مقابلات لوظيفه محاضره بجامعه نوره
 

انا عملو لي مقابلة ...
ايش قسمك عشان اقدر افيدك اذا هو نفس قسمي؟

التربية وعلم النفس

لا انا انجليزي
بس كانت أغلب اسألتهم عن المواد اللي درستها وكم جبت فيها
سالو عن مشروع التخرج بحكم انه عندنا مشروع تخرج لازم تعملينه قبل ما تتخرجين
سالوني عن اشياء في شخصيتي وقامو يخذون ويعطون معي بهالموضوع
اهم شي عندهم الثقة بالنفس ويحسوون انك انسانة مسؤولة وشخصيتك قوية حاولي قد ماتقدرين ماتبينين خوفك
ايه صح وروحي جاهزة ولابسة ومترتبة لاتحطين في بالك انو عبايتك عليك لانو في وحدة من البنات قالو لها ليش مافكيتي عبايتك ورينا وش لابسة...
بصراحة كان تركيزهم على نوعية الاسئلة يختلف من بنت لبنت؟؟ يعني انا ركزوووووو مرة على المواد مثلا قالو لي المادة الفلانية ايش اختو فيها وكيف وتكلمي عنها وانتي وش رايك فيها هل استفدتي منها او لا ومن هالكلام..
اتوقع انتي بيسألونك عن مواضيع تختص بعلم النفس فتجهزي كويس وبيسألونك ليش اخترتي هالقسم من البدايه
->ايه صح هذا اهم سؤال حاولي اجابتك تكون مقنعة وراح يسألونك ليش اخترتي جامعة نورة بالذات ؟؟ وبما انك تربويه بيسألونك كيف راح تتعاملين مع البنات في مواقف مختلفة وراح يضربون لك أمثلة... استعدي لكل هالأسئلة
الله يوفقك ويسهل عليك ولا تخافين مافي شي يستاهل
بالتوفيـــــــــــــــق

مشكوره حبيبتي ربي يوفق الجميع

الله يوفقك اختي ويسخر لك الخير من حيث لا تحتسبي

خلااص يوم الاثنين بالليل بندخل على قسم مبرووك حتى نباارك لك ..

شدي حيلك ومعك وقت ترااجعي نفسك وتستعدي

موفقه ياارب

الله يوفقك ويساعدك أختي
والله يجعلها من نصيبك

الله يوفقك عزيزتي ..

إذا كنتي قد أجريتي مقابلة من قبل .. فخذي في الحسبان جميع الأسئلة التي تعرضت لها

وحاولي تجاوبين عليها ..

إذا أمكن أن تتعرفي على بعض الأخبار الحديثة في مجالكم يكون أفضل

وحاولي إذا لم تكوني متمرسة للتحدث باللغة الإنجليزية .. أن تضعي لنفسك تعريف شامل باللغة الإنجليزية

وتتدربي عليه ( مثل الاسم العمر الهواية سنة التخرج الطموحات الدورات ... وهكذا )

والله يعينك أولا وأخيرا .. وصدقيني لكل مجتهد نصيب فلا تخافي ولا تتوتري ..

حبايبي الحمد خلصت المقابله وانا مرتاحه من ادائي الحين طالبين مني اعطي محاضره لمده نص ساعه

وطالبينها تربية اسلاميه ؟؟؟ مو تخصصي لكن زي ما تقولون يمكن قياس قدرات

قالو باي موضوع لو فيه احد عنده موضوع او محاضره كامله بالتربية الاسلاميه عشان ارجع لها اكون شاكره

بالتوفيق الله يسهلك يارب