عنطل :ياأخي بندة حاليا شبه محتكرة لسوق التجزئة في المملكة
والاحتكار دمار
كل الشكر واجيزك ولكن شركة بنده تبع للوليد بن طلال
وراح يكون النسبة في صالح الوليد والدولة والشباب
والاحصائية تقول بان هذا التطبيق لو تم راح يكون نسبة 25%للدولة و25%للشباب السعودي
و50%للوليد بن طلال
الطربيد:الحين حنا نرفض الإحتكار وأنت تطالب بالإحتكار
وش ذنب الي فاتح له محلات( بقالات أو مطاعم أو صيدليات أو .....)
اجيزك وبقوة ولكن خذ مني راح يكون التاجر الصغير يعوض من قبل الدولة
وللمعلومية اكثر التجار الصغار مثل المطاعم والبقالات اغلبها اجانب ويكثر منهم الجنسية اليمنية
والاحصائية طلعت وكل شيء بان اقرا لوحة اي محل وشوف صاحبها من اي جنسية وتعرف اجابتي
solaiman2008:اخوي انت كتبت الكلام هذا لان تفكيرك منصب على الوظائف
اجيزك وكل الشكر ولكن عزيزي الهدف هو باب طرد البطالة او قلتها وهمة الشباب السعودي وقلة الاجانب
عبدالله البراهي:هاذي اسمها الراس الماليه استاذي ولا ولن تطبق عندنا
صدقت ايها الناضج ولكن خذ مني احد الافكار اللي طرحتها مثل احتكار اللموزين الا تعلم اخي ان في مدينة الطائف يفوق عدد 4000 الاف سعودي يعمل باللموزين عن طريق الشركة وقد نجحت وبدت تثير بشكل كبير
اعجبني ردك العيب فينا استاذي نحن من نستقدم العمال ونجعلهم رجال اعمال
خذ مني القصيبي افاد واستفاد واحاط واغاط اي بمعنى النهاية الاخيرة جابها في الزاوية تسعين
وقولك :الاتكال والتكاسل والخوف والجهل ايضاء
نعم وبكل صدقية ولكن سوف يجبر الشباب السعودي على ذلك قريبا خلاص امتلت الصحة النفسية ومستشفيات الامل ويكون في النهاية تبدا الهمه باذن الله

الاخوان كفوا وفوا في الردود
وتقبل تحياتي
السلاطين

طيب اخوي ليش تفكر بأنهم يوظفونك فقط ويمكن يكون الراتب طفسه ..

ليش ماتفكر انك تمتلك بقاله مثلاً او صيدلية او مطعم وانت تعطي رواتب

يعني الافضل انك تدور من يمول مشاريعك وليس الذي يوظفك في مشروع

الله يوفق الجميع

قايد بلا راية انت تسولف شكلك وانت مقهور ياخوي انت تطلب المستحيل ريح بالك
وشوف رزقك مثل غيرك

الله يسامحك ياخوي حاليا الاحتكار موجود وعلى فكره ماخربنا غير الاحتكار ياخوي خلي الناس تترزق

أحترامي لك أخي الكريم ..
وللأخوه الكرام ..

أتمنى التركيز بكلامي .. اذا فعلاً تحبون ترسلون رسالة الى :
1/ الملك عبدالله ( الله يطول بعمره )
2/ ولي العهد سلطان ( الله يقومه من عثرته )
3/ وزير العمل غازي القصيبي

ركزو في كلامي كويس .. ترا ما يبي له معادلات ولا شي ..


1/ ايقاف الفيز والتصاريح فقط خمس سنوات .. ( واقصد هنا الفيز الجديدة )
يستثنى في ذلك المهام الحساسه مثل الأطباء .. العلماء .. المهندسين رفاع المستوى

لأن خمس سنوات تكفي لأكتساب خبره قيادية بوجهة نظري ..

2/ تشغيل السعوديين والسعوديات او الشخص من أم سعودية واب أجنبي في الوظائف الشاغرة لكل منهم تخصصه .. وعلى غير المؤهلين في ذلك تأهيلهم من قبل ( الشركاااااااااااات وليس الحكومه ) بدعم من الصناديق الحكومية .

3/ في حال انتهاء تأشيرة الأجنبي بغض النظر عن جنسيته ومكانته .. تطلع عليها لجنة مختصه ( عاااااااااااادله ) في شأن التجديد .. ويرحل او ينهى تأشيرة العامل بغض النظر عن جنسيته و عمله الى بلاده مشكوراً على جهوده في هذا البلد ويستثنى من ذلك اصحاب الشهادات العليا والذين يحتاجونهم الشركات لرفع اسم البلد وذلك لتجديد لا بعده تجديد ..
والقصد من هذا رفع الكفاءات الأدارية والفنية في المملكة من خلاله ( يكلف في هذا الأمر )

4/ عدم السماح للشركات بإستخراج تأشيرات لأي موظف حتى لو كان يسعى لمصلحة هذا البلد الا اذا تحققت شروط السعودة وهي 50% على الأقل . ( وتراجع هذه النسبة من لجنة عااااااااااااااااااااادله )
على شرط أن تكون من 50% سعودة .. 25% منهم قيادي بالمنشأة ..

5/ عدم السماح للسعودي بالتقصير ( لأن السعودي يتحمس للشغل وآخرتها يخمل وانا اول واحد ) ويؤخذ منه مبلغ نقدي شهرين من رواتبه ضماناً في عدم خروجه من الوظيفه الا بعد سنتين وهي عقده مع الشركة .
يستثنى من ذلك .. من حصل على عرض وظيفي أكبر .. ومنها يستطيع أن يتفاوض مع الشركة بخصوص الراتب ..

6/ في حال وجد السعودي وظيفة أخرى غير وظيفة الحالة .. لابد على الشركة شغلها بسعودي آخر وذلك خلال فترة الأنذار ( شهر واحد ) على الموظف المستقيل وهي عادة لدى كل الشركات ..




وربي لو نرفع هل المطالب الى الأشخاص اللي ذكرتهم بتوقيع أكثر من 10 الآلاف مواطن ومواطنه سعودية عن طريق البرقيات .. او مؤتمر صحفي او المناوله ..
لا يصير شي رهيييييييييييييب ما أحد يتوقعه ..


وصدقوني انا اول الموقعين معكم .. لو نويتو ..


تقبلو تحياتي ..

على فكره ..

أحب أن انوه لها ..

أغلبيه من هم على مناصب قياديه في الشركات ..
لم يستقدمون الى السعودية على مؤهلاتهم العلميه ..
فهي ليست سوى غطاء ..

انا اقول كلامي كله ولدي الدليل على كل كلمة اقولها ..

فبعض الشركات .. يستقدمون الأجانب على فيزة مندوب مبيعات .. او مراجع داخلي ..
او محلل بيانات .. او مدخل بيانات ..
ولكن بالحقيقه .. هو مدير ادارة اللي ما ني قايل اسمها ( من قوتها ) ..


تذكرو انا أملك الدليل القاطع لـ 4 شركات .. وهو الحال على بعض الشركات الأخرى غير الـ 4

لذلك كتبت النقاط التي تراها بالأعلى .. ( ردي السابق )

تقبلو تحياتي ..

زين إنك ياكاتب الموضوع موب وزير العمل والعمال

مجرد قراءة السطور الأولى بدون تكملكة الموضوع

حكمت بإن الفكرة ( غير مجدية ) بالعكس لها أضرارها

حتى عليك أنت صاحب الفكرة .. والحمدلله الشباب قبلي ردوا

وأظنهم محقين ومايحتاج إني أضيف شئ

شكراً

الوظائف مو كل شي
وصدقني هناك نسبه كبيره من مرتادي هذا المنتدى هم موظفون يبحثون عن مصادر دخل اضافيه

المشكله في الاحتكار اللي رفع الاسعار وجعل الراتب لا يكفي لشي

أسأل الله ان يرزقني واياكم من فضله