|
ابغى رايكم بسرررعة
السلام عليكم
اخواني ابغى رايكم ضروري انا تخصصي مسار احياء (( علوم متوسط)) ووجدت مدرسة اهلية وقالوا نبغاك تدرس اجتماعيات تاريخ وجغرافيا ووطنية من الصف الرابع الابتدائي الى الصف الثاني المتوسط يعني 15 مادة كل مرحلة 3 مواد المهم وافقت والراتب 2000 ريال سيخصم منه 150 ريال شهريا حقت التامينات يعني يبقى من راتبي 1850 ريال فقط واعطوني اشرافين في الاسبوع وريادة فصل وتقويم مستمر للطلاب واذاعة الصف و..... الخ المهم قلت اصبر عشان اكتسب خبرة في التعامل مع الطلاب علما اني ماني محتاج فلوس وظروفي متيسرة والحمدلله المهم جاني مدرس مصري مسؤول عن استراجيات التدريس وقال : سنطلب من ل معلم ان يطبق درسين استراتجية في الترم بعد الحج وسيقوم المدير واربعة معلمين بزيارة المعلم ورؤية الطريقة لكني سارفض ولن اوافق تطبيق الدرس هل انتم معي يااخواني 15 مادة غير تخصصي واشرافين واحتياط وريادة فصل وراتب خايس وكمان يتفلسفون!!!! ابغى رايكم هل من حقي ان ارفض تطبيق الدرس لان بعض المعلمين قالوا ليس اجباري لان المواد غير تخصصك ولن تجبرك الادارة انتظر ردكم |
وعليكم السلام
اسمحلي اني اقولك ان هذا استغلال بغض النظر عن الراتب وين الامانه في التدريس اذا انت اللي معاك احياء بتدرس تاريخ وجغرافيا وووووو اجل اللي معاه نفس تخصص هذي المواد وش يسوي انا ماابغى اقطع رزقك لكن هذا الشئ ماراح يكسبك خبره قد مايضرك يعني راح يكون ضغط عليك وغير كذا التدريس اصعب مهنه في العالم لانها تحتاج انك توصل المعلومه لكل طالب على اختلاف الفروق الفرديه بينهم انت سوي اللي يريحك والله يوفقك بس لا تظغط نفسك لانك مو ملزوم ولاهي وظيفه تستحق انك تستحمل كل شئ وبعدين انت ماشاء الله تخصصك حلو ليش ماتقدم على مستشفيات تشتغل في المختبر |
جزاكي الله خير اختي فاتنة على الرد وكلامك كله صحيح
اختي الكريمة اغلب المدارس نفس الحال في نفس المدرسة الان مدرس العلوم يدرس فنية ايضا انا لست مجبرا لهذه المدرسة نفسي اتركها لكن المشكلة طلاب الابتدائي حبوني وتاقلموا معي وانا دايما اشجعهم واعطيهم هدايا وابذل قصار جهدي لتوصيل المعلومة اخشى ان تركتهم يتأثروا بذلك لاني اعتبرهم مثل اولادي لكن اذا زودتها المدرسة لن اتردد في تركها ابدا واغلب المعلمين في المدارس الاهلية يعانون من الذل والاهانة من ادارة المدرسة ((المدرسة الاهلية هدفها المال وليس الطالب)) اشكر لك ردك اختي الكريمة وبالنسبة للدرس لن اقوم بتطبيقه لاني غير ملزم به وانا تخصصي بكالوريوس كلية معلمين مع اعداد تربوي يعني حتى لو لقيت مستشفى يكون كاتب فقط لاننا معلمون |
أريد رأيكم ياأخواني رد واحد فقط!
|
سلام أخوي
أنا مريت بنفس الظروف تقريباُ قبل أسابيع.. بس الصراحة ما قدرت أستحمل من ثاني يوم..يعني ممسكيني من ثاني إلى سادس و يبغوني اسوي ملف لكل طالبة و أتابع تطورها في اللغة .. يعني غير الراتب اللي ما يتعدى 1500 يبغوني اسوي مجهود خارق كأنهم يقولون احمدي ربك تشتغلين عندنا.. أنا ما أقدر أنصحك تتركهم أو لا..أنا تركتهم و دحين مره طفشانه و حاسه اني ضايعه و انا بس عاطلة من اربعة شهور و محتاجة لراتب اصرف على نفسي. |
اختي غنية وموظفة اشكرك على مرورك
وأنا اعتقدت ان المعاناة في المدارس الاهلية عندنا فقط نحن المعلمون ولكن الآن عرفت منك ان المعلمات مثلنا في ذلك الله يرزقكم من حيث لاتحتسبون |
اقتباس:
في البدايه أخوي مسار علوم ... المبلغ المخصوم منك غير صحيح لأن التأمينات المخصومه من الراتب هي 9% ..... بالتالي الحسبه تكون : 2000 - 9% = 180 وصافي الراتب المستحق 1820 ريال نصيحتي لك .. استمر معهم في التدريس مع البحث عن مكان أفضل ... بهالطريقه تكسب خبره ... وراتبك ماشي الى أن تجد لك الوظيفه البديله الوظايف جدا صعبه ... لا تفرط بوظيفتك الا اذا ضمنت البديل موفق ان شـــاء الله :) |
والله ياأخوي اذا تبغى نصيحتي كمل معهم
انا اول ماتخرجت مالقيت ولا شي تقريبا سنة وانا في البيت جتني وظيفة تدريس بمعهد خاص كان الراتب اقل منك 1500 ريال بعدها احس كأن ربي رحمني وعوضني بوظيفة أحسن براتب 4200 ريال وبعد ثلاث شهور بس من التدريس صح انه بالمعهد ظلم وكرف اخر راتب انجحد وخطاب تعريف حق هالفترة الي درست فيها ماعطوني اياه الا بعد ملاعن لكن التدريس ممتع جدا الطالبات كانوا حبوبات ومتعلقات فيني ودايم يدعون لي تعلمت الصبر على الذل والاهانه وتعلمت ضغط العمل على اصوله انكرفت كرف مو طبيعي تركت المعهد وانا ادعي عليهم من التعب والظغط والخصومات الي من غير سبب منطقي لكن لما توجهت لوظيفتي الي بعدها والي بعدها حسيت كثير بنعمة الوظيفة الحكومية وحسيت بنعمة الراتب العالي ولقيت نفسي مثاليه ومتفانيه بكل معنى الكلمه قالوا لي بعد سنة راح اكون مشرفة لكن انا عجوله الان بعد مرور سنتين مازال في ذهني ذكريات من وظيفتي الاولى واحس اني فخورة جدا بنفسي لانني صبرت والله عوض صبري. انت اذا تقدر تصبر وتكمل واذا انت فعلا محتاج كمل معاهم واعطي الدرس النموذجي علشان تثبت جدارتك امام نفسك اولا واخيرا الفائدة لك . لكن لا ترتبط معهم اكثر من ست شهور , ضبط لك سي في جديد من اليوم وحط فيه انك الان على راس عمل براتب (2000) وقدم في كل مكان بدون ماتذكر فترة الخبرة ترى والله بعض المدراء يقدرون ويفزعون لما يشوفون قوة المؤهل وضعف الراتب وان شاء الله كم شهر وتطلع لوظيفة حكومية راح تتذكر كلامي وتفرح فيها كثييييييييييير |
اشكر لكم ردكم وبانتظار أراء وردود اخواني الآخرين
|
اين الردود الاخرى؟؟؟؟؟؟
|
| الساعة الآن 05:24 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين