|
من عنده خبرة في معدات المخبوزات؟؟
بسم الله الرحمن الرحيم السلام عليكم ورحمة الله وبركاتة عندي كم سؤال واتمنى من اللي يعرف او عنده خلفيه بالموضوع ما يبخل علي بالرد انا ناوي افتح مخبز للمخبوزات والمعجنات والحلويات بس ودي اعرف شنهي المكائن الكاملة اللي احتاجها؟ من افران وسيورومعدات وخلاطات؟ وكم يترواح اسعار المعدات الكامله لفتح مخبز اوتوماتيكي؟ تكفون اللي يعرف يعلمني ولكم تحياتي :) |
[align=center]
المخابز انواع 1/منها مخبز يدوي وهذا فرن من الحجر وتسوي فيه المعجنات مثل محلات البيتزاء والفطائر. وهذا على حسب .... انت الى تقدر تسعره وكله يركب لك من اقرب مقاول يعني مايحتاج الى شركات متخصصة يعني نفس محلات الفطائر . 2/مخبر نصف آلي وهذا فيه الاللات وفيه فرن من الحجر وهذا هو الاغلب في صناعة الخبز المفرود الى بالمحلات يكون نص آلي, وهذا تحتاج الى آلة تقطيع وفرد الخبز ويمكن يكون تكلفته في حدود 150وقد يكون اقل 3/مخبر آلي كامل الى هو يسمونها المخابر الاتوماتيكية.. وهذا الى تلاقية ببعض المحلات يعني انت ماتلاحظ في خبز اول ماتشترية مايمر ساعتين الا هو يابس وخربان هذا النص آلي وهو منتشر بكثره. بس في خبز يجلس اسبوع عادي مايخرب لو تمسك الخبزة وتفتحتها بالوسط تنفرد لك خبزتين هذا هو الا آلي وفي الالي 100% من العجن الى التكييس يفرق عن النوع الثالث التكيس ان الثالث يكيسونه العمال والاخير يتكيس بالالات وهذا مكلف بدون فائدة وهذا مكلف يمكن مستعمل يصل تجهيزة الى 320الف تجهيز كامل للمحل .. ايجار وعمال ومخبز الخ. بس مستعمل جديد يوصل الى مليون حسب الى تبي وفي انواع . صيني وهذا انحش عنه وفي الماني وفرنسي ومصري واماراتي ولبناني والاول بالعالم مش عندنا بس . بالعالم الالات الى تجي من لبنان اسمها سالتك بس دور سالتك اصلي وهذا تطلبة من لبنان ويجيبونه لك طلبية ويركبونه لك لمحل .. طبعا انا عارف انك اذا بتسوي راح تقدر ع الاول او الثاني لان الثالث مكلف جدا ويحتاج الى عمالة محترفة مش بس تجيب اللالات في مخباز فقط خبز مفرود وصامولي هذا جديد يكلف كامل 400الى450 لكن اذا معمل خبز وصامولي وفطائر وسمبوسة ومعجنات يمكن يكون 550 وكل مازودت ارتفع السعر اتمني اني افتدك واذا لديك سؤال اتمني تخصص السؤال ولا يكون سؤال عام عشان تستفيد [/align] |
^
^ اول مره اعرف ان الآت الخبز مكلفه لهدرجه اجل يبيله اربع سنين على بال مايطلع قيمة الآله فقط بالتوفيق يارب |
^
^ ^ هي اكثر من آله آله عجن آله تقطيع فرن صامولي فرن معجنات فرن مفرود سيور فرن وسيور احتياط عشان اذا وقف السير وعندك التزامات تشتغل ع الاحتياط هذا اذا معاك عقود مهمه وطبعا في انواع من الفرون الى ذكرت في غاز وفي قاز وفي كهرب القاز ممنوع والان في مخابز تحط ديزل وهو مضر بالصحة والاحسن هو الكهرب بس مكلف عليك طبعا تقدر تاخذ مستعمل, فرن صامولي تلاقية 15الف وفوق وتاخذ سيور مستعملة وفرن مفرود بيكلفك 230الف +ايجار المحلات حسب المكان والمساحة ماراح يقل عن 60الف+التجهيزات ونقل المستعمل وغيره30 يعني زي ماقلت لك بحدود 320 بس تقدر تفتح الخيار الثاني بيكلفك مية وخمسين مية وعشرين حسب حاجتك يمكن يكلفك مليون بس انت اعمل الى تحتاجة ولو انت ظبطت الدراسة ووش الى تبي بيطلع لك معمل نص اللي بحدود 120الى 150 ويمكن اقل يمكن مايكلف الا 80الف بس على حسب الى بتعمله صامولي ومفرود وبس او معجنات كاملة ؟؟؟ |
^
مشكور على المعلومات القيمة وخاصة مسألة خراب الخبز حيث لاحظت أن الخبز أصبح لا يمكث يوما أو يومين إلا وهو تالف بينما بينما كان يبقى لعدة أيام قبل عدة سنوات الظاهر المخابز اللي عندنا كلها يدوية |
يعطيك العافيه h2
وماقصــرت بس انا عندي سؤال؟ وادري اني راح اتعبك بس انشالله في ميزان حسناتك اتمنى تقول لي شنهي المعدات بالظبط لمخبز آلي لعمل الخبــز والصامولي والكيك والمعجنات وكم تكلف (طبعا انا اتكلم عن مخبــز نص اوتوماتيكي ) وهل يحتاج معلم خبــز من مصر مثلا او من لبنان؟ او عادي اي عامل يقدر يعجن ويخبز المطلوب بالسوق؟ وعندي سؤال أخيـــر: بالنسبه للحلويات والكيك والبقلاوات والبسكوت هل يحتاج الا آله خاصه او فرن خاص.؟ ويعطيك الف عافيه |
^
^ ^ اخوي الخبز المفرود له خط سير والصامولي له فرن خاص والمعجنات تقريبا تقدر تستخدم فرن الصامولي لها والفرن تبع الصامولي يكلف من 25الف الى 60الف وبالنسبة للعمال اذا بتحط نص اللي تقدر تجيب اي عمال, بس راح يكون الخبز اي كلام يعني مش حالك مثل الى منتشر بالسوق بس اذا تبي خبز صح لازم ناس تظبط المقادير وتعرف تدير المخبز وهذولي بالغالب من لبنان وانا لما اقول من لبنان مو خلاص محد يقدر يسويها الا هم لا بس لانهم هم الى يجيدونها افضل يعني عندك مثلا مطاعم المندي لو سئلتك وقلت لك ابي افتح مندي وش تنصحني بالعمال الصح او وش رايك اجيب اي عمال ؟؟؟ اكيد ماراح تقول لي جب لبناني او مصري او هندي الخ على طول بتقول يمني . عرفت علي اخوي لكن اذا تبي اي طبخ بتقول لي جب الى عامل هندي باكستاني كلها لحم او دجاج ورز وانتهينا هنا نفسة المخبز نرجع للمعدات. وفي معدات التوست وانواع كثيرة و الكيس الكبير تطلع من تقريباً ربح 45ريال الى 55ريال يعني كيس الطحين الواحد تقدر تسوي منه 125كيس خبز مفرود نجي للخسائر في بقالات مثلا تنزل عندها 30كيس وبكره يرجعون لك 10 هذي انت الى تتحملها يعني تاخذها وتتلفها او تبيعها لاهل المواشي بس احسب انك خسرت فيها لانك بتبيعها بربع التكلفة الاساسية والى يبي يجهز محل في مستعمل وفي جديد بس اذا نص اللي او نص اتوماتيكي بيكلف من فوق المية وترا خلو في بالكم الرجيع هذا انت الى بتتحمله والرجيع الى هو الخبز الى يرجع لك من البقالات والمطاعم وغيره بالعربي اذا ماصار المعمل اللي 100% لاتفكر فيه والاتوماتيكي100% بيكلف فوق360الف هذا اذا خطين انتاج صامولي ومفرود ع العموم المخابز فيها خير بس مو مثل اي مشروع لانه لازم راس مال قوي واحد يجي ويقول بشتري مستعمل المستعمل ماراح يقل سعره عن الجديد الا فقط ربع القيمة بعدين راح تحصل في جرايد الوسيلة وغيرها اعلاانات بيع معدات مخابز انا حصلت اعلانات كثيرة قبل سنه لاني فكرت افتح وحصلت التلكفة عالية لاني مابي افتح لا يدوي ولا نص اتوماتيكي حطيت اعلان اغلب الى يتصلون يقولون المعمل ماشغلناه وبنبيعه اغلبهم اسعارهم اقل بربع المبلغ يعني حصلت مستعمل مكروف بـ180الف وحصلت نظيف وتوه ما اشتغل بسعر 240 وجديد340 واغلب الى يبيعون اما بيطورون المحل او في شركاء اختلفو والا غلب اتصلوا يقولون اختلاف بين الشركاء عاد ماندري وش السبب الحقيقي وبالنسبة للعمالة زي ماقلت لكم اذا تبي خبز صح دور لك معلم صح يظبط مقادير الخبز واذا ماتفرق عادي جب اي عامل اهم شي يظبط الخميرة والملح :) والحين تشوفون العثيم بداء يحط في السوبرمارت تبعه مخابز هذي مخابز اتكوماتيكية وكذلك الصامولي الى يسوونه العثيم عشان كذا تحصل خبزهم اطيب ويبطي مايخرب تقدر تروح لاي فرع من فروع العثيم الكبار وتشوف المخبز يشتغل قدامك ويطلع الخبز هذا الى سعره 280الف طبعا اضف له ايجار المعمل الى بتاخذ وغيره بتوصل الى 340الى 360 |
[align=center]
اقتباس:
اهم المعدات الة عجن العجين الة تقطيع ووزن العجين خط سير خبز مفرود فرن وهذا انت الى تحدد اما كهربائي( تكلفته اعلى بقليل بس صحي وجزاه الله خير الى يحط كهربائي) او ديزل (ممنوع مضر بالصحةوالله لايربح من حط معملة بالديزل) او غاز (اتوقع ماعاد فيه الان وهو وسط اقل تكلفة من الكهرباء واعلى من الديزل بس مدري في الان او لا) هذا للمفرود نجي للصامولي نفس الى فوق بس بدل خط السير عادي صفائح لوضع الصامولي عليها بعد التقطيع وانتهينا فرن الصامولي في انواع في دوار وفي عادي والاسعار من 20الف الى 80الف ع حسب وهذا مو لبناني اتوقع فرنسي او الماني الى انصح فيه يكون من لبنان هو المفرود تخيل حتى دول اورباء وامريكا تشتري من الالات من لبنان ولا قدر احد يتفوق عليهم لان اصلا الخبز بالاصل لبناني الى هو الخبز المفرود هو بالاساس اسمه خبز لبناني هذا بالنسبة للصامولي واللبناني لكن المعجنات تقدر تشكلها على كيف العامل وتستخدم فرن الصامولي وانا ماعرف شي عن المجعنات فقط انا كنت ابي افتح معمل صامولي ومفرود فقط. ولا ابي اقول شي وانا ماعرفه اخوي يعني المعجنات الثانية زي ماقلت لك تقدر تستخدم فرن الصامولي . اقتباس:
على حسب وش تبي انت والتكلفة في حدود 130الى 180 بس على حسب موقع المحل وايجارة والمعدات الى تبي صيني سالتك فرنسي الخ بس زي ماقلت لك بهالحدود وانت اعمل دراسة وشوف الاسعار بعد ماتعمل الدراسة وانا زي ماقلت لك تعتمد على الموقع والايجار والى بتسويه يمكن انت فقط خبز وصامولي بس اذا نص اتوماتيكي ع الاقل استفيد من فرن الصامولي وفرن المحل الى هو مثل افران البيتزاء واعمل معجنات وافتح محل فتحتين وخليها معجنات وخبز ووزع خبز ع المحلات وزي ماقلت لك في حدود 130الى 180 واعيد تقد تكون مثل ماذكرت بهالسعر او اعلا لاني انا ماعملت دراسة على النص اتوماتيكي فقط ع الاتوماتيكي وحصلت التلكفة كبيرة . اقتباس:
يمكن تحتاج قوالب بس بالنسبة للالة اتوقع تقدر تستخدم فرن الصامولي وتشتري صفائح وصحون خاصة للمعجنات وتدخلها بالفرن وانتيها. اتمني اني افدتكم .. اتمني التوفيق للجميع [/align] |
اخوي H2
يعطيك الف مليون عافيه وماقصرت وكفيت ووفيت والله يجعله من موازين حسناتك والله يسهل |
معلومات قيمة جداً
وفقكم الله |
| الساعة الآن 02:00 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين