قبل ما انفذ عطوني رايكم وادعوا لي باتوفيق والشفاء
السلام عليكم
انا قريت عدة مشاريع من منتداكم المميز وكلموني اعضاء عن مشاريع خرافيه ماشاء الله والله يرزقهم ويوفقهم المهم انا قريت موضوع باتحديد لابن الهيلا وهو عن الدنه( دينا ) بس كانت فكرة ابن الهيلا نأجر دينا وننقل انتاج مزرعه وفي الرياض قليله المزارع او انا ما اعرف وين مكانهم باضبط المهم انا الحين فكرت اشتري لي دينا واعطيها عامل بأجار كل شهر او كل ست شهور مثلا اتفقت معه كل شهر 2000 ريال هو يشتغل عليها ان شاء الله يطلع 5000 انا يعطيني 2000 كل شهر ولقيت كم عامل وجاهزين للشغل انا بس باقي اروح اشتري دنه او دنتين بعد وش رايكم ؟؟؟؟؟ وعندي سؤال للي جرب هذي الشغله كم تاخذ من العمال كل شهر لاني مدري 2000 او 2500 او 3000 ابي اعرف كم باضبط عشان اتفق معهم على المبلغ انا سالت واحد قال مافي معلوم ممكن 2300 وقلت بسألكم واشوف ادعوا لي باتوفيق والشفاء |
أول شيء أنصح تبداء في وحده
ثاني شيء بالنسبة للإيجار يختلف على حسب نظافة الدينا وهي فعلا تتراوح من 2000-3000 وحاول تضبط امورك مو اي واحد تعطيه الدينا الله يوفقك يارب |
انا باخذها مستعمله
واسلمه الدنه نظيفه وهو عاد يسوي فيها الي يبي وكل شي عليه بنزين وخرابات وزيت كل شي على الي بياخذها واكيد اني بشرط عليه يرجعها نظيفه اذا مثلا مايبي يشتغل عليها ترجع لي نظيفه مثل ما سلمته |
لكن العامل لا يهمه المحافظة على الدنيا
وقد تأخذ الأجار الشهري وعند استلام الدينا تصلحها بنفس تكلفة الإيجار وفقك الله |
السلام عليكم
انا افضل تأجرها عليه اجار منتهي بالتمليك لانه بيحافظ على الدينا لانها بتصير ملكه وغير كذا حاول تطلع راس مالك خلال السنة الاولى والسنين الباقيه اعتبرها ارباح مثلا اشرط عليه الايجار يكون مدة 5 سنوات السنة الاولى حق راس المال والاربع سنوات الباقيه ارباح في جيبك والله الموفق |
^^^^^^^
فكرتك حلوه مع بعض التعديل |
فكرة kone رائعة
وفي نفس الوقت ماتشيل هم الدينا بعد ماتخلص اقساط المدة المتفق عليها وحط بجيبك ارباح حلوة بس احسبها صح بحيث يكون القسط الشهري يغطي راس المال خلال سنة او سنتين واتمنى لك التوفيق ,,, |
ماقصرتوا جزاكم الله خير
|
لله يوفقك و يشفيك
|
2000 برائيي قليله
نقل الخضار من المزارع يحصل منها اكثر من 5000 الاف وهي فتره واحده صباحيه واكيد انه سيعمل اعمال اخري تمنياتي لك بالتوفيق |
الله يوفقك ويشفيك
|
اذا ماتبي تشتغل عليها انت مانصحك فيها |
لا اخوي فكره انك تعطيها اياه اجار منتهي با التمليك احسلك واضمن لك
وعلى فكره تره انا عندي محل بحفر الباطن واجيب خضره من الرياض 700 ريال وكلها 500 كيلو وماراح يرجع والدنه فاضيه هذا با اليوم الواحد فما بالك با الشهر توكل على الله بس اهم شي يكون السواق مضمون وتكتبون عقد بينك وبينه ومده محدده ولله يوفقك ويشفيك ياارب |
يا رجل صلي على رسول الله
ايش تاجرها على عاااااااااامل افشل المشاريع في نظري المشروع اللي يعتمد على عامل مين ما كان يكووون يا اخوي ابدا فيها انت انت اكرف عليها مالك وتعرف كيف تصونه يا خوي تراها استغلال يا خذ مالك ويكد عليه ويكر والديه ويسكتك بالفين ولا ثلاثه ويحط في جيبه مبلغ وقدره يا خوي انت لا تغلب نفسك بكم تاخذ الدينه ما يقل عن 90 الف سواً جديده او مستعمله تاجرها بالفين ؟؟ السنه بـ اربع وعشرين الف ولا في اربع سنين تجيب راس مالها انت صاحب المال و الراي لك |
اقتباس:
ما اقصد ان المشروع ما يكون فيه عامل ....لا اقصد ان الحل والربط يكون بيدي انا مو بكره العامل انحاش اقعد اكش ذبان |
فكره جداااااااااااااااا ممتازه وحلوه مرررررررررره
الله يوفقك وعلى فكره تدخل ذهب |
الساعة الآن 11:00 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين