أبغى رايكم لا هنتوا
كل عام وانت بخير ... ينعاد علينا بالصحة و العافية و الله يتقبل منا ومنكم صالح الاعمال
عندي فكرة بس الين الحين مترددوهي : اشتري سيارتين ( دينه ) اقساط منتهي بالتملك و أجرها بالشهر او بالمشاوير او اطلب مبلغ معين من السواق و الباقي له .. ايش رايكم ؟؟ مجدية الفمكره او لا ... وهل احد مجربها من قبل او يعرف احد مسوي زي كذا .. طبعا ممكن يكون استاجار السيارة حتى خارج حدود المدينة لمدينه اخرى مشكوووووووووري و بالتوفيق ومن شاور ما خاب |
ياخوي بأي مشروع لازم تبدأ من الصفر فبداية المشروع اشتر دينه وحدة فقط وإدا تعرفت على الشغلة و كان الربح مجزي بعدها اشتر الثانية والله يرزقك
بالنسبة لتأجير الدينات ليس لدي علم في مدى نجاحه |
محاتسيك السنه الماضيه مستاجر دنه 1500 وعلى الخط وادي الدواسر -بيشه ولقينا خير واجد في العلف اكثر من 30 الف والرجال مسولي تفويض ن عند المرور قياده وشغال وبيني وبينك هي فيها خير واجد بس تعب و السواقين المعك في الاستراحات خربانين طايحين في ام قوسين اذا بتسلم منهم عز الله ربحت وتقبل مروري واشتغل ياذيبان والله يوفقك............
|
تسلموووووووووووووووون يا شباب وما قصرتوا
|
[align=center] هلا فيك اخوي باقول لك على شغله مسالة بتأخذ لك دينه وتأجرها على عامل فالله يعاوض عليك بخير السبب واضح جلد مو جلدك جره على الشوك طبعا السياره مو له ولا هي بفلوسه يعني هو بيستفيد منها وبالتالي يرمها بحلقك واحب اقول لك قبل فتره الولد اجر قلاب صغير اليوم بـ300 مكسب روعه ولا في الخيال ولمدة 3 ايام يعني بـ 900 ريال للأسف رجع لنا مدمور وربي كلفنا تصليحه وتعديله فوق 1200 ريال يا ليت تقبل رائي واحترامي [/align] |
الله يوفقك
|
والله أنا مستغرب من مسألة تأجير الدينات لأني شفت عدة مرات أصحاب دينات موقفينها في الموقف بدون عمل فلو كانت تتأجر كان كلهم أجروها وجلسوا في بيوتهم
|
واحدة تكفي والجديد قد يؤجر بـ 3000 ريال في الشهر
ولكن اتفق مع المستأجر بأنك بعد خمس سنوات تسلمه الدينه ملكاً له مقابل مبلغ 20000 ريال وبهذا يكون لديك 3000 ألف * 12 شهر = 36000 ريال بالسنة 36000 ريال بالسنة * 5 سنوات = 180000 ريال 180000 ريال + 20000 ريال = 200000 ألف ريال وجهة نظر نقلتها من بعض أصحاب الإيجار وفقك الله |
اقتباس:
وجهة نظر حلوه ولكن السوال المطروح هل بيقبل بهذا العرض إذا راح يقبل باشتري لي دينه واجرها بعدين الاجانب ما منهم امااااااااااااان تقبل تحياتي |
والله ي فكره جيده بس نبغا نعرف المزيد يليت الي يعرف لا يبخل علينا
|
الساعة الآن 03:57 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين