|
فتح كشك اكسسوارات بمول تجاري.
السلام عليكم و رحمة الله أخواني وأخواتي أعضاء هذا المنتدى الجميل أتمنى إني استفيد من خبراتكم المتنوعة أنا بصراحة أفكر بمشروع فتح كشك اكسسوارات وشنط بمول تجاري بجدة . المطلوب : أبي رايكم ، مساعدتكم ، كم بيكلفني المشروع ؟ كم بيكلف ايجار الكشك في مول تجاري بجدة؟ كيف أخطط له ، من وين أجيب البضاعة ، و كيف بتكون المداخيل ، أجيب البضايع من ( السعودية و دبي ) و الا من برا ( الصين و تايلند ) كيف ممكن أحصل على تصميم كشك ، وووووو الخ ، اي شي ما جيبتوه بأسئلتي ، تكفووووووووووووووووووووون ساعدوني و جزاكم و جزى والديكم الجنة قولوا ( آآآآآآمين ) با نتظار ردودكم أخواني و أخواتي في حفظ الله |
بالتوفيق لك .
|
سبحان نفس الموضوع كنت افكر فيه
|
شاكر لكم مروركم
|
والله ياخوي ماجد
اذا تبي اكسسوارت شنط جولات تقليد ماركات عالميه عليك بقطر والامارات خذها بسعر الجمله تمشي معك حلاوه بس الاجار هو للي ضربه وهو ع حسب المول يعني لو راقي الكشك 100 سنه اقل او يزود مجمع عادي 60 الف اقل او يزود |
اشكرك أختي بنت الطنايا على المشاركة ..
تحياتي.. |
جيب الشنط والأكسسوارات وشوف لك موزعين وارتاح من الأجار وعوار الراس
|
جدة أقرب وأسعار جيدة
وفقك الله |
شاكر مرورك الكريم مشرفنا العزيز..
وبانتظار مشاركاتكم. |
حبيبي ماجد .. ترى ايجار المولات يهد الحيل ..
تقدر تستورد وتصرف البضاعة مثل ماقالت احد الاخوات .. بدون ايجار وبدون وجع راس بس اهم شيء تقدر تصرف البضاعة .. لان اي شخص يقدر يستورد بضاعة لكن المشكلة في التصريف ... بالتوفيق |
اذا جبت بضاعة راقية انا مستعده اخذ منك واصرفها احنا الحريم نموت في الاكسسوارات والشنط والساعات
|
مشكورين على المرور
|
بيع الاكسسورات من انجح المشاريع
فمساحة المعرض في الغالب تكون صغيرة لكن التصريف يكون بشكل كبير جداً لكن تحتاج إلى بائع او اكثر يكون نشيط نشيط نشيط و لا تشيل هم البضائع لان الموزعين سوف يصلون لحدك و يطلبون منك عرض بضائعهم و لا تفكر في السفر للخارج من اجل الاكسسورات الرخيصة فسوف تجدها في جدة ارخص و اسرع في التصريف لكن لو رغبت في اكسسورات غالية و ذات قيمة و شركة فيكون لك حق في التفكير بالخارج لان مصاريف السفر سوف تضيفها على قيمة البضائع يعنى لو احضرت بضائع بـ 100000 ريال و كلفتك الرحلة 10 ريال فهذا يعنى انك اضفت 10% تقريبا مصاريف إضافية لكن لو اشتريت بضائعك من جدة فسوف تكون وفرت على نفسك هذه العشرة في المئة و في نفس الوقت تكون بضائعك تحت التصريف او بشكل ادق لم تدفع كامل قيمتها دفعة واحدة |
هههههههههههههههه يسعد لي مسائكم انا والله ما ضحكت عشان الموضوع ولا عشان التعليق ما شاء الله الفكره روعه والتعليق ما قصروا الشباب بإلي عندهم ولكن مره صار فيني قصه وهي دخلت انا وقريب لي سوق ندور لأخته غرض <<<<<<<<ناسي اسمه خخخخ لا احد يفضحه المهم فرينا كل المحلات قالوا ما فيه إلا الحجم الصغير ودخلنا المول إلي جنب هالاسواق وحصلنا المطلوب ولكن للأسف شوفوا الفرق في المحل العادي قال لنا بـ 10 ريال اما المحل إلي في المول قال لنا 45 ريال ههههههههههههههههههه والله يا شباب انها مثل بعض ولا فيه فرق سالنه وش الفرق بينك وبين المحل إلا برى قال احنا ماركات وهم تقليد المهم ضحكنا معه شوي ومشينا يعني يا الغالي لو فكيت بمول انت الكسبان بإذن الله ولا تخاف الشئ تشتريه بـ 5 تروح تقول لهم ماركه تبيعه بـ 45 او 50 ريال وعلى فكره ما احد يقول لا تكفى نفص لي ريال ولا ريالين ما فيه إلا كاش اعذروني على الاطاله |
| الساعة الآن 01:17 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين