وش رايكم (( ببيع مستلزمات الرحلات )
[align=center]
السلام عليكم ورحمة الله وبركاته كبفكم جميعا هذا اول موضوع للي في هذا المنتدى الراقي بادارته واعضائه من لديه خبره وتجربه في هذا المشروع البسيط واين تباع مستلزمات الرحلات وكيف اسعارها كل شيئ تعرفه اكتبه حتى استفيد ويستفيد غيري وجزاكم الله خير تحياتي ؛؛؛؛؛ [/align] |
له مواسم ودخله جيد
ولكن لا أعرف أين تباع المستلزمات وفقك الله |
مشروع حلوو لكن اضيف على كلام اخوي محمد
ان اللي اشوووفه بمحلات المستلزمات هذا طالع وهذا داخل .. طول السنه ماشي احاول استفسر من محلات المستلزمات واذا قدرت ااصل لشي يفيدك ابشر بسعدك بالتوفيق..........,,,,,,,,,’’’’,’’’,’’,,,,,,,,.... .......بالتوفيق |
الله يوفقك لكن المحل هذا ان المحلت الي في المحطات غطة عليهم
يعني المحطات الى على الخطوط فيها المستلازمات وشغالها ميه ميه |
بارك الله فيكم جميعا
والله يعطيكم العافيه |
شوف عزيزي مشروعك والله ناجح 100/100 وعسى ربي يوفقك ويفتح لك باب الرزق ,,
بس نصيحتي لك حاول انك تعبي المحل من جميع انواع مستلزمات الرحله يعني مثل السنيدي الغني عن التعريف ماشاء الله تبارك الله وأهم شي إذا تبي شوري جب لك خياط يخيط لك الجرابات والعدة اللي توضع فيها الشاهي والقهوة والكاتم إلخ تر هذا شي يخلي محلك مشهور جدا والناس تحب المحل المكمل بجميع اصنافه وعسى ربي يوفقك ويسهل عليك دربك قول آآمين |
أخوي صهيل
أبدعت في طرح الفكره وانا قبل كم يوم كنت في محلات تجهيز الرحلات في الرياض ( محل برق الحياء , محل السنيدي ) وصراحة شئ فوق الخيال واكثر من روعة وخصوصا عشاق الكشتات اذا دخلوا لازم مايطلعون الا شارين وانا صراحة شفت اشياء غايبه عن بالي ولكن انصحك اخوي بعدة امور : اولا - انك تزور محلات تجهيز الرحلات الكبيره وتاخذ فكره جيده . ثانيا - انك تبحث عن اسعار الجمله وتبيع بطريقة التفريد او عزبه كامله وتتفود فيها . ثالثا - مثل ماقال الاخ الامبراطور حط بالمحل ميزات حلوة فريده مثل خياطة الجرابات الواقية للاغراض وازيد على اخوي الامبراطور انك ممكن تسوي خياطة الخيام والرواق أو تفصيل صناديق للعزبه توضع بصندوق السياره أو شراع واقي من الامطار. وتقبل تحياتي ومروري ,,, |
بارك الله فيكم
على طرح الافكار الاخ الامبرطور ومتفائل لاكن وين تباع الجمله للمستلزمات الرحلات ؟؟؟؟؟ وجزاكم الله خير |
ليه ماتتفق مع السنيدي بطريقة أو بأخرى
مثل مبدأ الفرانشايز أفضل وأربح لك بمليون مرة |
تبغى احد يدلك على الجملة
يقولون في المثل البدوي يمشي ونشد لكن اذا انت حاب الشغله ما تحتاج تنشد عنها الجملة وسوقها في البطحاء وفق الله |
الساعة الآن 01:55 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين