|
لا تبخلون علي برأيكم
بسم الله الرحمن الرحيم السلام عليكم ورحمة الله وبركاته وش اخباركم اتمنى انكم تكونون بكل خير .. أنا الحين أدرس دبلوم تقنية شبكات وتوني بالترم الاول الدراسة فيه مدتها سنتين وبصراحة صعب :( وفيه دبلوم الحاسب الآلي التطبيقي - تقنية مكاتب - والدراسة فيه مدتها سنة واسهل من الشبكات .. أبيكم تفيدوني أي دبلوم أفضل وإذا فيه أحد موظف في بنك أو يعرف أحد يشتغل في بنك فياليت يقولي إذا كانت البنوك تقبل دبلوم تقنية مكاتب او لا؟ .. لان الراجحي يقبل دبلوم إدارة مكتبية .. والمشكلة انه بمعاهد البنات مافيه هالدبلوم مافيه الا تقنية مكاتب .. وتتوقعون ايهم افضل من ناحية التوظيف؟ ومشكووورين مقدما. ملاحظة : المعهد اللي ادرس فيه نيوهرايزن .. وياليتني مادرست فيه ابد لانه انواع التعقيد والنصب والاحتيال .. ولا يهمهم الا الفلوس. |
ينقل لقسم التدريب والتطوير
|
وعليكم السلام ورحمة الله وبركاته دبلوم تقنية شبكات هذا مدته سنتين بعد الثانوي دبلوم الحاسب الآلي التطبيقي - تقنية مكاتب - مدته سنه بعد المتوسط في الديون تقنية شبكات أفضل لأن تقنية مكاتب عندهم تعادل دورة إدخال بيانات ومعالجة نصوص(6 أشهور ) بنسبه لي أنا أعرف أن البنوك تفضل تقنية شبكات( سنتين ) بما إنك في معهد خاص لا تخفين راح تعدين...لان همهم الفلوووس بس لا تنسين الاختبار الشامل بعد ما تخلصي السنتين..وهذا من المؤسسة والله يوفق الجميع |
اللى أعرفه أختى أن البنوك يطلبون دبلومات الشبكات ومايعترفون بالمكتبات وبما أنك قاعده تدرسينه فشدي حيلك وكملى ولاتشيلي هم لانك ناجحه إن شالله لأن هالمعاهد مايدققون كثير ينجحون وبس ........ وبالتوفيق والله يرزقك |
قلب المملكة .. سعودية فخر آل جود
الله يجزاكم كل خير ومشكوووورين ماقصرتوا لاني كنت محتاره ولا اعرف وش الافضل فيهم رأيكم ريحني كثير .. تحياتي لكم. |
رأيي من رئي الأخ " قلب المملكة " & " سعودية فخر آل جود "
... أي مكان راح تقدمين عليه ... يفضلون دبلوم سنتين ... سواء برمجة أو شبكات .. .. توكلي على الله وكملي مشوارك التعليمي ... <<<< مشوار الألف ميل يبدء بخطوة تحياتي لكِ :) |
انـــــا بعد اوافقهم الراي الريـــــــــــــــــــم
تقنيه شبكـــــــــات افضل بكثير من تقنيه المكتبـــــات من ناحيه الوظيفــــــه وغير كذا تقدرين تكملين بعدين دراسه سنتين بالجامعه العربيـــــــــــــــــه ويصير لك بكالوريوس اذا حبيتي وبالتوفيـــــــــــق |
TAM .. قدرات عاطله
مشكووورين وجزاكم الله كل خير .. وتحياتي لكم |
اللي اعرفه اختي
ان تقنيه المعلومات والشبكات مرغوب اكثر |
مهندس الجبيل .. مشكور وجزاك الله كل خير وأسأل الله أن يوفق للجميع
|
| الساعة الآن 11:14 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين