|
تعرفي تسوي قهوة وعندك سواق؟تعرف تسوي قهوة ؟- اكسب 2000 ريال شهريا
السلام عليكم ورحمة الله وبركاته
في أحد المنتديات وحده سألت عن مشروع وماأدري كيف جات الفكرة ببالي افتكرت صورة عن معلمات وجدول القهوة بينهم وأنا كاتبه الموضوع ماأبغى غير الأجر لو استفدتوا منه والله يوفقكم الموضوع اشتراك شهري من مجموعة معلمات من خمس مدارس (ممكن تسوقوا بتوزيع كروت على المدارس) لو عندك سواق أو لو كنت شاب المهم تكون في سيارة متوفرة عشان يكون المكسب 2000 ريال (ماتضيع بدفع التوصيل) المجموعة من المدرسة الوحده تدفع اشتراك شهري مقداره 400 ريال مقابل دلتين قهوة توصلهم يعني الدلة الوحده ب 10 ريال في اليوم السواق اللي بيروح يودي القهوة يودي الدلتين وياخذ منهم الدلتين اللي أمس جابهم يعني يكفي مشوار واحد في اليوم بالصباح لو خمس مدارس اتفقوا 400 *5 = 2000ريال طبعا هذا مبدأيا بعد كذا يبدأ عروض حلا وانت وسعرك ماأدري عن مدى نجاح المشروع لكن قلت يمكن أحد يستفيد ويزيد أفكار من عنده لتحسين أي قصور بالفكرة والله يوفقنا جميعا |
هلا فيك اختي ما شاء الله والله فكرررررررررررررررررره مره جنان وعلى فكره المدرسات كسلانات ويمكن مغرورات فما راح تصحى مع صلاة الصبح تسوي قهوه ههههههههههههههههههه الله يوفقك ويجزااااااااااااااااك كل خير ولك مني اجمل تحيه :) |
عالم القهوة
شكرا عالمرور وجزاك الله كل خير والله يوفق الجميع |
الفكره حلوه فكرت التوصيل وسالفه القهوه انا مدرسه والقهوه نسويها ببيوتنا كل يوم ع معلمتين او الفراشه حقت المدرسه تسويها لنا
بس ممكن تتعامل مع تاجره توصل بضايعها وتاخذ حق الممشوار (30 ريال -50ريال) جزاك الله خير ع الموضوع |
اقتباس:
وتسلمي على المبادرة الحلوة منك والله يجزاك خير |
فكرة طيبه ،يبي أحد يطورها ويضبطها ويتوكل على الله
|
والله فكرة حلوة ..
عاد انا في القهوة ......... مافيها كلام ماشاء الله علي اضبطها ... بس اشوفها صعبة ان وحده معها شهادة دبلوم حاسب وفي النهاية تسوي قهوة وتبيع , صح انها مو عيب بس انا درست وجبت الشهادة عشان اشتغل فيها مو ابروزها .. >>> الله لا يقولها <<<. |
الله يجزاك الجنة صراحة فكرة حلوة واهم شي رزق حلال ... بس المشكلة شلون اتفق مع المدرسات يبي لها
اروح المدارس وانا صراحة استحي .. اللهم انا نسألك الرزق الحلال |
ما شاء الله
وأيضاً مدارس البنين تضاف على الفكرة وفقك الله |
الشغل ماهو عيب وخاصة عندما يكون حلال ولكن العيب هو أن اطلب مصروفي من الغير
وانا لي تجربة مع المدرسات يازين فلوسهم كنت أحضر لهم الفطور يومياً من اي مطعم يريدون مقابل 30 ريال للمشوار 600 ريال في الشهر للفطور ومايكلفني نصف ساعة من يبحث عن الرزق يجده ولكن الكسل وش الحل فية |
| الساعة الآن 03:11 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين