|
نداء لمن يسأل عن المساعدة
السلام عليكم
راح ادخل بالموضوع على طول وماحطول عليكم انا امس دخلت على موضوع بشرى للمطلقات اللي كاتبة شذى المحبة واتكلمت فيه عن المساعدة التكميلية المهم اليوم اخذت الاوراق اللي قالت عليها ومن الظهر وانا افرفر بالشوارع لين وصلت الضمان وسألت المدير بنفسة عن المساعدات تدرون وش قال: اول شي حنا سمعنا مثلكم عن المساعدات لكن للحين ماجاء شي رسمي او اوراق تثبت صحة الكلام ومرينا على شهر 1 يمكن يكون جانا شي وسألتع كيف المساعدات : 1- المساعدة التكميلية تكون فقط للمتزوجين اللي راتبة 1725 ريال ويكون غير مستفيد من الضمان 2- المساعدات المقطوعة قال هذا باجتهاد منا نتوقع ان المرأة المطلقة والارمله اللي ماتعاني من اي مرض تصرف لها ويكون عمرها فوق 45 سنة بالنسبة للرجال فوق 60 سنة وقال يمكن حتى المرأة فوق 60 سنة . 3-المساعدات الموجودة الان هي مساعدات اللي عندهم امراض بس وغيرها مافي ونصيحه مني وفروا على نفسكم الروحة كفاية انا رحت وسألت لكن المشكلة اني ابغى اعرف شذى المحبة كيف قدمت على المساعدة التمكميلية وبنفس الوقت الاخ باحث قال نفس كلام حق الضمان انها مخصصة للمتزوجين اسفه اذا طولت عليكم بس والله حبيت افيدكم |
الاقلك كذب عليكي بالذات ضمان المدينة كانهم بيعطونا من جيوبهم
|
معقووووول يكذب
طيب ليش وبعدين باحث قال نفس الشي مافي مساعدة تكميلية غير للمتزوجين |
الله المستعان
|
صدقيني انا ارملة ورحتلهم قالولي مافي مساعدة واشاعة ونزلت جدة عند قريبتي قالتلي كذابين واخذتني الين ضمان جدة ولما سالت قلي كذابين ليش يقولولكم كذا وقريبتي مطلقة قدمت قبلي هيا وصديقتها واستلموا بعد تسعة شهور
|
حسبي الله ونعمه الوكيل
يعني معقول المساعدات في مناطق ومناطق استحالة لكن مافي غير اني اتصل على الرقم المجاني لعل وعسى يفيدنا بشي هذا اذا ردوووووووو |
طيب ومنطقة الرياض يعطون والا كذابين بعد؟؟؟؟؟؟؟؟؟؟
|
سهارى الليل أسال الله ان يكتب لي ولك الأجر وجميع من يجتهد هنا نصيب من الأجر عند في يوم لاينفع فيه مال ولا بنون على مانبذله في سبيل توفير العناء على اخواننا المجتهدين حقيقة حدث لبس في بعض المواضيع من بعض الأخوان وتداخل بين مسميات بعض الخدمات التي يقدمها نظام الضمان الاجتماعي فالدعم التكميلي كما سبق وأن حضرت في أكثر من موضوع هي خدمة تخص جنس الرجال وفئة المتزوجين وحددت لمن عمره أقل من 40 سنه ولا يوجد له دخل يسد حاجته ولا يستفيد من أي خدمة في نظام الضمان الاجتماعي أو من دخولهم الوظيفية أقل من 1725ريال وهي قديمة وموجوده مند سنوات ولا علاقة لها بما يدور فيه الحديث هذه الأيام أما المساعدة الأخرى والتي شغلت الكثير وهي المقصودة هنا (وحديث الجميع ) هي المساعدة المقطوعة التي حددت للذين يستفيدون من الضمان الاجتماعي من المعاشات الشهريه وقد حدد شرط لجنس الرجال هو أن يكون تجاوز 60 سنه فما فوق وأيضا شملت فئات أخرى وهي الأرمل والأيتام والمطلقات الذي يعولن أطفال وقد تكون هناك فئات أخرى لم أحضرها لعدم تأكدي من شمولها بهذه المساعده ويبقى جميع مانتواجد به هنا هو أجتهاد شخصي والمعلومة الأكيد في قطاع الضمان الاجتماعي ومايمثله |
انا بعد ابوي راح وقالو له كذب بكذب :(
|
انا لما قدمت بالاوراق الاعاقه وتقريرقال لى لازم العمر 45
وناس تقول لك معاش شهرى وناس تقول مساعده وناس يقول انك متزوجه وبعدين طفشت ورحت البيت وحسبى الله ونعم الوكيل فيهم |
| الساعة الآن 09:36 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين