متى تنزل المساعدات التكميلية
سؤال تكفووون ليش تـأخرت المساعدات التكميلية انا مقدم من شهر 5 سنة 1430 الى حد الان ماجاء شي شنهو السبب تعبت وانا اراجع وكل يقولوا بكل برووود ماوصل شي اذا في خبر افيدوني جزاكم الله خير
|
بصراحه التأخير هذا من التساهل وعدم الاهتمام
واكل اموال الحق العام لو اقولكم قصه صارت معي ماتصدقون انا ادرس ومعي طالب ابن وزير الشؤون وطلبت منه ان يشوف وش سبب التأخير يمكن تقصير من الموظفين وقال انه ما يساعد اهله |
ينفع نشتكي على الرقم 980 الي قال عنه الامير نايف للرشاوي والفساد الاداري ؟؟؟؟؟
ولا مايخصهم؟؟ |
والله حتى انا قدمت في شهر 11 من عام1430 ماجاني ايشي مادري ليش
|
والله انا ناوي اشتكي في جريدة اليوم عن تأخيرهم بس اخاف تروح علي وعناااد مايجيني ولا ريال خلوني ساكت احسن لي
|
طاب يومكم بكل خير ,,, المشاركات من اخوان والاخوات من الاعضاء او الزوار تصب باتجاه واحد الموظف والاهمال وقلة الذمه وووووالخ, ومع اني بعيدا عن هذا الموضوع ولكن اتابع هموم هذا المنتديات وبتحديد في قسم التقاعد والضمان الاجتماعي فقد تابعت لمعرفة تفاصيل هذا التاخير ليكون في نهاية المطاف ان البند المعتمد من وزارة الماليه انتهى منذ شهر 5 من عام 1430هـ والبالغ مقداره 264 مليون ريال تقريبا واعتقد وحسب مصادري من تلك المعلومه بان البدء بالصرف سيكون قريبا ,,, اعان الله جميع المسلمين ونفسي ودعوه للجميع بحسن الظن بالمسلمين. مع ودي Mihs |
ارسلو برقيات شكاوي للملك ابو متعب ويجيك الحل كل واحد يكتب مشكلتة وانة قدم للظمان وتاخرت المساعدة
كذا راح يتغير وظعكم ويمكن يتغير الوزير نفسة |
حتى أنا نفس الحال من شهر 5 مقدم وللحين مافيه أي شي
ياليت اللي عنده خبر يفيدنا ودمتم سالمين والله يسهل الامور ويسرها |
السلام عليكم
انا نفس وضعك مقدم من شهر4 ولم يحدث تغيير كل مارجعنا قالو الشهر الثاني أو مؤجل |
معليه لا تزعلون بالكم بس انتم اللي قدمتوا؟؟ مافي منتسب بالضمان مقدم والدور سرا يعني كلن بيجي حقه بس لا يستعجل الانسان ويحط بذمته شي مافي شي اسمه تلاعب لانهم حتى هم ناس لهم ذمه وضمير وامانه وموظفين حالهم حال اي موظف ماهم مستفيدين شي اجراءات هالطلب تاخذ تدقيق وتاخذ وقت ويعني ماشاء الله هالموظفين مالهم الا يدين ماهن عشره وتخيلو كم ورقه يوديها ويجيبها ويتحقق من مصداقيتها ثم تتوقع ولازم كل عدد معين تجمع ثم تصرف لهم هالمبالغ وهكذا يعني بالالوف الناس تتقدم لهالطلب عند الضمان تخيلو بس وضعهم وراح تعرفون ان مالهم ذنب اتحدى واحد منكم يتحمل هالظغط زين ان ما جتهم امراض نفسية اللي ينافخ عليهم واللي يدعي عليهم ومجبرين يتحملون لانهم عارفين وضعهم وحاسين بهم بس ما بيدهم شي سوا انهم ياخذون اوراقهم ويسلمونها للقسم المسؤول اللي الله يكون بعونهم عندهم الوف الاوراق الللي تحتاج تدقيق وتوقيع ....صدقوني اللي رابي كاتب له شي بيجيه اهم شي ما يحط بذمته شي اتجاه احد ويتهم احد بالتوفيق
|
الساعة الآن 07:03 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين