية يمكن زينة ..
موسمك بالاعياد فقط |
السلام عليكم ورحمة الله وبركاتة
نصيحه لاتقدم ولا تغرك تقول راتب 3000 من صندوق الموارد البشرية بعدين لاتنسى شرط لازم تحضر كفيل غارم وهذي مشكله كبيرة يعني لاقدر الله والمشروع مازبط معك بيصير الكفيل يدفع التكاليف ولك التحية خارج النص( انا ماعرف احد خش المشروع هذا ) واذا كنت في جدة او رياض انصحك بستخراج سيارة اجرة فيها خير كثير |
راتب 3000 ريال ..
اجار المحل لا يقل عن 15 الف بالسنه = 1250 ريال بالشهر القرض 100 الف لاادري كم المده للسداد لكن اعتقد بتسدد من 1000 الى 1500 بالشهر .. !! + فواتير كهرباء 100 - 200 بالشهر سؤال ؟؟ كم يبقى من الراتب .. !!! ... ولا شـــي بالعربي هم موظفينك بالمحل عشان تدفع الايجار والفواتير وتسدد قيمة ديكور محلهم .. وتبيع بضاعتهم وتآخذ 15 % بس .. اللى هي بالاصل رافعين قيمه البضاعه عشان يعطونك منهاا .. وفكر كم يجيك في الشهر .. لو جاب لك المحل 3000 في الشهر .. راح تآخذ 450 ريال بس !! نسبه ارباح لك لانك جالس بالمحل ليل نهار وتشتغل وترتب وتبيع .. هذا رايي بالمشروع .. وتقبل تحياتي |
اقتباس:
نفس الكلام واعرف واحد حسبها صح وانسحب في اخر لحظة قبل لا يتورط معهم وترى دخلها بشكل عام ضعيف مقارنة بتعبها وخسايرها |
اقتباس:
اقتباس:
اقتباس:
اقتباس:
وجزاك الله خير اقتباس:
وجزاك الله خير اقتباس:
وزي ماذكرت لو جاب المحل 3000 لك 450؟؟!!! وجزاك الله خير وانا خلاص بطلت المشروع لما فيه من استغلال وظلم واشكر الجميع صراحة لما وجدته من تفاعل ولكم خالص شكري وتقديري :Thumbs: |
الساعة الآن 01:59 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين