مــوضــوع صريح هل نحن مبذرين ام لا ..
السلام عليكم ورحمة الله وبركاته .. :court: مرت من المرات وانا مع واحد صاحبي المهم سولفنا عن موضوع المصروف الشهري لكل واحد من فعندما فصلناها وجدنا انا نصرف بالهبل واننا لو اقتصدنا سيكون المدخول الشهري اقوى بكثير ... اذاً نحن مبذرين ومسرفين .. في هذا الموضوع ياريت كل واحد يقول كم مصروفه الشهري وعلى اي اساس تصرف هذا المدخول وكيف حطيت ميزانيتك الشهررية... بكــــــــــــل شفافيـــة ووضــووح .. طبعاً بما أن تخصصي محاسبة .. حددت مخصصات شهرية لكل مصروف من مصروفات تحت بند اسمه مخصص المصروفات الشهرية والي يزيد منها يكون فائض :rolleyes: هذا إذا كان فيه فائض وفي حالة العجز إحتاجي لمبلغ معين معناته عندي عجز وللأسف ياكثرها يعني ليه مانقدر نحط مخصصات محددة ونمشي عليها بالظبط :( يعني في أمريكا والدول المتقدمه نظامهم كذا واعقد صح ان رواتبهم اقوى ولكن يمشون على خطط محددة انتم مارئيكم بها الطريقة .. يعني سمعت ان الشعب الامريكي لو بغى يشتري جهاز ب 200 ريال اشتراه بالتقسيط والسبب يرجع لانه لايريد اخلال بالميزانية الشهرية .. انا بقولكم مخصصاتي وكل واحد يقرء الموضوع يعطيني رايه بخصوص هل المخصصاات ويعطيني مخصصاته وصرفيته الشهريه تقريباً .. ابي اشوف هل انا مبذر ام العكس .. 1- مخصص مصروف البتروول : 400 ريال شهرياً . 2- مخصص مصروف الزيت حق السيارة : 100 ريال شهرياً . 3- مخصص مصروف الجوال : فاتورتك قسمها على 2 وبكذا تطلع مصروفك الشهري بالنسبه لي محدد شهرياً 150 ريال . 4- مخصص مصروف المطاعم : 200 ريال شهرياً ومع العلم مو كل ايام الشهر اتعشى في مطعم بس ايام الاربعاء والخميس والجمعه .. والباقي في البيت . 5- مخصص مصروف غسيل السيارة : 50 ريال شهرياً . 6- مخصص مصروفات نثرية ( غير محددة ) : 100 ريال . مصروفي الشهري تقريباً 1.000 ريال (( أحسها كثيره وانا عزوبي وعايش مع الأهل )) .. أجل وشلون لين تزوجت وجاني عيال والله اني ببلش فيهم .. :) أرجو التفاعل في الموضوع وشكــــــــــــــــراً .. أخوكم / سند . |
اقتباس:
مصروفي للجوال مثل مصروفك >>> لكن بزيادة صفر :d = 1500 ريال :eek: ... والباقي ... ما يحتاج أقول عنه ... يكفي لك الفاتورة الحلوة ... >>> وتراها لجوال واحد بس <<< ... وبلا فخر ... مبذرة من الدرجة الأولى ... ;) |
هلا بك أختي الغالية بس ووووووووووووين 1500 ريال والله كثير ..
شكلك تحبين الثرثرة الله يستر عليك بس .. عندي سؤال وش تحسين فيه اذا جيتي تسددين الفاتورة ؟؟ . |
نعم مبذر وبقوة...؟
اقتباس:
الله يعطيك العافية على الموضوع وخفف من مصروفاتك.... |
اقتباس:
<<< مو ثرثرة :court: ... هذا النت وعمايله ... :eek: :court: ... عادي ياعم سند ... إحساسي إحساس أي مواطن سعودي يسدد جواله ... <<<<< بس القهر ... لما تبدء دورة القراءة الضوئية ... وأكون مطيرة الراتب كله ... :cry: ... بس لا تنسى إني بنت ومسؤوله من أهلي ... هذا غير راتبي ... >>>> ما أدري وين أوديه :cool: .. مطيرته في الدراسة والدورات و الجوال والهدايا :eek: ... أهم شي الأخلاق .. وحب الوطن ... وحليب السعودية ... :rolleyes: |
المستشاره / ابشري ان شاء الله والله يخليك ..
tam / وش دراك أني اموت في شي أسمه حليب سعودية ونسيت مخصص حليب السعودية (( هههههههههه امزح عاد )) باكستاني على غفله ... . |
tam / وش تتكلم عنه القراء الضوئية غريبة اول مرة اسمع بها الدورة ..
. |
اخوي صللك ركعتين شكر لله لان مصروفك الحمد لله موشي مع مصاريفنا معدل المصروف اليومي من 100الى 150 غير الجوال كل شهر 1000 ريال بس الحمد لله على سنع
|
سند جزاك ربي خيرا ويعافيك...بصراحه انا الريال مايجلس في ايدي ههههههههههي..وفلوسي كلها بالدورات....هههههههي الحمدالله...
>>القراء الضوئية <<دوره تقاام في جده ودايم اسمع اعلان عنها بالجرايد.. وربي يوفقكم..... ودمتمممم........ |
ادور وظيفة / انت من جدك (( مو مصدق ان فيه واحد يصرف مثلك )) ..
الله يهديك بس .. جوري / بقولك نصيحة لوجه الله (( الدورات والشهادات مثل - الصـك حق البيت - بيجي يوم يفيدك واسالي مجرب وبيجي يوم يمتلي ملفك شهادات ودورات (( وتتشرطي على الشركات )) اعرف واحد صاحبي محاسب في الشركة راتبه 15.000 ريال سالت المدير عن السبب .. راح جاب لي ملف هالموظف وقال طالع ملفه وربي يمكن 35 شهادة ودورة .. قلتله صراحة الحين اقتنعت بالسبب .. بس ياختي ركزي على اللغة تراها اهم شي ،، الله يوفق الجميع ان شاء الله .. |
الساعة الآن 11:03 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين