هل يوجدجهة تقدم تمويل لمشروع ب 400 الف ريال
 

مشروعي يكلفني قرابة ال 400 الف ريال
المشروع مجدي جدا جدا والربح بإذن واحد احد مضمون

هل من جهة تستطيع تمويل مشروعي
او على الاقل تسمح بدخول شريك معي على القرض ليتمم ال 400 الف ؟؟

هلا أخوي صندوق المئويه يوفر لك خصوصا انهم رفعوا سقف القروض

بالاضافه الى أمكانيه دخول شريك لك بالقرض

بالتوفيق واي خدمه تحت امرك

حيا الله الغالي سريع الرد ووافي الاجابة بإذن الله

اسعد الله مسائك
يالعزيز تحملني شوي

هل قرض المئوية وصل ل 400 الف ريال ؟؟؟
انا سمعت انه 200 بس

وايضا
اخوي موظف وقادر ياخذ قرض من البنك الاهلي ب 200 الف ريال
هل يقبل المئوية ان اشارك اخي ويعطوني 200 الف وبذلك يصبح مجموع مالدينا 400 الف ؟؟

وايضا لدي اخ جامعي اخر ( هل يعطينا المئوية قرضين لكل واحد 200 الف على نفس المشروع ) ؟؟

وهل المئويه كصندوق التنميه العقاري اللي تنتظر 20 سنه الين يجيك سرا قرض عقاري ام ان الاجراءات سريعه ( وكم تستغرق وقت ) ؟؟؟؟؟؟


اعذرني على اسألتي الكثيره

القروض اللي تقدم وانا اخوك تكون لغير المتوظفين

و صندوق المئويه عليه زحمه بس في حد اقصى يوصل ل 7 شهور

اما بالنسبه لسقف القرض مثل ما قلت لك وانا اخوك سمعت انه وصل الى 400 الف

شف وانا اخوك جهز مشروعك

و لا تشيل هم نبي نتعاون و نكمل أجراءاته

بالتوفيق يالغالي

أتمنى نأخذ فكرة عن المشروع ولك جزيل الشكر

حياكم الله

بالنسبة للمشروع هو ملعب كوره قدم
مساحة الارض التي تحتاج للنجيل الصناعي 2500 متر
تكلفة المتر للنجيل الجيد 110 ريال
ايجار الارض يتراوح مابين 60 الى 100 الف وعندي عدة خيارات بالنسبة للاراضي ( العروض موجوده )

يوجد طلب عالي على هذا النوع من الملاعب والمنافسين متواضعين جدا وغالبيتهم شباب لان الشيبان ( اصحاب الاموال ) غير منتبهين لهذه الفكره وربما غير مقتنعين مع انها مجديه وبقوه

الملعب مايكلف اللاعب كثير
اللعيبه 20 منقسمين على فريقين وكل لاعب يلحقه من القطه 15 ريال فقط واغلب الشباب يلجأون لها وعليها زحام
الطلب اكثر من الملاعب المتاحه بكثير والجدوى بإذن الله مضمونه


بس ال 400 الف ضروريه ويادوب تكفي للنجيل ولباقي التجهيزات من اناره وكهرب ودهان السور وايجار الحوش

يالبى قلبك أخوي ما لقيت معرف

أيه كذا تعجبني .. نبدا نشغل هالمخ و نفكر

طيب المشروع بأذن الله ممتاز

يهمنا على شأن يكون أنتاجيته حسب توقعاتنا موقع يكون رواده من الفئه اللي نستهدفها بالمشروع

الشيء الثاني .. ملعب كوره مثلا لو حطينا بجنبه كوفي شوب هل ممكن يكون عليه طلب

أو مثلا حطينا مسبح

كذا نبدا نجمع أفكارنا و نحسب الميزانيه و بأذن الله يطلع مشروع ناجح

يالله شد حيلك و أشتغل على هالفكره

الله يوفقك

ينقل للقسم المختص

المئوية وصل سقف القرض فيها ل500 ألف

مكتوب في الموقع أدخل وأتأكد

أنا طلبت 400 ألف وافقوا بس ما رحت المقابلة

الكشك الصغير بطرف الملعب ضروري
عصاير
مويه
كوفي للي يرغب
خفايف يعني

بالنسبة للمسبح لن يكون مجدي
اول شيء يحتاج اهتمام كثير وبعدين ماراح يكون مجدي ( مافيه فلوس وماعليه طلب )
حنا نستهدف مجانين الكوره اللي يموتون بس علشان يلعبون على العشب الاخضر وهذولي الدفيعه

تحياتي لك