شاركوني همومي
السلام عليكم
كيفكم اخواني واخواتي ابقص قصة حياتي وابي رايكم بدون مجاملة تم قبولي بدأيت الترم في مدرسه أهلية (والحمد لله) وقالوا بس تعاقدك جزئي يعني اذا حصصي اقل من 18 حصه يسمونه جزئي قلت مافي مشكلة موافقة لان الخبره نفسها لتعاقد جزئي ولا كامل (يعني اخذ خبره لسنه) وهذا من اهدافي المهم اعطوني 10 حصص لمنهج اولى متوسط والراتب الف ريال << انا موافقة ماهمني لا راتب ماهمني الا الخبره غير كذا المدرسة اهلي وتحفيظ قران >> وانا من زمان مبسوطة ابي بنات تحفيظ قران بس حصصة هم في الرياضيات مو مخفظة لانه تعليم المدرسه مطور طبعا تعاقدوا مع وحده ثانيه غير مسكت فصل متوسط وفصل ثانوي ونصابها 18 المعلمة الثانية تركت المدرسه وطلبت باضافة حصص لي ويصير نصابي كامل لكن رفضوا بحجة ان الاهالي يشتكون مني وهنا مربط الفرس واللي راح تشفونه ضمن القصه بدأ الترم ومسكوني انا منهج رياضيات اول متوسط اول يومين دخلت علي البنات خاصمة وحده قلت لها (كلمة بمعنى اسكتي ) (الكلمة ترى عادية جدا ) الا وجدت الاداره تناديني انتي تربوية ومفروض ماتقولين هالكلمة قلت انا قلتها علشان عندي قاعده انا من اول يوم اذا ضبطتي قائدة الفصل راح يخاف الفصل كلة وينضبط >> لاتلموني خبرات سابقه من المدارس الحكومية بعد كم يوم الا الاداره تناديني تقول الاهالي يشتكون منك ( يقولون ماتعيد الدرس - وسوالف تافهه) سبحان الله المديره قد حضرت لي ومدحت درسي وقالت انتي تعيدين توصل المعلومات للطالبات ودرسك ممتع ومعلمة الرياضيات الاول في المدرسة حضرت لي وبعد اثنت علي واني متمكنه في مادتي ورجعت ونادتني الاداره مره ثالثه وقالوا الاهالي بعد يشتكون منك( ويقولون ماتعيدين بعض التمارين واذا بنت تناديك تظنشينها ) << المشكله انا عكس ذلك مو مدح في نفسي لن اعيد وازيد حتى اتاكد من وصول المعلومه لطالبات و الكلام كله تأليف من الطالبات واهليهم ويكبرون الموضوع ويضخمونه المشكلة العظمى ان الطالبات في الحصه متفاعلات جدا واحس حابيني ومايشتكون مني وانا حابتهم بصراحه وراضيه بقدري وجلست مع الطالبات ماكان عندهم الا اعتراض الا على الكلمة اللي اول الترم قلتها وحتى درجاتهم اليوم يوم أختبرتهم جدا حلوه وحسيت على كثر شكاويهم ان الماده العلمية وصلتها لهم بفضل الله مدري وين المشكلة والعله في الموضوع كله والله انحرجت من كثر ما تنزلني الاداره من بين المعلمات وين تتوقعون الخلل هل الاداره تبحث عن الزله حتى ينهون عقدي او البنات يسولفون لاهاليهم علشان يبحثون لهم عن عذر اذا شافوا الماده صعبه؟؟ يارب عفوك (احس اني كل ماقلت هانت جاتني شكاوي تحبطني ) |
اول شي انت راضيه عن نفسك وواثقه من امكانياتك لايهمك احد لاتخلينهم يؤثرون على مستواك طنشيهم
اذا مااتوفقت هنا تتوفقين هناك والله مايضيع لك تعب بس بس خليك مع الله وهم اذا قصدهم يطفشونك الله بيحاسبهم ادعي الله ورددي اللهم اكفينهم بماشئت اكثري من الاستغفار اسأل الله ان يبدل حزنك فرحا ويؤيدك بنصره |
يمكن يكون اسلوب تطفيش من الاداره عشان تستقيلين لكن مادامك راضيه هذا اهم شي وبالنسبه لكلام الاداره اسمعي واسكتي والله يوفقك ويكفيك شر بنات وعيال الحرام
|
لا تيأسي
الناجح دايما يتعرض لهادي الاشياء صدقيني مهما صار ما راح تأخدي الا نصيبك وكلنا نفس المشكلة اللي اكبر منك يدور عليك زلة زمن يأكل القوي فيه الضعيف والله شوفي انا صيدلي بس انتظر اتوظف وخلاص راح ادرس طب ع حسابي واسافر برا وتخيلي اني بكره والله رايح مستشفى خاص عشان استغل رسبشن !! حتى شهادتي ومع انو معدلي ممتاز ولكن الحمدلله وحسسافة ع فلوسي اللي دفعتها ف الدبلوم من جد للأسف حتى بلدنا مو قادرين فيه ندرس ولا نتوظف عدل ربنا يعينك ويعين كل المسلمين ويجعلنا في ذمة من ظلمنا اللهم اجعلني مظلوماً وليس ظالماً :) |
اقتباس:
هلا جروح الموده والله يكفينيهم بما شاء وكلماتك مثل البلسم جزاك الله كل خير اقتباس:
هلا فاتنة والله ساكته وقاعده اتحمل على نفسي وآمين يارب ويجزاك كل خير اقتباس:
هلا اخوي محمد والله يصبرنا انا وانت على بلوانا :( ويكفيناهم بما شاء وحسبي الله ونعم الوكيل وعلى كل من تسبب في استغلانا بس انصحك تشوف مكتب العمل يمكن يفيدك وانت ولد ماشاء الله تقدر تروح تشتكي لكن انا اشكوى لله وحده وجزاك الله على كل خير |
السلام عليكم
اختي طيب حاولي توزعين إستبانات على الطالبات عن اخطاء المعلمه ولاتقولين لهم انها عنك وشوفي رأيهم فيك او انك تجتمعين فيهم جمعه اخويه وتحاولين تخلينهم يفتحون قلوبهم لك وتعرفين مصدر الشكاوي هل هي منهم ام من فصل ثاني وبالتوفيق يابطله |
اقتباس:
حياك الله اخوي انا سويتها وطلبت من الطالبات يكتبون رايهم عن المعلمة وعن الماده ماوجدت فيها نفس الشكوى باني اقول كلام بذي او انا ما اعيد الدرس والله يوفق الجميع يارب |
عليكم السلام ورحمه الله وبركاته ..
اولا دعواتي لكِ بالتوفيق .. ثانيا خذيها قاعده من يركلك من الخلف فهو يدفع بكِ الى الآمام .. واضح ياعزيزتي هدف المديرة محاولة التشكيك بكِ وبقدراتك وماشاءالله الرياضايات ماده علميه معقده صعب تكون درجاتهم مرتفعه ومستواهم عالي الا من طريقه اسلوب في التعليم عاليه ماشاءالله الله يحميك .. واصلي مشوارك انتي هدفك تحقيق ذاتك واثبات جدارتك واكتساب الخبرة .. أي مشوار بهذه الحياه يبدأ بخطوة صعبه ومدامك بدأتي بإذن الله تصلي ولاتتركي مجال للتوافه انها تنقص من إصرارك .. وهذه المشكله متواجده بكثرة مرض مزمن صعب علاجه ((إما شجع مديرة أو تسلط أهالي)).. لو حاولت مرة ثانيه تتكلم معاكِ اطلبي منها إحضار طالبه من طالباتك وسؤالها أمامك...هل أنتي فلا مقصرة ؟؟؟ وبكذا تقطعي الشك باليقين ... الله يسهل أمرك ويوفقك يارب .. |
من وجهة نظري صارحي طالباتك وقولي لهم وش الخلل فيني بطريقه انك ما تعرفين شئ عن الاداره وبطريقه ان ما فيه مشكله بينك وبين الاداره واكتشفي بنفسك تقبلي تحياتي |
اقتباس:
حياك الله روح الامس وفقك بعد والحمد لله على كل حال , مستوى الطالبات كويس وكانت الاسئله سهله وكلاك قاعده اطبقه فلت لا استسلم بسهوله الا اذا هم استغنوا عني وراح اطبقه معهم نفس الكلام واقول واجهوني بالطالبات وجزاك الله كل خير يارب مقدره مرورك |
الساعة الآن 02:37 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين