ياعالم ضاقت علي بمارحبت
 

السلام عليكم ورحمة الله وبركاته
ياعالم متضايق حيل انا جامعي تخصصي مرغوب ماتركت ولا باب شركه او اداره حكوميه إلا ودقيته ولاكن بدون فايده الحاله النفسيه زفت واخلاق مقفله ومهموم اكثر لاني زعلت ابوي مني بسبب ها الوظيفه اللي مادري وينهي والله العظيم شايل هم زعل ابوي لاني حسيت اني زعلته كثير لانه صار يرد علي ويشرق بريقه علموني وش اسوي تكفون والله العظيم مو قاصد ازعله بس كله من الكبت اللي فيني وفي غير شعوري صرت ارد عليه واقارن بينه وبين الناس اللي كانو معه همه وين وهوه وين وحسيت اني زعلته كثير الله يلعني لاني زعلته

قوم سلم على راس ابوك وراضيه
والوظيفه رزق من رب العالمين يمكن ربي كاتبلك الاحسن وانت ماتدري انصحك بالصلاة وببر والديك وهذا اهم شي لان رضا الله من رضا الوالدين وبالصدقه والاستغفار بنية الوظيفه
سبحان الله رزق الانسان زي الظل معاه وين مايروح لكن كثرة ذنوبه هي اللي تخلي الرزق ماينزل على صاحبه
انت ذحين اللي عليك انك تراضي ابوك وبعدين ليش تقارنه باللي كانوا معاه هذا ابوك ومهما يسوي هو حر في نفسه وتاكد ان الواحد في الدنيا ماياخذ غير نصبيه
والله يهديك ويهدينا ويرزقك بر الوالدين ولا يحرمك من اجرهم ويرزقك بالوظيفه الزينه اللي تكسب منها الرزق الحلال بس الدنيا يبغالها شوية صبر

جزاك الله خير

راض ابوك وتعذرله ولاتستعجل ومدامك جامعي صدقني ان الله بيرزقك اجلا غير اجل مع تمنياتي لك بالوظيفه المناسبه الي تسعدك انت ووالديك

رضا الله من رضا الوالدين هذا اول شي فكر فيه وبعدين الوضيفه
اخوي ماجد مهما كان هذا ابوك يبيك تكون احسن الناس وانت لاتخلي هم الوضيفه دافع لك بالإنفعال
وكل تأخيره فيها خيره ان شاء الله وانت من الناس المرغوب فيها دامك
(جــــــــــامـــعي)
ابي منك تقنع ابوك ان طموحك للأعلى دامك جامعي بتخصص حلو
واسال الله ان يوفقك بما يحبه ويرضاه

الله يفرجه عليك يأرب تمنياتي لك بالتووووفيق

الله يفرج همك وراضي ابوك

انا بعد كان بعد على كثر ماهم محتاجين تخصصي،،بس ماكان الله يكتبلي اتوظف ومع المداومه على الاستغفار ربي رزقني بوظيفه
وان شاء الله ربي بيرزقك،،وراضي والدك يمكن يكون الخطا من نفسك