( الـكـشـك ) الـحـلـم الـكـبـيـر ،، أي معلومه عن الكشك هـــنــا ..
 

بسم الله الرحمن الرحيم

أنا من زماان متابع هالمنتدى و أشوف يمكن الله يوفقنا و نحصل مشروع أو فكره
عشان نرتااح ،، و جزاكم الله خير جميعا و الله يرزقنا و اياكم كل خير ،،

أنا على قد حالي ما عندي غير مبلغ بسيط لكني متأكد إن حتى لو كانت 100 ريال و شغلتها صح
مع الوقت و لو طال .. بتزيد هالـ100 و تتضاعف بإذن الله ,,
و أغلبنا ( إن لم يكن الكل ) عنده أكثر من هالمبلغ بكثير الحمدلله ..

أتمنى إنكم تساعدوني في الاستفسارات اللي بطرحها بالموضوع

مشروعي الصغنن الأول

الكشك ،، أحس إن تكلفته مناسبه لي و لأمثالي من الشباب اللي ما عندهم مبالغ كبيره ..
لكن ما عندي معلومه بالضبط عن التكلفه ..
فأتمنى من اللي مجرب أو عنده كشك أو يعرف معلومه متأكد منها ..
يكتبها عشان نستفيد لأن والله هالفكره عاجبتني ..
أسئلتي كثيره لأني ماااا أعرف شي عن هالأمور و كيف و بكم لأني ما جربتها واقعيا ،،

الاستفسارات
هل فيه مبلغ لازم أدفعه لما أطلب اني افتح كشك ؟ و كم هالمبلغ لو لازم ؟
كم الأجار تقريبا ؟ ( قرأت إنه 500 أو 1000 )
و كم يكلف إني أجيب بائع ،، الاستقدام و الراتب ؟ و اذا فيه طريقه غير اني أجيبه من ديرتهم
كيف ممكن أحصل بائع هنا و أخليه يشتغل معي و كم يكلففففف ؟
لو كان الكشك للذره مثلا ضع مبلغ تقريبي للتكلفه الخاصه بأغراض الكشك ( الذرة و القدر ) و هالأمور..

و اللي وده يساعد بس كسلان يرد على الأسئله على الأقل حط مبلغ إجمالي تقريبي لكل هالأمور

و اذا كان المبلغ جيد ممكن لو فيه أحد من المنتدى يحب نتعاون و نفتح كشك
و يكون الربح النص بالنص أو بحسب اللي يدفعه الشخص ،،
على فكره الكشك مش مخصص للذرة لكن لشيء يررربح أكثر من الذرة بالذات هالفترة ،،
مكاني بالشرقيه و بالتحديد بالجبيل ..
و عندي سيارة خاصه << بشر أمك خخخخخ

:cry: دعوااااتكم لا تنسون :cry:

مضيع دربه

أجار الكشك عن طريق البلدية أعتقد وقيمته على حسب موقعه في الكورنيش

ممكن يوصل لـ 5000 الاف شهرياً

وبالنسبة للعامل جيب لك عامل من هنا يعني حوله على كفالتك وراتبه لا يزيد عن 1000 ريال وعلى حسب الشغل

أذا زاد تزيد له 50 أو 100 ريال

وبالنسبة لمحتوى الكشك على حسب مساحته

يعني لو مترين في متر يكفي كرسبي وذره وموية وبيبسي وعصيرات وشاهي وحليب

ودوام العامل من 5 العصر إلي 3 الفجر وعلى حسب الشغل يعني الصيف مو مثل ايام وسط الاسبوع الدراسية

هذا الي ببالي

والله يوفقني وياك

والله يمكن ياخذ 5000 الى 7000 اتوقع والاغراض يمكن 1500 ريال يعني خلي في بالك 10000 ريال للاحتياط

ونصيحه اذا انت فاضي وماعندك شغل ابداء اشتغل فيه والشغل مو عيب حاول تجمع الفلوس الي تطلع لك وحرام الارباح تروح من البدايه للعامل خليها لك وجمع ومع الوقت جيب لك عامل

ودمت بود

وهذا مجرد رائي

أضم صوتي لمن سبقني
وأقول إذا كنت عاطل فالعمل أولى به أنت
لأن العامل سيقول لك لا فائدة فيه
وبعدها تؤجره منه بثمن بخس
وفقك الله

الله يوفقك

جزاكم الله خير كلكم ما قصرتوا

لكن خلاص هونت للأسف صعبه :(

تسلمون على ردودكم

و الله يعين

الله يوفقك