حلول البطالة Unemployment Solutions - إشاعة المؤسسة العامة للمواني!!

بسم الله الرحمن الرحيم

في البداية أحب أن أقول أن المقال واضح من عنوانه لكن للأخوان اللي يبون تفاصيل أكثر يتفضلون

أقول رحت اليوم الأثنين بعد صلاة الظهر في حدود الساعة 12:15 للموسسة العامة للمواني وعند دخولي للمبنى توجهت للأستقبال وسألت الأخ ومعه كان حارس أمن عن مكتب شؤون الموظفين ؟
وعلى طول سئلوني إن كان سبب سؤالي هو التقديم على الوظائف ((للعلم ما كان معي أي أوراق أو حتى ملف ))
قلت لهم نعم , وأتمنى أعرف وش الوظايف المتوفرة عندكم ومسمياتها واللي تناسب مؤهلات الجامعي أوالدبلوم ؟

قالوا لي ماعندنا أي وظائف :confused: وهذا إشاعة في النت ولو كان فيه راح تكون عن طريق الديوان
قلت لهم طيب يعني لو أراجع الديوان أحصل وظائفكم المطروحة هناك أو لا ؟

قالوا لا في الديوان ولا عـــنــــدنـــا مـــــــافـــــيــــه وظـــــايــــــف [mark=#FF0000]حالياً [/mark]

ولا أقول إلا حسبي الله ونعم الوكيل والله يرزقنا بخير منها
ونحن نحسن الظن في الأخوان اللي نشروا الخبر لكن عليهم يتثبتوا مرة ثانية قبل النشر !!!
لأنه والله العظيم أن هذا اللي صار وهذاالحوار اللي حصل ((بتصريف بسيط))

الأخوان يقول هذي إشاعة في النت

أما بنسبة للأخوان اللي يسألون عن موقع المؤسسة العامة للمواني في مدينة الرياض ؟

بعطيكم وصف منتم مضيعنه أن شاء الله ;)
الطريق الأول : طريق الجامعة لما يتقاطع مع شارع الفرزدق تمسك طريق الفرزدق و عند أول إشارة حقة معهد الإدارة تروح يسار وتطلع مع الكبري ((للمعلومية يكون تحتك طريق الملك عبد العزيز )) بعد ما تنزل من الكبري أول إشارة اللي هي إشارة طريق عبد الرحمن بن عبد العزيز تلف يسار ((يعني تمسك طريق عبد الرحمن )) بعدها بمسافة بتحصل المؤسسة على يدك اليمين ومبناها واضح مرة

الطريق الثاني : للأخوان اللي جاين من طريق خريص يمسكون شارع الضباب(( اللي هو عبد العزيز بن مساعد بن جلوي )) جهة الجنوب بعد ما تتجاوز الغرفة التجارية ((تكون الغرفة التجارية على يدك اليسار)) بعد ثاني إشارة تدور فوق تحت ((جهة الشمال)) تحصل المؤسسة على يدك اليمين

^
^
^
^
^
^
^
^
^
^
^
غطى على أبو شرارة :)

والسلام عليكم ورحمة الله