|
الى متى ؟؟؟؟؟؟؟؟
السلام عليكم ورحمة الله وبركاته كليه فتحت بالمملكه للدراسه ولكن !!! النتيجه !!! لاوظيفه ماذنبنا طلاب كلية المجتمع لا نتوظف .. كل شخص يقدم وظيفه يطلبون منه شهادة كمبيوتر واذا جينا احنا قالو لا انتم مجتمع مانستفيد منكم بشي كل شخص يقدم على وظيفه يقولون له مطلوب ان تكون معك لغه انجليزيه واذا قدمنا احنا ياطلاب المجتمع قالو لا انتم مجتمع مانستفيد من شهادتكم ليش تفتحون كلية المجتمع اذا النتيجه مافي وظيفه ؟؟؟؟؟؟؟؟؟؟ ليش خليتونا نضيع سنين العمر والنتيجه مافي توظيف دخلت الكليه علشان اتوظف بسرعه وبالاخير !!!!!!!!!!!!!!!!!!!!!!!!!!!!!!!!!!!!!!!!!! كل شهر انتظر الشفقه من الناس وانا خريجة كلية .. الوالد مشغول في زوجته الثانيه وامي عايشه على الضمان هو لنا والا للبيت وانتم عارفين غلاء الاسعار ليش كذا ؟؟؟ والله والله العظيم اني رحت ادور شغل في المدارس بكون مستخدمه انظف واغسل بس تصدقون!! لازم واسسسسسسسسطه من وين لي من وين الواسطه .. ؟؟؟؟ اربع سنوات انتظر التوظيف ولا حصلت واختي اكبر مني خريجة 1419 للحين ماتوظفت والمصيبه شهادتها بكالريوس درسات اسلاميه يبغون واسطه.. رحت للأحوال رحت للبنوك رحت للضمان رحت لمكتب العمل والعمال ملفي يشهد له ملايين القطاعات بس ماتوظفت يبغون واسطه.. عيشتي والله يرثى لها حالتي تتدهور كل يوم الاسعار ارتفعت ..الوظائف قلت ..من وين نصرف ونعيش من وين ناكل؟؟ من وين علموني بس !! ياليت القى حل ياليت .. اعذروني على الاطاله بس هذي همومي وشكيتها لكم .. الله يعين الله يعين |
يارب يكون بعونكــ جربي الدروس الخصوصية للإبتدائي بنات و أولاد أختكــ مجموعة وأنتي مجموعة والدفع مقدم وإعلان بمجلة أو بلوتوث هذا الحل الوسط لين يوصل قبولكــ أو تفرج بقدرة الله أطيب تحية |
"الله يفرج همك اختي"عليكي بالدعاء والصبر
|
الله يرزقك ويرزق كل العاطلين وبالنسبه للكلية والله انا من زمان اتمنى يقفلونها
|
اختي ما بعد الضيق الا الفرج وانشاءالله الحالة تبي تزين والامور تبي تتعدل وانشاءالله تكون هالهموم من الماضي
الله يسر امرك ويفرجها عليك مالك الا الصبر والدعاء والله ما يضيع عبده وربي معك انشاءالله الله يكون بعونك وانشاءالله تفرج تفرج |
الله يجزاكم خير جميعاً ويفرج همكم
ويرزقكم .. شاكره تواجدكم ومواستكم لي وان شاءالله ربي يفرجها |
حيا الله أختي محتاجه اتوظف
وسعي بالك و الأمور ما تؤخذ بعصبيه و ياس تفائلي بالخير عطينا معلومات مؤهلاتك و بأذن الله بييسر الله لك و يفرحك بالوظيفه |
اختـــــــــــــــي الحين اذا قالولك بنوظفك من دون واسطه لازم تستغربين ، الله يعينك نفس المعاناة اللي عندك تعب ومذاكره وسهر وفي الاخير مالها قيمة الشهادة !!! زميلات اعرفهم كانت معدلاتهم متدنية وكانوا وقت المحاضرة ينامون والله ونوم عميق لدرجة الشخير هههههههه وانا اصحيهم اذا خلصت المحاضرة هم توظفوا وانا اللي كنت احضر المحاضرات واركز واكتب قاعده بالبيت !!! هم بكل سهولة توظفوا لأن معاهم واسطه ...
بس صدقيني مع اني فاقدة الأب من لما كان عمري 3 سنوات ولا اعرف الامان والاطمئنان ومع اني زيك تعبت واخذت شهادات ولفيت في كل مكان ولا لقيت بس ما يـــــــــأست بالعكس صار عندي مناعة واكيد كل شيء له نهاية احيانا يزيد الاحباط عندي وجتلي امراض روحية واتعب نفسياً من القهر بس وش نسوي صبر جميل لازم نقاوم ، خليك قويـــة ومتفائلة وعادي لو حسيتي انك تعبانه بس لازم ترجعين تتماسكين .. الحاسب والانجلش لازم تاخذي حاسب وانجلش ، حاسب فاكرة في شركة سعودي اوجيه اظن تاخذي عندهم دورة من دون مقابل بس مو عارفه متى تبدأ ، واذا على الانجلش لو تحبي اساعدك مافي مانع اذا عندك رغبة لأن الانجلش ضروري حتى لو بس يكون مستواك متوسط كويس |
الله يجزاك بالخير اخوي ابن الوطن
ماقصرت يطول بعمرك |
ماتقصرين اختي سوسن ولكن انا يهمني الواسطه
لأن لو عندك ملايين الشهادات وماعندك واسطه مستحيل تتوظفين بس الشكوى لله الله يجزاك بالخير ويرزقك ويطول بعمرك |
| الساعة الآن 08:19 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين