بنات شباب تعالو استشارة بمشروعين ابي رايكم؟
 

السلام عليكم ورحمة الله وبركاته

في مشروعين اي واحد اضمن انه ينجح بدون مغامر انا زميلاتي:

1- مشروع بوفيه بوسط حي نشط سكانيا على شارع فرعي يطل على شارع عام اتوقع ايجاره 60 الف بالسنه(افكر ان بصندوق المئويه انه يدعمني)...هالمشروع بنتشارك فيه 3 انا وزميلاتي هل يقبلون بهالشي صندوق المئويه
2- مشغل خياطه منزلي بعاملات سعوديات(هذا احتمال انفذه بس اتاكد من نجاحه لان راس ماله 20 الف مقسم على 3=6666 من كل وحده منا)...هالمشروع بنتشارك فيه 3 انا وزميلاتي

---------------
بناقش المشروع الاخير لان راس ماله بسيط ونقدر نوفره الان جمعنا 10 الاف باقي 10 الثانيه.. انا اتفقت مع اثنين من زميلاتي خريجات معهد خياطه وفنانات ونشيطات يعني اي قطعه بجيبها لهم يسوونها بس متوقع فساتين سهره ينفذون لكن لنا محاوله لاكتشاف هالموهبه يمتلكونها او لا...المهم انا على الادارة والتسويق وتطوير المشروع للافضل وهم عليهم العمل بس شغلهم حاليا مراييل مدرسه ودراعات بجايم نوم وطقم خدم طقم مناشف وارواب حمامات ومراييل روضه...ابي افكار خياطه ومطلوب بالسوق ومحلات اخذ منها افكار حتى اطلع عليها البنات مو عشانهم زميلاتي...لكن عندهم مواهب واحب اطورها واميز مشروعنا عن الغير....الشي الثاني المشروع بشقتي عندي غرفتين ودورة مياه اعزكم الله للاستقبال مستخدمهم فبخلي غرفه للعرض ومكتب..وغرفه معمل الخياطه...المراييل تعرفون طلبها موسمي فقط بداية كل ترم..ابي اطلع ربح لي ولهم لاننا جميعا من ذوي الظروف الخاصة مطلقات ومسؤولات عن اسرة لا تقل عن خمسه وماعندنا دخل مادي غير الضمان الاجتماعي فنحتاج اننا نحسن دخلنا ...

سمعت عن مشروع الاسر المنتجه التابعه لضمان بس كن الموظف قالي اذا نجح مشروعك سوف يتم انزالك من الضمان فخفت اغامر ويجي يوم ويصير ظرف واتوهق لو تخلو زميلاتي لسبب خارج ارادتهم ودحدر المشروع ووبدا يخسر لسمح الله(تجهز العصابه قبل الفلقه :) )

انتم وش رايكم اي المشاريع اضمن وتكون نسبة نجاحه عاليه ويرد راس المال بفترة زمنية قصيرة او معقوله

ما شاء الله لا قوة إلا بالله
في البداية عليك بالمشروع الثاني وهو المشغل لأنه من مواهبك أنت وزميلاتك
وإن شاء الله مستقبلاً تستطيعون أن تفتحوا المشروع الآخر

وفقكن الله

الثانى افضل بكثير بس بشرط ايجاد مصممه ازياء ممتازه

أولا : أختار لك المشروع 2 .
ثانياً : صندوق المئوية يسمح للشركاء في المشروع .
وبالتوفيق لكم .

انا مالي بالخياطه درست اشغل وقتي لكن مو من مواهبي او هوياتي...درست شهرين وطلعت لاني مالقيت نفسي بهالمجال من هالدورة تعرفت على هالزميلات انا ميولي حاسب الي واطقطق بالتصميم...لكن مشروع زميلاتي انا من النوع اللي جدا اتخوف من الفشل لان مو بالساهل اجمع راس المال ثم اخسره.... وانا مضمن مدى حماسهم للموضوع تعرفون البعض يكون بالبداية متحمس ثم يطفا وانا من باب المساعده دخلت معهم كشريكه بدل ماني جالسه فاضيه...لكني افكر باطفالهم من بينتبه لهم ومن بيودي زميلاتي ويجيبهم لان كل وحده منا بحي انا شفت قطعتين من عملهم صح شغل عدل بس لازم يكون عندهم موهبة التصميم والتطوير مو بس التقليد والخياطه.

بالنبسه لزميلاتي يبون المشروع الثاني بالنسبه لي انا ابي المشروع الاول لانه بموقع شقق مفروشه ومافي اي بوفيه قريب من هالشقق الا بالسياره وهذا المشروع هو اللي انا متحمسه عليه لانه مضمون وكل وحده بتنتبه لبيتها وعيالها ما تنشغل عنهم...انا تفكيري بالاول والاخير ينصب على الطفل اني ما اقصر بواجباتي كام ومربية لهم خصوصا اللي ليس لاطفالها احد بينتبه لهم..ما اخلي الحاجة تشغلني عن طفلي لان دور الام كبير ومهم بالنسبه لطفل صعب الام تنشغل عن طفلها بمشروع ياخذ وقتها وجهدها احس ان هنا نظلمهم...وانتم وش رايكم معي حق او لا؟هل مشروع البوفيه مضمون للي مثل وضعنا بالتوفيق