الخبرة في القطاع الخاص + التأمينات
 

[align=center]السلام عليكم ورحمة الله وبركاته..

مساكم الله بالخيرااااات

عندي استفسار بسيط عن الرشركات الخاصة..


انا اشتغلت في شركة لمدة 7أشهر والحين ودي اتركهم وابي شهادة خبرة على الفترة هذي

سؤالي سمعت من احدى الصديقات ان شهادات الخبرة لا يتعرف بها إلا اذا كونت مسجله بالتأمينات

وانا سبب تركي لهذي الشركة عدم تسجيلي في التأمينات وراتبي حتى الشهر السابع مازال 1500ريال كما تم الاتفاق خلال فترة التجربة..

هل صحيح ان الخبرة لا يعترف بها إلا من وقت تسجيلي في التأمينات؟؟

الله يجزاكم كل خير محتارة لاني بروح بكره او بعده اقدم استقالتي اللي عنده فكره عن الموضوع
لا يبخل علينا :Looking:

وشكـــــراً
[/align]

اخر شروطهم لازم الخبره مسجله بالتامينات وغيرها لا تقبل
وانا كمان تركت عملى مثلك لن خبرتهم مامنها فايده ماسجلوا بالتامينات
بالتوفيق يارب

بنات مين قال هالكلام؟؟

نصيحه لا احد يترك شغله لحد مايتاكد من هالكلام,,

الأخت/ butterfly20


بعض الشركات تشترط التسجيل في التأمينات الاجتماعية لأن بعض الناس الله يهديهم يستطيع الحصول على شهادة خبرة عن طريق أحد المعارف تحت اي مسمى وظيفي وهو جالس في بيته، لكن أن الشهادة غير معترف فيها؟ أول مره اسمع الشيء ذا!

إذا كان ودك تتركيهم اطلبي اخلاء طرف من الشركة ثم شهادة الخبرة (مصادق على صحة الختم والتوقيع من الغرفة التجارية)، لأن شهادة الخبرة ملزمين باعطائك إياها حسب المادة (64) من نظام العمل، واذا استلمتي شهادة الخبرة تسجيل التأمينات الاجتماعية أمره سهل لأن الشركة في هذه الحالة مخالفة للنظام ويمكن يطبقوا عليها غرامة مالية.

قبل ما تتسرعي اتصلي للتأكد على التأمينات الاجتماعية (الرقم المجاني) واستفسري برقم سجلك المدني هل انتي مسجلة ام لا؟

وبالتوفيق،،،

الله يعوضنا خير يارب
وجزاكِ الله كل خير

فترة التجربه 3أشهر ومن بداية توقيع العقد يسجلونك بالتامينات اما للشهر السابع ولا سجلوك هذي فيها ضياع حقك من شهادة الخبره والخدمه

وكما في رد الاخ حلوة الدنيا اضن كفى ووفاء عن التعليق في هذا المجال :)

ما يعطون احد اخلاء الطرف دوبي سألت صديقتي اسقالت من عندهم قبل رمضان ولا اخذت الشهادة
إلا قبل الحج بكم يوم وبالقوة كمان واخلاء الطرف فالملف رفضو يدونها !!

الله يعين بكره بروحلهم ونشوف وش السالفه معاهم

مشكور اخوي وماتقصر يجزاك الله كل الخير

طيب اسمك مسجل في مكتب العمل؟ احيان بعض الشركات تسجل اسماء الموظفين في ملف مكتب العمل وماتسجلهم في التأمينات..تقدري تتأكدي من مكتب العمل تراجعيهم وبرقم سجلك المدني يبين عندهم...

اذا الشركة ما رضت تعطيكي اخلاء الطرف عادي خذي اللي تقدري عليه لو شهادة الخبرة ولا تشيلي هم كل مشكله ولها حل

عند كتابة الاستقالة كتبتي اعتبار آخر يوم عمل(؟؟) ولا تركتيها مبهمة!

هل تم قبول الاستقالة وكتب عليها لا مانع من قبول الاستقالة واخذتي صورة منها؟


لأن ممكن الشركة تقول لك لا تداومين وتحسب عليكي غياب وتفصلك... بسبب عدم الالتزام بشهر الانذار

قبل لا تداومي تأكدي أن اسمك غير مسجل في مكتب العمل، وشهادة خبرة و اخلاء الطرف (بعض الشركات تطلبها)

وبالتوفيق،،،

[align=center]
لا والله ماكتبت اول مره اعرف الشي هذا خليتها مبهمه يعني يبغالي ارجع اكتبها من جديد
واروحلهم .. هو مارضي يكتبلي لا مانع جلس يماطل فالاخير قالي ماجانا البديل لازم اول على الاقل احد يمسك شغلك.

طيب الحين لو رحت بكره ومارضي يكتبلي لا مانع اش اسوي انا اصلا ماحقدر اداوم لاني المفروض من اليوم اداوم فالوظيفة الجديدة؟؟

الله يجزاك خير اخوي حلوة الدينا
[/align]

لازم تثبتي أنك تركتي العمل بعد استقالتك....لو تاخذي اخلاء طرف من القسم اللي تعملي فيه كفاية

سبحان الله

الله ييسرها

اخلاء الطرف اهم من شهادة الخبـره
لان اخلاء الطرف معناه ان الشركة ماتطالبك بشي وهنا مربط الفرس
لانها لو تلعب معك بعدين تقول عليك مديونه عليك اشياء واشياء انتي ماتعرفينها
بالنسبه لشهادة الخبـره تعتمد بدون تأمينات اجتماعيه لان في مشروع ووطني ومرتبط بوزارة وطنيه وبدون تأمينات اجتماعية وشهادة الخبره حقتهم معترف فيها
والتأمينات الاجتماعيه بالنسبه للبنات يقدرون يصرفون المبالغ حقتها بعد تركهم للوظيفه