ممكن مساعدتكم بخصوص الخدمة المدنية (انواع القهر وانا انتظر)
السلام عليكم ورحمة الله وبركاته شباب احتاج مساعدتكم بخصوص الخدمة المدنية هذه قصتي كاملة اولا تقدمت لهم في شهر 2 للوظائف غير التعليمية وشهادتي بكالريوس هندسة طبية تم قبولي في شهر 8 او في رمضان وتم المراجعة وقالو مبروك تم تعيينك في الرياض في وزارة الصحة طبعا انا فرحت والاهل كلهم مبسوطين وبدات المباركات وقالو بعد اجازه العيدهم يتصلواو انت تتصل عشان تعرف متى المباشرة انتظرت بعد العيد اسبوع واسبوعين ولكن محد عطاني وجه ول ما اتصل على موظف اشوف جميع انواع التصريف قررت اطلع الرياض بنفسي ورحت ولمن وصلت قالو اوراقك عند الموظف الفلاني وهو في دورة يجي بعد اسبوع حاولت اتفاهم مع مدير التوظيف (وبصراحه حاول يساعدني ولكن محد قدر يطلع الورق) اخدت نفسي ورجعت جده تاني لاني لو بقعد في الرياض اسبوع يبغالي مصاريف والحال الله يستر عليه رجعت بعد اسبوع ولقيت الموظف طبعا بعد 3 ساعات انتظار لان عنده اجتماع الموظف قلي في مشكله في وظيفتك انا طبعا جاني احباط اول ما قال الكلمة هذي قلتله ايش المشكله قال الوظيفة مصنفه قلتله طيب ايش المشكلة قلي يعني مصنفة قلتله ايش يعني مصنفة وضحلي الكلام لو سمحت قال الوظيفة تم تصنيفها الى اخصائي اجهزة طبية وانشغلت بي الموظف الفلاني من شهر 4 يعني راحت عليك يا حلو طيب كتبو خطاب بها الكلام ورجعت جدة للخدمه المدنية واعطيتهم الاوراق قامو يسالوني كيف وظفوه ؟ وانا اقله ما ادري شايفني مدير التوظيف يسالني سؤال ثاني ويقول هاذي فيها مسائلة؟ طيب تقلي انا الكلام هذا ؟ روح كلمهم؟ يقلي المفروض يعطونا خبر؟ قلتله يا حبيبي انا الي ابغى اسالكم الاثنين بعد ما عشمتوني خير وعشمتو اهلي وتباريك وقعدتو تقولو روح الرياض ؟ واخرتها اكل على راسي طبعا قالي احنا راح نتواصل مع خدمه المدنية فرع الرياض وراح نجبلك وظيفه من تحت الارض ونوظفك طبعا لي ثلاث شهور وانا اسبوعيا اروح الخدمه المدنية ويقولو ما سار شي راجعنا الاسبوع الجاي تخيلو نفسيتي من قتها انا من وقتها الى الان مصدوم شباب الي يعرف احد سار معاه موقف مشابه او يعرف كيف احلها واخد حقي والاقي وظيفه وارتاح يقلي |
وضع محبط بصراحه
ربي يسهل امورك والخيره فيما اختاره الله ان شاء الله الجاي احسن لك الله يعجل بوظيفتك |
توجه لله سبحانه واطلبه انه ياخذ بحقك ممن ظلمك وصدقني راح تاخذ حقك المهم النيه الصادقه مع الله وماراح يخيب رجواك
|
الله المستعان اكيد دخلت الواسطة الله يوفقك وياخذ حقك منهم يارب
|
أأعرف لك وحدة أخصائية علاج طبيعي صار معها زي كذا وجهت لقطاع بمدينة معينة يوم راحت قالوا لا انشغلت روحي راجعي الدييووووان يوم ارحت قال الديوان مالنا دخل وجهناك والمستشفى هو اللي شغل الوظيفة بغيرك قام والدها ورفع الدنيا ولاقعدها عليهم ومشاكل وراح لمدير المستشفى قال قدامك مدينتين واختارتوحدة منهم انت لاتسكت طالب وحسبي الله على الظالم الله لايوفقهم
|
ياخوي اشتكي عليهم دايوان المظالم لان ذا اسمه اسلوب التطفيش لين تتركهم
اما يحطوا واحد عنده واسطه وتسكت لهم اهم شي يكون عندك اوراق تثبت كلامك والله يوفقك |
المفروض من اأول ماصارت المشكلة تروح طوالي لديوان المظالم وتعمل معروض تكتب فيه مشكلتك ومعاناتك من الالف إلى الياء هذا حق من حقوقك وسلب منك
اذا سكت صرت شيطان اخرس |
حبيبي انا اسف بس الي اخذ مكانك هذا عنده واسطه وانت تعرف الواسطه واسطه الله يوفقك انا الحني انتظر حقت الدبلومات والله يستر
|
ديووووووووان المظاااااااااااااااالم اسمع كلامي والله ما تاخذ وقت الا وحقك معك....
|
حسبي الله عليهم
ان شاء الله مكتوب لك الاحسن عند الله وكل تاخيره فيها خير والتوفيق للجميع |
الساعة الآن 08:12 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين