مشروع مربح جدا بس ابي دعواتكم
 

[align=center]
بسم الله الرحمن الرحيم
السلام عليكم ورحمة الله وبركاته

يا اخوان عندي مشروع مربح جدا جدا جدا ومضمون 100%
مابي الا ان تدعون لي ووالديّ
أول موضوع اكتبة في هذا المنتدى
وأتمنى من الله يوفق الجميع
مشروع ممكن بعض الأعضاء ينتقدني فية ليس للمشروع وانما لمبلغ المشروع
يا اخوان ويا اخوات المشروع هو عبارة عن بناء وحدات سكنية وبيعها
بس راس مال المشروع ممكن انة بيكون عالي على الاخوان
على العموم ابفصل المشروع وتحملوني

راس مال المشروع 400.000 ريال
تشتري ارض مثلا بقيمة 130.000 ريال
وتقيم عليها دور واحد بمسطح مثلا 320 م
تكلفة المتر اذا كان شغلك ممتاز جدا ب 850 ريال كأعلى سعر
اذا حسبنا تكلفة البناء 320م * 850 ريال يظهر الناتج 270.000 ريال
تكلفة البناء + قيمة الارض = المجموع الكلي
270.000 + 130.000 = 400.000 ريال كأعلى تقدير
أنا اقول كأعلى تقدير يعني ماراح يكلف الدور الواحد تقريبا 370.000 ريال

نجي هنا لمربط الفرس
كم سعر البيع
أنا اتكلم عن منطقتي والمناطق تختلف بالأسعار

سعر البيع تقريبا 550.000 ريال
خلنا نقول 500.000 ريال

سعر البيع - تكلفة البناء = الفائدة
500.000 - 400.000 = 100.000 ريال

يعني الفائدة 100.000 ريال خلال 6 شهور
بالسنة 200.000 ريال وممكن يتطور بعد سنة

يعني السنة الاولى تبني كل 6 شهور منزل والسنة الثانية كل ستة شهور منزلين



ادري بتقولون رأس المال كبير بس اذا نظرنا للفائدة وضمانية الربح ممكن نجد الف حل وحل

وانا ابي انصحكم نصيحة اللي ماعندة هالمبلغ ممكن انه يكلم اخوانة او احد اقاربة وكل شخص مثلا يساهم بمبلغ 50.000 ريال وتمشي الامور


اسف على الاطالة وأتمنى اني وصلت المعلومة
وصدقوني انا مجرب هالشغلة والحمد لله

وأنا مابي الا دعائكم

وصدقوني كما قال الرسول صلى الله علية وسلم (لايؤمن أحدكم حتى يحب لأخية مايحب لنفسة)

هذا وصلى الله وسلم على نبينا محمد
[/align]

الله يووفقك ياخوي ويسهل امورك ويرزقك اكثر واكثر ..

هالمشروع حلو للي عندهم مؤسسه مثلاَ السباكين والمبلطين والبناين من عنده مايحتاج احد يشتري ويسوي ويبيع مكسب خيالي .. لاكن لمبتدأ او ماعنده عمال وعلى باب الله يدبر ويروح ويجي ويسعر مدري احسها شغله يبيلها صبررر ويبيلها راس مال كبير ويييلها خبره وواحد فاهم عشان مايلعبون عليه العمال ..يووفقك ربي والله اني مااحب احبط احد لاكن لو تفكر بجديه وتبدأ راح تتفجأ لاكن سو لك خطه اذا بالك طويل وابدأ وان شاء الله تتسهل ;)

بارك الله فيك
بإذن الله سأخوض هذه التجربة قريبا
وإن شاء الله تتيسر الأمور

موفق.............بس مسبب زحمة واجد

هههههههههههههه<<<<<<<<<امزح

ورود الفرح
انا بديت وماعندي مؤسسة والحمد لله الامور من حسن الى احسن

محمد الطميحي
لاتنسى بعد ماتخوض التجربة تقول لي وش صار معك واي استفسار انا حاضر

مضيعة برقعها
وين مضيعه برقعك
هههههههههههههه<<<<<<<<<امزح


على العموم شاكر مروركم ومشاركتكم

إن شاء الله تعالى

الله يجزاك خييير

موفق أخوي ولكن ألا تلاحظ أنك قللت المبلغ الذي وضعته للبناء .... فهل 270 ألف ريال تكفي لبناء عمارة من دور واحد ...؟؟؟؟؟؟؟ أنا أقصد العمارة باساساتها والخزان وشقتين وتشطيبها من إلى ...... أظن البناء يختاج مبلغ أكبر من كذا ..... كما أظن إنه لو كان مبلغ 270 الف كافي للبناء كان كل الناس ساكنة في ملكها ولم تضطر للايجار ......

حتى الأرض نفسها أنت تقول بـ 130 ألف وكثير من الأراضي الآن بمبلغ أكبر من هذا


هذا شيء وبعدين بيع عمارة يأخذ فترة طويلة فليس من السهولة إنك تبيع عمارة بين يوم وليلة وإن الزبون يدفعلك خمسمائة ألف ريال في لخظات .... هذا مبلغ وكثير من الناس يتحوط

المشروع مربح بس يبي له خبره
الشيء الثاني انت ما ذكرت مساحة الارض؟؟
الشيء الثالث وين هالارض اللي بهذا السعر وبهذي المساحة؟؟