|
مشروعى سياره اجره هو ناجح ام فاشل
السلام عليكم ورحمة الله وبركاته
عندى مبلغ 40 الف وفكرت اشترى سياره اجره جديده اى نوع من السياره تتحمل ؟؟ س-افضل سياره ؟؟ س-اقدر اخليها تكون ب اسم سيده ولا لازم رجل ؟؟ س-كم يكلف العامل سائق العماله؟؟وكم راتبه؟وافضل العماله مين؟؟ س-هل مشروعى ناجح ام فاشل ؟؟ وكم رد باليومى ؟؟ارجووكم بماذاتنصحونى ؟؟ |
كذا السواق راح ينصب عليكي لأنك بتعطيه راتب
وش دراكي انه ما وصل 2 ولا 3 ولا10 حتى وحطها بجيبه ويجي يقول ما وصلت غير 8 بس يعني المراقبة صعبة هو حل واحد وهو الشعب السعودي ماشي عليه عشان كذا أصبح الأجانب أصحاب ثروات كبيرة أنه يسلم العامل كل شيء والعامل يعطييه اخر الشهر مبلغ معين الف الفين والعامل يطلع له 10 الاف وأكثر هو مشروع ناجح جدا خاصه يكون في مدينة كبيرة لكن لما تسلميها أخوكي ولا قريبك واحد ثقة |
لابد ان يكون صاحب التصريح رجل ولا بد ان تعدل المهنة بالاحواال الى سائق اجرة
اذا وجد اجنبي يعمل بسيارة ترخيصها مواطن وليس شركة اجرة تصادر السيارة + يرحل العامل نهائي 40 الف مبلغ ممتاز انصحك انك تشتغلي بنقل الطالبات او المعلمات والموظفات والمشواوير الخاصة بسيارة فان اضمن وأأ من لابد يكون سواقك على كفالتك راتبة الف ريال فقط وانصحك بالهند او الفلبين فقط ويكون تنسيق النقل عن طريقك انتي والحساب عن طريقك ويكون عملة في فترة الصباح فقط والزبائن بيصفى لك بعد توفيق الله من 2000 الى 3000ريال |
ناجح
لأنه كثير من الأسر تعتمد عليه بعد الله جل وعز وفقك الله |
بارك الله فيكم وفى ردكم الجميل بس اريد سياره جديده ودى بكورلا اجره او فان بس غاليه لانكم حيرتونى ؟؟والله ودى سائق سعودى متفرغ عاطل لان الاجنبى صار اغنى منا ؟؟
|
كلام سليم في[gdwl] انك تشتغلي بنقل الطالبات او المعلمات والموظفات والمشواوير الخاصة بسيارة فان
اضمن وأأ من لابد يكون سواقك على كفالتك راتبة الف ريال فقط وانصحك بالهند او الفلبين فقط ويكون تنسيق النقل عن طريقك انتي والحساب عن طريقك ويكون عملة في فترة الصباح فقط والزبائن بيصفى لك بعد توفيق الله من 2000 الى 3000ريال [/gdwl] والله يوفق الجميع |
اقتباس:
عزيزتي .. انا افكر بمشروع نفس مشروعك لكن مختلف.. ليست سيارة اجره .. بل فان لنقل المعلمات لأنها فكره راح تنجح بمشيئة الله ولابد أن تخصصي دفتر بأسماء المعلمات والشهر والتاريخ ويتم التوقيع من قبلهم عند تسليم المبلغ وانتي فكرتك حلوه لو حولتيها لفان بدل سيارة الأجره الله يوفق الجميـــــــــــــــع ولاتنسين توافينا بالنتائج ... |
فان او باص يكون موديل حديث ومكيف ومظلل ..... الله يرزقك خير انشاء الله
|
اقتباس:
نعم اختي الكريمه اتفق مع الأخ خالد في الصباح نقل معلمات وطالبات وبعد العصر مشاوير خاصه مثل الأسواق ومناسبات عائلية وما الى ذلك واذا اردتي ان يجتهد السائق فاعطيه نسبه من الأرباح حتى لو كانت 2 % يعني في كل 10.000 يكون نسبته 200 ريال ولن تقل صافي ارباحك الشهريه عن 5000 ريال بأذن الله وبعد عام تقريبا أشتري سيارة اخرى من الأرباح وهكذا ولدي الكثير ولكن لايسع المجال لذكرها . وأهم نقطه في مشروعك هو الدقه في المواعيد والمصداقية لتكسبي ثقة عملائك فعندما تكونين ملتزمه بمواعيدك تجاه عملائك فهم من سيجلبون لك العملاء الآخرين ولاتطمعي كثيرا وأحرصي على عاملي واكرميه بحدود المعقول وحاسبيه وبيني له بأنك تتابعيه اولا بأول . لابد يكون سواقك على كفالتك راتبة الف ريال فقط وانصحك بالهند او الفلبين فقط ويكون تنسيق النقل عن طريقك انتي والحساب عن طريقك وبالتوفيق للجميع ان شاء الله |
اقتباس:
بتلقي اختي فان h1 هونداي 2006 او 2007 بهذي القيمة ثانيا وين بتلقين السعودي اللي بيتفرغ ويشتغل ب 1000 او 1500؟ ولو حصلتي متقاعد ومحتاج بيقعد شهرين الى 6 اشهر وبيشتغلها هو وبيتركك فعليك بالهندي او الفلبيني واذا عندك خدامة جيبي زوجها لان وجود المحرم ارفع بالسعر اسال الله لك التوفيق بالدارين |
| الساعة الآن 09:55 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين